ديوان الشاعرة / د. آمال كحيل

ساعات ياما

ساعات ياما وانا لوحدي
في عز الليل
باشوف صورتك في ضي نجمة
ونور قنديل
باشوف طيفك كما النسمة
وفجأة يزول
وييجي الشوق ياخدني معاه
على جناحه وبيَّه يميل
يصحي الذكرى والماضي
والاقي روحي بتنادي
عليكي ودمع عيني يسيل
ساعات يا أمي باندهلك
واناعارفة
ندايــا مـوش هايوصلك
وباشعر إني من غــيرك
وحيدة وقلبي محتاجـلك
تشيلي الحزن من جواه
وترجـع فــرحته بقـربك
ساعات باحلم
حقيقي إنك
ف حضني وانا ف حضنك
باحـس برعشـتي لنبضــك
بكل الحب جواكي
بحنان قلبك
وآآآآه يا أمي واحشاني
وباشتاقلك
وباتمنى تكوني معايا من تاني
أبصـلك وأسمعــلك
وتحكيلي وأحكيلك
وتشكيلي وافضفضلك
وابوس إيدك وابوس خدك
ياما سهرتي و ياما تعبتي
ياما تحمــلتي ، وصــبرتي
رويـــتي بدمعــتك حــلـمي
وآآآآه يــا أغــلى من دمي
حقيقي يا غالية كان ودي
أشوف الفرحة في عيونك
واخفف عنك همومك
لكن يا أمي ما بيدي
ساعات ياما
في وسط الناس
باتوه واغرق في دوامة
وليل ونهـــار
باحس بوحشة جوايا
وفي ضلوعي تشب النار
وانادي عليكي يا أمي
ويملاني شعور بالذنب
واناجي بدمعــتي ربي
أقـــول يا رب
يـا دنيــــا ليــه ظلمــتيني
وأغلى الناس حرمتيني ؟
شــربت المــر من كاســك
ومين مـــُرِّك ينسيني؟
وإيه فاضل عشان تاخديه ؟
وإيه تاني حاتـــديني ؟
لا جــرح جــديد ها يدمـيني
ولا شهــدك ها يــرويني
عـــذاب يا دنيا ؟ جـربته
ألـــم ؟؟ يا ما الألم دقتـه
وبايديكي مرار اليتم سقيتيني
خدي عمري ، ويكفيني
أنام ساعة عشان أحــلم
وانـادي عليها ، وتجيني
وإيه عمري قصاد لحظة
أشوفهـــا فيهـا تحييني ؟

بقلم
آمال محمود كحيل

افهمني لو تقدر ..

أنا عمري ما نسيتك
ولا غبت عن بــــالي
مـن قلــبي حبيـــــتك
وهــواك دا راسمالي
وان كنت باتظـاهـــر
والقلب بيكابر
صدقني يا غالي
في ضــلوعي خبيتك
فاكـراك وموش ناسيـــاك
صـــورتك في نن العــــين
وباعيش في ذكرى هواك
وف قلبي شــــوق وحنين
حكــــم الزمـــن قــــــاسي
واتفرقــــــوا الحبيبــــــين
وبقيت بإحسـاســـي
وياك شهور وسنين
تذكـــــرني ، تنســــــاني
كان هـمي شـيء تـــاني
ألقاك في يـــوم وافــرح
وتــــــداوي أحـــــــزاني
ما تقولشي موش فاكرة
دا الشــــــوق بيمـــلاني
بص لدمــــوع حـــــايرة
عـلى خـــــــد أيــــــــامي
عـــــدت سـنـين مـــــــرة
وهــــواك في وجـــــداني
لـــو كـنت لــــيك نــاكرة
فالـذنــــب حــــرمـــــاني
أنا عشـت بحــلم بيـك
والحـلم كــان أخضـــر
لكـــن القـــدر فـــــرق
سكـــتنا موش أكــــتر
والحــب جــوه القــلب
عمــــره مـــا يتــأثــــر
لا البعـــــد نســـــانــي
ولا عمــــري هاتغـــير
أرجــوك مــا تظلمنيش
وافهمــني لـــو تقــــدر
بقلم
آمال كحيل

فكــَّر دايمًا
إن الدنيا ما هياش دايمة
إنها دنيا غرورة و فانية
والأعوام بتعدِّي وتمشي
زي الحلم ف لحظة وثانية
جـــايز أحداثهـــا تخليك
تنسى وتغفل عن حقيقتها
ولا طموحك يوم يغريك
فتتوه أو تاخدك سـكتها
أوتغرق في بحور أوهامك
فجأة تلاقي المــوت قدامك
خد منك أجمــل أحـــــلامك
أيام تمضي وقطـر يفـوت
واما يحين أجلك وتمـوت
واما يحطوك جوه تابوت
مش هاتحس بمين حواليك
مين هايكون حاضر وياك ؟
مين راح يشهد على نواياك؟
ربك عالم إيه جــواك
كنت شيطان أو كنت ملاك
فكر إيه خلفت وراك ؟
أهل وناس كانوا يحبوك ؟
طيب بكرة قوام ينسوك
ممكن يبكوا عليك أيـام
ولا دقايق ولا ساعــات
ولا تصير ف عنيهم بس
مجرد ذكرى لإنسان مات
كل ربيع بيعدي أكيد
جاي بعــده خـــريف
يحصد أغلى سنين العمر
وتصبح طيف
دنيــا غـرورة بتلعــب بيك
لا ف يوم كانت ملك ايديك
ولا يوم عمرها هاتدوم ليك
إوعى ف لحظة غفلة تفكر
إنك فعلاً راح يـــــوم تقــدر
تهرب من شيء ليك متقدَّر
أجلك ؟؟؟ متحـــدد بالثانيــة
عملك ؟ شوف فين هايوديك
إوعى تغمض لحظــة عنـيك
إوعى آمالك تغدر بــيك
فكر لحظة روحك تصعد
عند باريك
واما ملايكة الموت هاتجيلك
مين ممكن منها ينجيك ؟؟
أهي لحظات صدَّقني وفكر
لما تشوف بعينيك وتقــدَّر
ازاي ممكن تبقى مجــــرد
حلم قوام في الكون يتبخر
ملك الموت مستني اللحظة
مش هايقدِّم ، ولا هايأخــر
اعمل طيب قبل ممـــــاتك
وازرع خير ليه تزرع شـر
فوق من وهمك
واصحى يا صاحبي
صلي لربك وادعي استغفر
أصل الدنيا
دي زايلة يا صاحبي
والكون كله سراب
مش أكتر

