ديوان الشاعرة / د. آمال كحيل

أكلناك أكلناك (6)

أهـلاً ، مرحـــب بالصــبوحة

هنا فيه جلسة جميلة مريحة
عازمينـــك على أكـــلة هنيـة

بس تكــوني معــانا صـريحة
عاجبــك برضـه عمايل يحيى
جه الدكتور بعدها ع الريحة
بيقولوا يختي مانعرف نطبخ
طيب شـوري عليَّه نصيــحة
أسكت ولا اقلبهــا فضيحة ؟

بقلم
آمال محمود كحيل

أكلناك أكلناك (7)

أما انت عليك يا سـي يحيى
حـــركــات تنقط ، وتجــــنن
مالك يا برنس اســتهدَى ؟؟
وبلاش نرفـــزة لــو ممـكن
ضغــطــك يعـــلا ، وتتــأثـَّر
وما فيش حاجـة بتســتاهل
روَّق كــده ، إوعى تكشَّــر
عِرقــك هايطــق يا راجــل
وتعــالا يا روحــي بالراحـة
نام في ســريرك ، واتغـطى
وانــا هانـــده للــــدكتـــورة
خليهــا تجـــيب الشـــنطـــة
تكشف وتشــوفلي دماغــك
لتكــون صبحــت ترابنطـــا
لو قالت محتــــاج وصفـــة
راح اجيب الدوا من مالطة
لكــــن لـــو قالــت ، ياكـــل
راح اجيبلك وزة ، وبطـــة
واحشـــيهم ، وأحمــَّــرهـم
ويــا رب تجيــك زغــطــَّـة
علشان بعــــد اما تــاكــلهم
ها تـروح عينــك ع الفتـــة
م أنا عارفـة ازاي بتفكـَّـــر
ما تسيبك من دي أونطـــة
آل إحنــا مصــــايب إحنـــا
طــب دانت تجـيب النقطــة
وانت اللي مصيبة ونايبــة
ودمــاغــك دايمًا شـــايطة
وغـلـــبت اقــــولـَّك إهــــدا
مش حلو يا يحيى عشانك
ولا كــاين برضــك ترضى
طب حاسب طقـــم سـنانك
قــوللي أعمل إيه
يـا ســي يحيى ؟
وانا طول اليـــوم شـــقيانـة
ليه غاوي نقـــار ومشــاكل
ع الفاضيــة ، وع المليـانة
يا عزيزي ما تســكت حـبة
أعصــابك ليــــه ورمـــانـة
لو مــنك ، ولا هاتتضــايق
ولا هاعمـــل فيهـــا فتـــوة
فضفضلي ، بلاش نتخانق
ونوسَّــــع بينــَّـا الفجــــوة
خليك كـده راسي ورايـــق
على بال ما اعمـلك قهــوة
أوه نسيت بردون ياحياتي
دا السـكر خـُلص امبـــارح
روح جيـب م البقـال كــيلو
لـو كـنت عـــاوز نتصـالح
وايـــاك تـركـــب عــربيتي
تخبطهــا وعقـــلك سـارح
إيـــه هاكسب لو هاتجـيلي
من غيرها قوللي يا فالـح

بقلم
آمال محمود كحيل

يســلم لنا نـــور عيـــونك
وان شالله يـا باشا تعـيش
نورت البيــت بقـــدومـــك
صـارلك مــدة ما بتجـيش
وحشــتنا اللمــَّة يا افنــدم
والشـــعـــر الحـلمنتيـــش
بقى قلت ســـحبت كلامك
وهاتدخـل في الحـرافيش
وتصــوَّب لينــا ســهامك
دايركتلي وغمز مافيش ؟
تعجـبني يا دكتـور ماشي
مهو بينا في ملح وعيش
الموضـــوع مــوش غســالة
توماتيـــك تغســل أو تعصُــر
ولا شغـــلة أبلـــــة نظيــــرة
أو شيف رمزي ومين أشطر
الفـكـــــرة إن الرجــــالة
أوقات مش ممكن تعـذر
والســتات برضه غلابة
أشغالهــا تمللي بتكتـــر
طلبــــات ، وأوامـــر يامـا
وهموم في دماغهـا بتكبـر
طـب امتى تخـلـَّص مطبخ
وتشوف البيـــت وتـدبــَّـر
الـوقـــت يمـــر ، وهيـــَّـه
تغســل أو تكــوي وتنشـر
وتـوضب أمـر عـيالهــا
وتـذاكــر لهبـــة وأنـور
تلاقـيهـــا بتسهر ليلهـا
والراجل جوزها يشخر
لو قالت (آه) بيطــنش
لو بكيت يوم ما يقـــدَّر
دايرة ف ساقية
وموش عاجــب
ويا ريته يا خويــا بيشكر
طب جيب شـغـالة تساعد
على طـول يقلب ويكشـر
يضـربلها بــوز و يزعق
ويسـيب البيـــت متعـــكر
طـب واجـه بقى مشكلتك
وابحـــث عـن حل ودوَّر
ويـــا آدم شــــغـل مخــك
لا هاتغلــَب ، ولا تتحــير
دا الحـل ف كلمة تقولها
عن حبـــك ليهــــا تعـــبر
أو بسـمة بشـوق تغزلها
هاتـــلاقي البـــدر منــور
تســـقيك من نبع حنانهـا
والوضـع بحالــو يتغــير
آدم مين ليك غير حــــوا
من غيرها العيشة بتقهر
تراعيك وتشوف طلباتك
من غير ما تقـول وتفكر
الكلمـــة الحــلوة بتفتـح
أبواب الســعد يا دكتـور
راجعـالكم بعــد الفاصـل
وهاكمَّـل قــولي وافسَّـر