بقلم
آمال محمود كحيل

بسمة وخلاص ... !

بسمة وخلاص
بقلم
د / آمال كحيل

ممكن ساعات من يأسنا
بنعــيش في وهم بنخلقه
نهـرب معــاه من حـزننا
ونتوه معــاه ، ونصــدقه
وما بين حقيقة ، وبين سـراب
تبقى القلوب عايشة ف عذاب
علشان دا موش من حقنا
نحلم بإن الحلم يوم
هايكون لنا أو إننا
ممكن في لحظة نحققه
فبنخنقه
ونعيش بقية عمرنا ف أسف وندم
وتدور سـواقي العمر ويدور الزمن
رغــم الألـــم
نطوي الضلوع على جرحنا
ندفـــع تمـن
خوفنا وسكوتنا وعجزنا
وآه م الحياة
ممكن ساعات
ندفن همومنا ونبتسم
بسمة وخلاص
فوق الشفايف تترسم
ولا حد عارف ولا شايف
ولا شاعر زينا
طول عمرنا إنت وانـا
يا حبيبي حاسين إننا
بنهرب من الأحلام ساعات
ونتـوه في أحزانا ساعــات
وسـاعات تاخـدنا الذكريات
ونفوق وننــدم ع اللي فات
وتسيل دموعنا ومن سكات
نمسحها بكفوفنا ونضيع
بين الجمــوع
وما بين حقيقة ووهم
عايشين ميتين
وف كل لحظة تعـدي
بيزيــد الأنـين
يفضل سؤال جوه العيون
مالهوش جواب
يا هل ترى م العمر كام
فاضل سـنين ؟
أيـــام ؟ شهور؟
ولا دقايق أو ساعات ؟

ذكــــرى ودمعــــة

قلبي وحــيد هــاهــنا
لا زال يبحث عن رفيق
وأنـا غـــريب حـــائرٌ
قد مسـني هــمٌّ وضيق
من حـولي الأمـواج تقـذفني
فأمسي كالغــريـق
تنمو على جسدي الطحالب
والشواطئ بي تضيق
ومعاول الأيام تجرفني إلى
وادٍ ســحيق
يا فجري المسكون بالأحلام
ينتظـــر الشـــروق
يا ليلي الغافي على
صدري ، أيا جرحي العميق
يا عشق أعوام ٍمضت
لـم ينطفـئ فيهــا حــريق
الحـزن في صدري يعربد
بين دمــع ٍ وشـهيق
والشوق يحـدوني لأهرب
منك لكن ، لا أطـيق
فأنا عــيون قد رنت
لفلــول ماضينــا العــتيـق
وأنا فـــؤاد قـد هفـــا
للوصل في زمن العقــوق
لا زال حبك في دمي
لا زال ينبض في العـروق
والروح في درب النـــوى
بـاتت إلى اللقيـــا تتـــوق
تجتـاحني الذكـرى فيهمي
دمــع عيـــني يــا صــديق
وأتــــوه في
غـيبــوبـــة الآلام بحــــثًاً
عـن بـريــق
عن ضوء قـنديل صـغير ٍ
قــد يضيء لي الطـريـق
عن قبس أمل ٍعن حـنان ٍ
يغـمـــر القـلب الرقيـــق
عن زهـــرة جفـت ولكن
لما يـزل فيهــا الرحـيق
!
شعر
آمال محمود كحيل

تواصلات مع خروف حلمنتيشي للشاعر يحيى زكريا

مسـكـين أنت ، فيــا يحـيى
صبرًا وتـــروَّ ، ولا تحتــار
أعــلم بظـــروفـــك ، لكــني
لا أمــلك أن أعطيـــك دولار
إن كنت ستشـــري خـرفاناً
فالويـل لجيبــك قــد ينهــار
وأمـــامـــك حـــلان اثنــــان
إما أن تسرق ، أو فاختــار
أن تـرهـــن كـل جـواهــرها
وتبيــع الورشــة ، والـــدار
كي تجــلب ثمنــاً لخـــروف
من عــند أخينــــا الجــــزار
أعذرك وحقـــك أن تشــكــو
فشريكة عمرك كالإعصــار
إن ترفض ما أمــرَت أدري
قد تطلق يا زكريــــا النــار
فارحــم أولادك مــــن يتــم
واعــزم لن تملك أي خيـار
حقق رغبتهــا ، لا جـدوى
لن تقنع زوجــك بالأعــذار
المــال يعـــوض صـــدقني
والكــون ملــيء بالأخيـــار
وجنيــهٌ من ذا ، أو هـــــذا
لا تنس هنالك بيت الجـــار
فاطــرقـه وقــل لا تخــذلني
وامنحني لو خمسين دينـار
أبتــاع خــروفـًـا ، أو تيسًـا
وأعــدك يقينـًـا وبإصــــرار
سأهبك الرقبــة والكرشـــة
وكـذا لن أبخـل بالمــومبـار
زوجـي قـد حلفــت أيمـانــًا
إن عـدتُ خليًــا ، يا ســتار
ســتقيم الدنيــا يــا جــاري
وستسمع موتي في الأخبار
أيسرك أن ألقى حتفي
إني أنتظر الآن قـــرار

(2)
فـُـرجَتْ يــا يحـيى ، فاستبشـر
هــــو حــــكم عـــزيــــز جـــبار
دعــــواتـــُـك أردت بامــــرأتـك
فاســعـد بالخــبر وهني الجــار
أوَليســت هي من قـــد ضـاقـت
بالحــال فـلا ضــــررٌ وضـــرار
بــدأت باللـــوم ، ولــم تحفــــل
وأبـَــتْ أن تقـنـــــعَ بالأعــــذار
كــم كــانت لشـــجار ٍ، تســـعى
وتحـــاول أن تنفـــخ في النــار
لم تعـــذر فـقـــرك ، بل ماجــت
وافتعــلت مشـــكــلة في الــــدار
أوَ كــنتَ لتقـبـــــلُ بــِالهـــُــــون
وصـــراخ يعـــلـو ليــــلَ نهـــار
فـاحـْـزم أمتعــتــكَ فـي صمـــتٍ
وامســـح أدمعــك ، ولا تـنهــار
واخــرج من حــزنكَ ، ولتنـزع
للســلوى مع بضــعَــة سُــــمَّار
تنسـى الأشـــجان ، بصــحبتهم
وتـعــــود لغـــــزل الأشــــــعـار
لا تقــسُ على نفســــك جــــورًا
أو تنـــدم يــومًــا ، أو تحتـــــار
فلهــا مــا اختــارت من أمــــــر
ولـــترضَ بـحــــكـم الأقـــــــدار
وابحـث عن أخرى ، وحــذاري
أن تـُغـــــرَمَ بامـــــرأة الجــزار

(3)
يـا شاعر لا فض لســــانك
لكـــن الـزوجـــة لـن تقنــع
فخـروف أفضل من كلمـــة
ينـــطـقهــــا زوج يتصنـــع
لن ترضي بقصـائد شـــعـر
فالشــعـر كــلام لا يشــــبع
للمـــال ســـــيادتـه الأولـى
والنفس له دومًـــا تخضـع
أتظــن المـــرأة يبهجههـــا
أن تقضي العيد فلا تـرتــع
بنعيـم الـزوج ولــو أفلـس
هي فيما تؤمـن لن ترجــع
لا البصل سيغني صــدقني
فخروف العيد هــو الأمتـع
وأرانــي أتفــــق ويحــــيى
في أن الحيلـــة لن تنفــــع
فليجـــلب مــا طلــبت حتى
لا يحــدث مــا قـد نتـــوقـع
ونصيحـــة أخـت هي أدرى
بالنسوة يا يحـيى فاخضــع
ولدي حلـــول قـــد تجــــدي
إن قلت أحــدها كــم تدفع ؟

لا زلت أبحث عنك
شعر
آمال محمود كحيل

لا زلت أبحث عنك
في ملامح صورة ٍ
علقتها فوق الجدار
وفي حنايا
غرفتي الغارقة في
حـــزن النهـــار
في هــواجـس وحــدتي
ما بين خــوف وانكسار
وفي ســكون اللــيل في
صمت القواقع والمحـار
في عيـــون الســاهرين
على مـــرافئ الانتظـــار
وفي هديــر المــوج في
شغف المــوانئ للبحـار
في الفيافي في الصحاري
في السهول ، وفي القفـار
في تهـاويـــم المســاء
وفي ليالي الاحتضــار
أواه يا وجع الحروف
وفي دمي تشتعـل نـار

لا زلت أبحث عنك في
أعمــاق طفــل حـــائـر
في وجــه طيف مارق
في صمـت حلـم عابـر
في قصص كل العاشقين
وفي ترانيم الحكايــا
بين أعمدة الشوارع
في الدروب وفي الزوايا
لا زلت أبحث عنك
في وجه المرايـــا
في شراييني أفتش عنك يا من
صرت تسبح في دمايـــا
يا من هواه أثار ضعفي
أين أنت ؟
وأنت تسكن في الحنايا ؟

في دروب الـوهــم يـا كـم
تهت خلفــك
كيف أهرب من جنوني ؟
كيف أهرب من خطايــا ؟
يا عذاب الروح بعدك
يـــا شقــايــا
لا زلت أبكي
رغــم أن الدمــع قــد
يبدي الخفايا

لا زلت أبحث عن خطانا
فوق أجنحة السحاب
في شفاه الجـــرح تسكب
دمعة فــوق الكتــاب
وفي قـوافي الشعــر لكن
لا أرى غير السـراب
أترى تؤؤب إلي يا قمري
فقـد طال الغيـــاب ؟؟
أتــرى تمــد يـــدًا إلي
تزيل أستار الضباب ؟
وهل تبث الأمـــــل في
صدر يئن من العـذاب

أواه إنــــي قـــــد مــللــت
من الرحيـــل بـلا إيـــــاب
أواه إني قــــد ســـئمـــت
من المخــاوف والعــذاب
قل أين أنت فيا لصمـتك
كـــاد يفقــدني الصـواب
قل أين أنت فيا ضياعي
بين شــك ، وارتياب ؟؟
بين أسـئلة ستبقي
يا حبيبُ بلا جواب