بقلم
آمال محمود كحيل

أكلناك أكلناك (9)

طب يللا يا فالــح إمشي
وريني عــرض اكتــافـك
وكفـايــة ، ما تتكلـمشي
واخلع ولاحــدش شافك
هالايمها معاك
م انا واثقـــــة
هاتجيلي تقوللي انا آسـف
زودتها حبة يا ماما
فعلاً مظبــوط أنا عـــارف
ســــــامحيني
يا حبة عيني
وحيـــاتك أنا م اقصــدشي
من كتر الجوع يا حبيبتي
أعصــابي ما تستحملشي
أنـا طيبــــة جـــدًا أيــــوه
بس انت كلامـــك طرشي
حراق ، ومزز ، خـــلاني
عن رأيي م هاتزحزحشي
ومــا فيش أكل وشـــطبنا
وهـاوزع طــبق المحشي
مش عاجبـــك طبخي وماله
ريحتني ، هاقـلب وشي
وهاســيبك تاكل بعضك
واعمـل نفسي ما بسمعشي
بس إيــاك تجـــري ورايـــا
وتقول أمـــول ما اقدرشي
ارجــعي بيتــك يـا حـبيبتي
وانا وعـــد ما هاتعصبشي
ما خلاص أنا قلتها كلمــة
لـو إيه والله ماهارجعشي

عيون الغيم
بقلم
آمال محمود كحيل

وصوب نافذتي وقفت
أراقب الدمـوع تهـمي
من عيــــون الغــــيم
تبلل الزجاج والجدار والسقوف
وتغمر الشوارع ، والرصيف
وكل شيء غارقٌ
في لجــة الظــلام
تتعاقب اللحظـاتُ
تمضي الذكريـاتُ
أمام عيني
في ســـكون ، وانهـــزام
وتنسج الحكايا من جديـد
وبصبح انتظارك قاسيًا
وموجعـًـا
يتكدس الجليد
وتخبو شمعة في القلب
أهمسُ
ذات يـــوم قــد يعــــود
!

وحشتيني
إلى أميرحمها الله وأكرم مثواها

ســاعات أنـــده
عليـكي بكـــل وجــــدانـي
ألاقيــكي
تيجيلي ف وسط أحـزاني
ملامـح طــيف يواســيني
بهمــس يشــــــرِّ حنيــــَّة
تربِّت إيـــده ع خـــدودي
وتمسح دمعــة في عينيه
وأحس بنبض شـــراييني
يفـوح بالشوق ويرويكي
واناديــكي
وحشــتيني يا نــور عيني
يا أمي يا أغلى من غالية
وفين حضنك يدفيني
وفين يا أمي أيامـــك
تــركتيني ، وفتيــني
أعــاني قسـوة الدنيا
وفين رحـتي
يا سـاكنة ف بوحي
وف صــمتي
وفي حروفي
ساعة خوفي ما يحتاجلك
وأندهلك
وحشتيني ، وحشتيني
ولو أملك
أطير ليكي بجنــاح شــوقي
يا نبض اللهفة في عروقي
يا أغلى عنـدي من روحـي
يطــول نــوحي وتبـاريـحي
وتفضللي
مـلامح صـورتك الباقيــة
وذكرى الماضي وسنينه
ومـوال شــوق بترنيمـــُه
ياخدني لحضنك ف ثانية
تمـدي إيديكي تسـقيني
ومن أحــزاني تشـفيني
واقولهالك صدى كلمة
ترجِّ الروح
وادوب من لهفتي لضمة
للحظة بـوح
وحشتيني يا روح الروح
يا معنى القــرب واللمـــة
ومهمـــا البعـــد يضــنيني
بيكفيني ، في ليل ضـلمة
أحس انك محاوطـــاني
وإن عينيكي حارساني
كما النجمـــة
وآاااااااه يمه
وحشتيني وحشتيني