وموش هاكدب
خلاص صدقني مش هاحلم
في يوم انك
تكون ليه
قفلت الباب وموش هاندم
عليك لو لحظة
أو ثانية
وخليك ويــا أوهــامك
أنا اتشبعت من صدك
ومات الحب جوايـا
وودعته ، وودعتك
وموش هاكدب واقول إني
قدرت انساك
دا أمر محال
لكن قلبي اللي يوم حبك
وغير الجرح
عمره ما طال
خلاص مات
كل شيء جواه
ما عادشي أكيد بيتأثر
هايبقى هواك مجرد طيف
مجرد ذكرى ، موش اكتر
ما هانطقهاش واقولهالك
هاحوشها ف قلبي تتحجر
ولو نار الفراق قادت
ولو قلبي فضل يسهر
مادام الحب ضاع منا
مادام بعت اللي كان بينا
هاداري الشوق وهاتدارى
ورا الماضي اللي جمعنا
وافكــر كل ما افتكــرك
بإني عشقت فيك معنى
وان الذنب مش ذنبـــك
دا ذنب جروح بتوجعنا
فشلنا ف يوم نداويهــا
وبالنسيان نتاويها
وفيه كلمة
مانيش قادرة أداريهــا
يا ريت يا غـــالي
يوم تفهم معانيها
ولو كل الحروف هاتمـوت
هايفضل برضه شيء بينا
ولو كل الوشوش هاتغيب
هايفضل رغم أحزاننا
أمل إن اللقا هايكون
واما يحين
وتيجي تقول أنا آسف
هاقول آسفة

جـرح قلبك ، هـوه جــرحي

جـرح قلبك ، هـوه جــرحي
وابتســامتك هيــه فـــرحـي
ذنبي إن الخوف حــاصرني
وابتـــدأ يعشــق ملامــحــي
ليـه تلـــومـني ، وتعــاتبني
مـــد إيـــدك ليَّــــه خــدنــي
واحتـــوي ضــعفي وآلامـي
من فراق ، بيزيد في حـزني
ليه ســـكاتـك ، وانهــــزامك
لمـــا جـواك مــات حنــــانك
والتقيــتك ، رغـــم ضعــفـك
دست قلبي بطـــول خصامك
كـنت باســــتناك تجيـلي
تبــقي عنــواني ودليـلي
لو ضـلام اليـأس عشش
نـورعيونك يمحي ليــلي
محتاجــالك تبـقى ليــه
خيمـة بتضــلل عليــه
حضن دافـي ، ونهر صــافي
لو يجور الكون عليه
آسفة جــدًا ، موش بخـاطـري
أصـل ضـــاق م البعــد صبري
إطوي جرحك واشفي جـــرحي
لـــو يهمــك ، لســــه أمــــري

ألم تـكُ أنت الذي قــد صبـــا ؟

ألم تـكُ أنت الذي قــد صبـــا ؟
عن الحـب واخترت لي شقوتي
وأمعـنت في الصــد حتى نبـــا
فؤادي ، فلا تشك من جفــوتي
وما كان مثلي ليســلو الجــوى
وقـد زاد هجـــرك في لوعـــتي
وحـايلتُ قلبًــا ، عنيـــد الرؤى
تمـــــادى ليثـــأر من عــــزتـي
وأدلــى بلـوم ٍ ، فأعيـــا النـهى
وســـمَّر دون المـنى خطـــوتي
وكان الفــراق ، وغـــاب السنا
ففارت دمــوعـي على وجــنتي
وقد ضاق صـدري بحرِّ الهوى
ســعـيرًا تـأجـــج من لهــــفـتي
فما بـال خـلـِّي بدمعي ارتـــوى
وذكـــراه ترسـف فـي مهــجتي
وما بـــال حــب كبيـــر هــــوى
وبين الشكـوك ، طــوى قصتي
أتـرمي وفـائي بقصـــد النــوى
إذن فابتعـــد ، لا تـزد حــيرتي
وإن كـان قلبـــك مــني اكتــفى
فبـالله لا ، لا تـثـــــر دمـعـــتي
وإن كــان أمــري لديـك انتهى
فحســـبك أن قـد ذوت شمعتي

شـــعر
آمال محمود كحيل

العمر يمضي

الحب نبضٌ
في القلوب وهمسُهُ
يغري بوصل ٍ
بعد أن هدأ الحنين
وأراك ترسم
لي الطـريق ومركبي
تخشى ركوب البحــر
فامنحني اليقين
هيا حبيبي
لا تضن ببسمة ٍ
وامنح يدًا
تجلو عذابات السنين
إني أحبك
غير أني في الهوى
قد خفت ضعفاً
قد يثير بي الجنون
لله درك يا نداء جاءني
ليلاً بعذب حروفه
اخـترق الســكون
أقبل ولا
تترك نهـــاي يصــدني
عن درب حبك فالهوى
يمحو الظنـون
عانــق فـؤادي
وارو روحـي بالمـنى
وامسح همومًا أثقلت
هـــذا الجـبين
العمــر يمضي ،
والحياة قصيرة
يا ويح قلب ٍ
بات نهبــًا للأنين
يطوي الليالي عازفـًا
لحن الأسى
ويتـوق دومًــا للقــاء
ولا يبين
أعلمت ماذا قد ألم به وقد
أدليت دلوك
في هدوء مستكين ؟
أشعلت نارًا
في الضلــوع تأججت
وأبحت سرًا
كــان في قلبي دفـين
أهواك حقـاً
لم يعد يجدي الهــرب
والحب قد ملك الفؤاد
فمن تكــون ؟
هل أنت وجهٌ لاح أم
ملك حنــون ؟
أم أنت كفًٌّ كفكفت
دمعي الهتون ؟
خــذني إليك ولا
تدعــني للـرؤى
تأتي على حلـــم لـه
تصـبو العيــون

شـــعر
آمال محمود كحيل

لن أعود إلى الوراء

دعني ألملمُ
كل أشــــيائي القديمـــةِ
ثم أرحـــــل
مالي وأحـزاني ، وذكرى
عـاشـــق عــني تحـــوَّل ؟
ســوف أرضى بالهزيمــة
بانكســاري ، سوف أقبـل
سوف أجهض دمــع عيني
لن تـــراه اليـــوم يهـطــل
يا رفيــق العمـر مـــاذا
قـد تـــراك الآن تفعـــــل ؟
هــل تعـــاتبني فإنـي
قد عزمتُ ، وكيف أعدل ؟
لن أعـــود إلى الوراء
فلن يكـون الأمر أسهل
قد مللــت من التصــبر
والتمـني ، والتـذلـل
أنت من خان الوعــودَ
وأنت من منها تنصَّــل
كنتَ يومًا يـــا حبيبي
من غديري العذب تنهـــل
كنت تهواني وكان الكون
في عـينيَّ أجمـــل
ما الذي حقَا تغيــر ؟
ما الذي فينا تبــدل ؟
ما الذي قتل البراءة
في عيــوني ، أم سـتسأل ؟
أم ترى قد بتَّ حقـًا
يا صديق الأمس تجهـــل ؟
لا تُحِكْ أثواب حـزني
بالتـــأوّه ، والتعـــلل
لم يعد يجدي البكـاءُ
ولا التردد ، والتمهُّل
ضقت من سجني ، ومنـك
وبامتعاضـك لســت أحفـل
دعك مني يا صديقي
أيهـا الطفـــل المــدلل
دعــك مني ، من حـياتي
من هـوى قلبي المغفـــل
نبض حبك كاد في
قلبي يموتُ فكيف يعقـل
أن أظــلَّ لكــي أرى
زهــــري على
كفـــيك يذبــل ؟
سوف أمضي في طريقي
فالرحـــيل الآن أفضـــــل
سوف أنجو من حــريقي
لا تلمني ، سوف أرحــل
سوف أرحل
سوف أرحل

بقلم
آمال محمود كحيل

ما بالُ خِلي
قد تجاهـل موعـدي ؟
شعر
آمال محمود كحيل

مـا بـالُ خِـلي قـد تجاهلَ موعــدِي؟

ومضى ولمْ يُطـِـق انتظــارًا للغـــــدِ

تــركَ الفـؤادَ يهيـمُ في ليــل الأسـى

وأطــــاحَ بالآمـــــال دونَ تـــــــردُّدِ

ناشـدْتــُــه بحنـــان قلـــبٍ عاشـــق

يخشـى الفـراق فلــم يَلِـنْ لتــودُّدي

وحـــدي هــنا أجـترُّ ذكـرى لحظـةٍ

ودََّعــتـه فــيها ولم يلمــس يــــدي

فاضتْ عيونـي بالدمــوع ولمْ أزل

أبكي على الماضي ويبكيني غدي

لا زلت يا أماه

لا زلـت يـا أمــاه
أحـــــنُّ للبـكـــاء
أتـوق للحــنان ِ
وأعشـق الصلاة
لا زلت حتى اليوم طفلةً ببراءتي
وبحاجتي للحــب دومًــا والعطـاء
فإذا كبرتُ فإن قلبي لم يزل
بالحب ينبضُ والمحبة ، والوفاء
وإذا نأيتُ فإن روحيَ
فـي حــنايـاها نـداء
أو تذكـرين ؟؟
كم كنت أبكي يا حبيبة في المساء ؟
حـين الظــلام بثوبـــه يكسو السماء
وأراك في صمتٍ حنون ٍتقبلين
جسدي الصغير على السرير ِ
تهدهدين
جفني الكسول بناظريكِ تداعـبين
ثم خديَ في حنان ٍحين أغفو
تلمسـين
أو تعلمين حبيبتي أو تعلمين ؟؟
لمَ كنت أبكي حين يغشاني السكون ؟
لم كنت أصرخُ في الظلام أتفهمين ؟
أنا كنت أخشى في الحقيقة
أن أنـــامَ ، فـتـذهـبي
أرجوك لا ، لا تغضبي بل عانقين
أنا قد عرفت الحب لما
كـنت طفلاً تحملـين
واليوم أحيا في انتظارك ِ
رغم أعباء السنين
أشـتاق أحلامًــا تـــوارت
عن عيــوني َ ، لن تجيء
أواه يـــا أمـــاه كـــم
أشـــياء مــرت
في حيـاتيَ لن تعــود
أواه يـــا أمـــاه كـــم
ذكــرى تلاشت
فـي الــوجـــود
هي في حنايا القلب لا زالت تذكرني
بماضينا البعيد
أتذكر الوجه الحبيبَ يحايل الحزن العنـيد
أتسمَّع اللحن البعـيدَ يثير في قلـبي الأنين
هــو ذلك اللحــن الذي
قد كنت دومًا تعشقين
ما كنت أعلمُ يا حبيبة
أن للألحان هذا السحر أو
هـــذا الفتـــون
ما كنت أدري أن حزنكِ
كان نبضًـا في قلـوب الحائـــرين
مـا كنت أعرف أنني
يومًا سأكبرُ كي تعاندني السنين
أمــاه هل يومًـا رأيت الدمـع في
عيني يطـــوف ؟
أسألتهِ ؟ ماذا أجابكِ ؟
هل نبشتِ الصمتَ في قلبي الضعيف ؟
أمــاه هـــل
يومًـــا قرأتِ تعاستي بين الحــروف ؟
أرأيت حولي الصمت أشباحًا تخـيف ؟
أرأيت وردي كيف يذبــلُ
قبل أن يدنـو الخــريف ؟
هل أدركت عيناك سري؟
هــل علمت بسر قهري ؟
ليـت أني يا حبيبة كــنت أدري
عطشى أنا آهٍ فيا أمـاه ضــمي
بالحنان الثرِّ أعماقي وصدري
أشتاق أن أبكي على كتفيك أن
أشكوك همي
أو أن يحتوي كفاك وجهي كي
أحس الدفء أمي آهِ إني
قد كبرتُ ويا لحــزني
ما زال وجه الكون ينطقُ بالتعـاسة ، والحَزَن
مرت على قلبي الحزين خطى الليالي والزمن
وتعلمت عيناي ألا تكذبا رغم الألــم
وتعلمت شفتاي ألا تنطقا فبكى القلم
وخبرت لغة الصمت واليأس المـرير
وعــرفت يــا أمـاه عــن كـوني وعن
ذاتي الكــــثير
أدركت أن صديقتي هي دمعـــتي
وعــرفت أن وسيلتي هي ريشتي
وعرفت أن الحب مجهول المكان
قــدرٌ يفاجئنا ، ويسترق الأمــان
يلهو بنا في لحظـــةٍ
ويقودنا نحو الهوان
أمـاه لا ، لا تسأليني عن حياتي
عن دموعيَ ، عن شؤونيَ ، عـن ضياعيَ
خلــفَ ذاتــي
أنا قد كبرت لأنني ذقت الشقاء
لكنني ما زلت حتى اليوم طفلة
ببراءتي ، وبحاجتي
للحب دومًا والعطاء

طيب يا صاحبي

طيب يا صاحبي وللأسـف
مصدوم ، وخايف تعترف
إن الحياة كدب وخـداع
إن البشر بقلوب خزف
دا الصدق مات جوه النفوس
والحب بـات مهـــزوم تعيس
موال حزين وبيتعزف
لكـنه ما يمسش وتــر
ولا في الصدور بيسيب أتر
يــا للأســف
مليون أسف
أصبحت في الدنيا دي طيف
والكون غريب شكله اختلف
دمعك سكب حــزنك حـروف
والقلب في همومه انجــرف
إيــه اللي فاضــل غير أمــل
جــواك لكن ضيـُّـه اتخسـف
لساك بتحلم بالوصول
لساك بتؤمن بالصدف
طاوي الجـراح جـوه الفــؤاد
والدمــع عن ســـرك كشـــف
والخطـوة تاهت في الدروب
والوجهـة شـــتت عن هـدف
رايح لفين يكفاك هـروب
دمــك بيسأل ليه نــزف ؟
الظلم داس فوق الرقـاب
والعــدل ميزانه انحرف؟
ما الأقنعـــة فـوق الوشــوش
ووراها ضــاع معنى الشرف
والخــوف بيطـــرق كـل بـاب
واليأس في دروبـك زحـف
حتى الأمل أصبح ســـراب
حتى الحياة صبحـت ترف
لساك بتجري ورا الظنون
لساك يا صاحبي بتتكسف
وردك دبـــل فوق الشــجر
من قبــل حتى ما يتقطـف
فوق من سباتك اصحى قوم
إوعـــاك تســـلـِّم أو تقـف
إيـاك تطاطي ف يوم لريــح
إياك تكون مرمى وهدف

كداب ودين النبي

كـداب ، ودين النبي
والكـدب في عيونـك
عمره ما كان مذهبي
لكـــن بمفهــومـــك
تخـــدع كتيــــر وقليـــل
مين دا اللي هايدينـك ؟
ذنبي وما هوش ذنبــك
ويكـــون في معلـومـك
إني بالوم قلبي
علشان في يوم صـدق
إن اللي من غــير قلب
ممكن في يوم يعشــق
الحب عنـدي ولاء
أما انت عنــدك لأ
لعبة وكلام مرصوص
بالــكـــــدب متـــزوق
فاكـــر هاتخــدع مين
بعــــد اللي كان منـك
وبكلمـــة تقنـــع مين
يفضل أسير ســجنك
ولا شيء هايجبرني
دانا صــبري فــاض مـنك
كبلت روحي بطــوق
وسقيتني من ســـِّمك
وبقيت كما المخنوق
مش طايقة اجيب سيرتك
وكرهت كوني ف يوم
في ضـلوعي ســـكنتك
بطــل تقوللي بــــريء
انا هانسى حتى اسمك
كلمــة غرام ، أو حـب
متبرية منك
ولا عادشي ليك في القلب
إحسـاس هايشــفعـلك
كـداب وموش هاقبـل
لو لحظـــة أســمعـلك
ويمـين بـرب الكــون
من تاني ما ارجعـلك

من تاني جاي بتقـــول
عــنك مــا باســـتغنى ؟
أنا قلبي بـــات مقفـول
فبـلاش غـــنا ومغـنى

وكفايــة لــوم وعتـــاب
دأنا قلبي كـله جـــروح
مين اللي كان مخــدوع
مين اللي كـان مدبــوح

كـان ذنبي ، صـــدقــتك
وانت الخــداع طـــبعــك
ويا ريتني ما عشـــقـتك
ولا جيت في يوم نبعـك

زهـــرة هـــواك دبـلت
م القسوة ، والأشـواك
ما املكشي غـــير إني
أبعـــد عشــان أنسـاك

سيبني ف دروب اللـيل
والعتمـــة ، والأحــزان
مبقاش في عندي بديل
غــير ســـكة النســـيان

جــايز في يــوم أصحى
من وهــمي ، واتعــــلم
حـــبك دا كــان فرحــة
دلــــوقـتي باتــــــألـِّـــم

ســايـق عليــك النـبي
ما ف يـــوم تكــلـمني
دانا سـيبت ليـك قلبي
علشــان معاك خانني

مــــا تردهـــوش تــــاني
داماعادش ملكي خلاص
ودعــــت أحــــلامي
والحـب والإحساس

صدقني موش باكـدب
فيـه بيننا ألف جـــدار
جــــواك أمــل ، لكــن
جوايا نـــار ومــــرار

وبـرغــــم أحـــــزانـــــي
وهمــــومـي ودمــــوعـي
ما قـــدرتش أكـــره غير
قلبي اللي موش طوعي

لو مـيت يمـين تحلــف
هايفيـــد بإيــه ، إنسـى
ويا ريت كمان تعــرف
مهمـــا القـــدر يقســى

ولا عمري هابكي عليك
أصـــل الدمـــوع غاليــة
ولا يــــوم هافكـــر فـيك
لو لحظـــة ، أو ثانيــــة

شوف حد غيري وروح
إبـعــــد بـعـــــيد ، عــني
مـا فضلش تاني جروح
ممكـــن هـــــا تئلمــــني

اطوي اللي كان وارحل
المـــاضــي دا نســــيته
إزاي عـايــــز تـوصـــل
خـــيط إنت قـــصيتــــه

من تــاني جاي بتقـــول
عــنك ، مــا بســـتغنى ؟
صدقني فاض بي الكيـل
دا كلام مالـــوش معنى

يا رب جــيت ملهـــوف
وف قلبي رهبة وخوف
منـــك بقـيت مكســـوف
ودمـــوعي في عينـــيه
غـرقـــان أنــا ف ذنــبي
ســـامـــحني يـــــا ربـي
نـدمـــان ، ومـن قــلـبي
والحـزن فــــاض بيـــــه
خدني ف جناح عطفــك
وضـــمــني بلـطــــــفــك
ياللي الحنـــان وصفــك
مـــادد أنــــا إيـــديــــــه
خـرجني من يأسي
أنا تهت عن نفسي
لو مـركبي ترســي
عـلى شـــط حنيــَّـة
يا واســــع الغفران
أنا جي ليك طمعان
تغفر ذنوب إنسـان
إتغـــــرّ بـالــدنيــــا
أوهـــامـي غــرتـني
في بحورها شدتني
يـــا رب إنجـــدنــي
وكــون رحيم بيـــه
إغفـــــــر لي زلاتـي
واهـديلي خطـــواتي
وارحمني في مماتي
دانت الأمـــــل ليـــه
واقف في أعتــابــك
إفتـح لي أبــــوابــك
أدخــــل لمحــــرابـك
واخلصـــلك النيــــة
يا رب
يا رب
يا رب

وماذا بعدُ تأمرني ؟!

مساءُ الورْدِ والرَّيْحـان ِ
والجُــوريِّ ذِي الحُسْـن ِ
لِعَيْنيْ عَاشِـــق ٍلــمْ أرَهُ
فِي يَــــوْم ٍ، وَلمْ يَــرَني
ولكِـني وَجَــــدْتُ الحُــبَّ
في قلـبي ، يُفــــاجــئُني
بفيْـض ِالطهْر ِوالإيمان
والإحسـاس ِيمْـلــــؤُني
مساءُ الشوْق يَا قمَــرًا
أسَـــامِرُهُ ، يُسَــامِرُنِي
بحُــلو ِالهَمْس ِيُغـرينِي
فأعْشَـــقهُ ، وَيَعشـقنِي
بكلِّ الفــرح والترْحَـابِ
يُتْحِـــفنِي ، وَيَغمُـــرُني
وَيســـقِيني عَبيــرًا مِنْ
هَــوَاهُ العَــذبِ يُسْكِرُنِي
مَسَـــاءُ الحلم ِيَأسِـرُنِي
وَلِلأفــــرَاح ِ ينقـــــلنِي
لأجـــواءٍ بها لا ألتــقِي
ظِــــلاً مِـنَ الحَــــــــزَن ِ
يُداعِـــبُنِي ، يُهَــدْهِدُنِي
ويُطفئُ سَــوْرَة الشَّجَن ِ

****
مَسَـاءُ الشعْر ِ يا رَجُـــلاً
كَثيـــرًا مـــــا يُحَيِّــــرُني
عَلى أوْرَاقِـــهِ البيْضَـــاءَ
يَصْهَـــرُنِي ، وَيَسْـــكُبُنِي
قصِيـدًا أوْ حُـرُوفـــاً بَيْنَ
أسْــــطــرهَا يُبَــعْــــثِرُني
مَسَاءُ الدِّفْء وَالتِّحْنــان
يــــا طيـفـــــاً يُبـــادِرُني
بليْــــل ِالبـــرْدِ مَلهُــوفاً
بمِعْـطـفِـــهِ ، يُـدَفــــئُنِي
يُـذِيبُ الثـــلجَ في قلـبي
وَمِنْ صَمْتِي يُحَـــرِّرُني
عَلى الأوْتــــار يَجْـعلنِي
أدَندِنُ في الهَوَى لحْني
مساءُ الخيْر بالأفــرَاح
والبَرَكَـــاتِ ، يَذكُــرُني
فيَهْــمِي غيْثـــهُ سَـــيْلاً
مِنَ الأحْــزَان يَغسِـلنِي
وَمِنْ خــوفي يُطهِّـرُني
ومِنْ شَــعَثٍ يُلمْـلِمُــنِي
مَسَـاءُ الحُبِّ وَالألوَانِ ِ
والأصْـــدَاءِ تَسْـــحَرُنِي
وَتَـذرُوني ، وَتجْـمَـعُني
وَتُشْــعِلنِي ، وَتُطـفِـئُني
مَسَـــاءٌ عطــره مِسْــكٌ
وَنبْضُ القلبِ يَدْعُـوني
لأنْ أهْــدِيَــكَ وُجْــدانِي
فمَــاذا بَعــــدُ تأمُــرُني
؟؟؟

برغم صمتك

أنا حاسة بدمــوعك وحيرتك
وسامعة نبضك برغم صمـتك
وقلبي عنــدك ومهما اعاندك
يا حبيبتي شـــايلة
في عينيه صورتك
قلبك نــاداني ياما وحــايلني
والموج رماني والخوف شغلني
صميت وداني لحظة ناديتي
لكن حنـاني لحظـــة بكـيتي
رجعني تـاني لحضنك انتي
يا أغـلى عـنـدي
من نـــور عينيه
أصـلك يا غالية إنتي اللي باقية
سامحيني وانسي
لحظـات خصامي
واياكي تقسي لو كان كلامي
زود في جرحك وساب أسية
يا حبيبتي فعلاً صعبان عليه
نظرة حنانك بالدنيـــا ديـــه
وتعالي جنبي يا أغلى مني
تشـــكيلي همـــك
وانا اشكي حزني
ودموعـنا تعزف لحن التلاقي
حضنك حبيبتي
هوه اللي باقي
هايعود فرحنا ، وجراحنا تهدا
بعـد النهارده ، لأ م النهـارده
أنا إنتي وانتي وأنا ف جسدنا
روح واحدة ساكنة
ف قلـب المـــــودَّة

ما بين الحرف والكلمة

ما بين الحـرف والكلمـة
لقيت بوحك كما النسمة
تطيب بالأمل روحي
وتطلق في الفضا جناحين
فشكرًا ليك
يا زين من شعره يطربنا
ويحيي النبض في قلوبنا
جمال روحك مالوهشي مثيل
وسحر الحـرف يسبي العـين
هاقولك إيه ؟
ما عادش كلام
فهل صمتي قصاد بوحك
هايتترجم ويوفي الدين ؟
دموع الفرحة هــزتني
ودنيـا الحـــلم شـدتني
وطافت بيَّه عبر الكون
جداول عطر بيهفف
نسيمها ف قلبي بيرفرف
بصــدق المعنى يحييني
بمعنى الصدق يشجيني
يا قلمي انطق يا قلمي انطق
عشان خاطري
ما تتسمرش في إيديه
ووصلله جزيل شكري
ما تتحيرش لــو ثانية
مــدادك حتى لو قصَّــر
فنبض الصمت هايعبر
ولو حتى
هاتكتب سطر أو سطرين
وموش أكتر
أكيد عجزك هايتفسر
أكيد عجزك هايتفسر

لو شفت الدمعة ف عيني

لو شفت الدمعــة ف عـيني
أو نظـــرة بتعكـس حـيرتي
أو حــتى ســـمعــت أنيـــني
ولقيت في مرايتك صـورتي
ارفض تخــرج من زمنك
أو حــتى تجـــرب تفهــم
أنا حقي اللي أشيل همـك
ولا هاقبــل يــــوم تتــألم
إياك تضعف ، وتحـــاول
تقفــز من دايـــرة فكـرك
أو يـوم تنساق للمــاضي
وتجـرب تلفــظ عصــرك
وان جـيت وجهـت نصيحــة
اسـمع واحـدف ورا ضهـرك
صـدقني ما هزعل يـــا ابني
من قلبي ياغالي انا عاذرك
مهـو زمـنك عكـس زمــاني
لا احـــتار ولا يحتـار أمرك

ما وحشتكش ؟
بقى بالذمة يا غالي حقيقي
ما وحشتكش ؟
طيب بص ف عيني وقوللي
بجد نسيتك ما بهزرش
وان بعادي ما هزش قلبك
وان خصامي ما بيهمكش
سوق في دلالك
زيد في عنــادك
بالنسبالي ما هاتفرقش
لكن تحلف إنك خالي
لا يا حبيبي ما هاصدقش
ما هاصدقش

ما اقدرش انكر
أنا يا حبيبي صحيح
ما اقدرش
أنكـــر إن هـــواك غـيَّرني
وان ملامحـك غصبن عني
سكنت جـوه العين والنني
لكن إنت بجد حقيقي
مـا بتقـدَّرش
رغــم دا كله
هاسامحك وانسى
مهمـا تجــــرَّح فيـَّه وتقسى
حبي ف قلبي شـــايلاه لسـه
أصــل الغــالي ما بيرخصش
هافضل دايمًـا صـاينة لعهدك
حتى ان قلت ماعدتش احـبك
قلب العاشق مهما يعاني
ولا يقاسي ، ما يتغيرش
إبعــد ، واهجــر
سيبني ف حالي
بس ايــاك تنــدم يا الغــالي
ولا تجيني ف يوم وتقوللي
أنا حرمت خلاص معلش
طب بالذمة وبيني وبينك
قلها صراحة
وعيني ف عينك
فعـــلاً فعــلاً
ما وحشتكش ؟؟؟

صبـاح الورد
لـوش الســعد
لأختي ، وغاليـة الغـاليين
صبــاح الفــــل والنرجـس
مع الياسمين
تزهَّر طلعته خدودك
وبوجـــــودك
يكون للدنيــا طعــم ولون
يا بسمة فرح في عيـوني
يا نكهة شـهد
صبــاح الورد
صباح أناشيد وحلم جديد
بدون مواعـــيد
في لحظة يهــل
صباح شمسه عليكي تطـل
تلاغي الكون وتنشـر ضـل
ونورهـــا يـدفي قـلب الكـل
يـودع ليــل طـــواه السـهـد
بصـــوت دافـي
وهمس حــنون
يناجي بشوق ويهـدي عيون
أمل في عروقنا يحيي الوعـد
صباح البهجـة والألـــوان
ينادي قلوب في كل مكـان
ويجمــع ع اللقــا الخـــلان
إيديـن تتمـد
رغـم البعــد
تجــــدد بالمحـــبة العهــــد
صباح الخير لطير شـادي
لأجمـل وردة في البسـتان
صبـاح نادي ، وبيهــادي
أرق ســـــلام
وعود ريحان
ومليون بوسة فوق الخـد
وكلمة شكر بهديها
وباقـة ورد
لغاليتنـا اللي بحضورها
تمللي يسـود
عبيــر الـــود