بقلم
آمال محمود كحيل

قلها ليه أه بحبك

لو تقولهـا من شــفايفك
يبقى ليهــا معـنى تـاني
يبقى ليهـا نبـض قلبــك
يمـلا بالإحساس كيـاني
يحتويني صوت صداها
يروي عمري بالأمـاني
يمحي حزن سنيني كله
يحــوله لفــرح وأغاني
لو تقولها ف كل لحظة
بتنـاديني من شــرودي
بيها باشعــر بانتمـاءك
ليَّـه ، وبقيمـة وجودي
يســري نبض الشــوق
في دمي ، يــا حــبيبي
وف وريــدي
وابقى حاسة الكون بحـاله
ليه وحــدي ، وملك إيــدي
قلها بسـمة تداوي جـرحي
تختصر عمــري وســنيني
ف لحظة واحدة بيها بحلم
ليها طال شــوقي وحـنيني
قولها ليَّـه ف لحـن غنــوة
حلم أخضــر ، يمـلا عـيني
قولها واوعـى
تحوشها جواك
قلها ليه لاجــل خاطـري
ليه تجمد يوم مشاعـرك
أو أحجم ليه مشاعـري؟
أو تخلي الصمت حـاجز
بينــا ، أو تخـلق بديــل؟
ليــه تفكـــر إني ممكـن
أنسى حبك ، مســتحيل
قلبي محتاجـلك تقولهـا
يا حبيبي ، ليه تخبي ؟
ده انت حبـك مالي روحي
وامـــتلك عقــلي ، وقـلبي
وانت عندي يا نني عيني
أغلى من أهلي وحبــايبي
قولهــا إوعــاك
لو للحظة تظـن إني
يوم هاصدق غير شعوري
أو أكدب حسن ظني
عمـري كله
يسوى إيه يا أغـلى مني ؟
لو تفــارق
أو تغيب لـو ثانيــة عني
بص في عنيـَّــه ، وقرب
تاني واقــرا
عهدي لك صايناه وباحلف
مهما يجرى
قلبي موش ممكن هاينسى
يـا حبيبي ، ولا يكــره
حس بيــه وقولها ليـَّه
وسيبلي ذكرى
عيش معايــا حــلم يومي
وسيبنا م الماضي وبكره
قولها ليَّه آه باحـبك
قولهـا ليه ألف مرة

بقلم
آمال محمود كحيل

والله وحياة من جمعنا
بقلم
آمال محمود كحيل

*اكتفــيت من طـــول عنــادك*
*من قســاوتك ، من بعــــادك*
*من دمــوع العــين ، وغلبي*
*قوللي طيب إيــه مـــرادك ؟*
*ليـه بيســتهويــك هــــوانـي*
*عمـر قلبي دا كــان أنـاني ؟*
*يامــا كـان صـــابر ، ويامــا*
*لاجـل حــبك ، كــان يعـــاني*
*المـــرار ألـــوان ســــقـيتني*
*والشـكــوك يـا مـا عـــذبتني*
*كــان منـــايـا تحـــس بيــــه*
*أد إيـــه هجــــرك واجـعــني*
*جاي تلوم وتقوللي خنتـك ؟*
*يــاه يا قلــبك يـاه يا ظلمـك*
*هـــيَّه دي آخــــرة وفـــائـي*
*لا حبيـبـي ، لا وغـــلاوتــك*
*والله وحيــاة مــن جمــعـنــا*
*كل شيء مبقاش له معــنى*
*قـلــبي ضــاق مــنك ومـني*
*هـــان عليـه كــل اللي بينــا*
*اكتفــيت وخـلاص يا غـالي*
*شــوف حبيـبة لــيك بـدالي*
*وانسى حــبي أصــــل قلبي*
*مــلّ من ســهــر الليـــالــي*

ولو فوق الجراح هامشي
بقلم
آمال محمود كحيل

هايفضل قلمي ده يسطر
في سفر الكون
صدى حــروفي
وعن إحســاسي هايعـــبر
وموش هادَّارى بكسوفي
هايبقى هوه ده ســلاحي
هايبقى كلمـتي وســيفي
وهمسة تلم في جــراحي
وصرخة قصاد
شبح خـــوفي
هاخوض بيه بحر أيامي
ولو هاتعــــــب
وما ارتاحشي
ولو طال العـــــذاب بيَّـــــه
ولو فوق الجراح هامشي
وموش هاسكت
في يوم واضعف
وموش هاركع
ولا هاخضـــــع
ولو جف المداد هاسقي
عــروقه بدمعي وبدمي
وهانقـش بيه
حروف اسمي
وهاغــــزل بيه
أمل للنـــاس
ولو هانـداس
ما دام قلبي ملان بالحب
والإحساس
هاتفضل جوه جوايا
معاني الطهر والإخــلاص
أشكلها
حــروف من نـور
واترجمها
لحلم كبير
على الأيام هايطــرح
في القلــــــوب الخـير
ومش هاندم ولا اتألم
ما دام قلمي بيتـــكلم

رباعيات .. القطر بيصفر (1)

(1)

القلـب عـاش مهمــوم ، والفــكر متحــير
والحـلم بـات مهـــزوم ، أنا قلـت متقــدر
راحل خـــلاص لبعــيد دا القطــر بيصـفر
إبقى افتكرني ف يوم يا صديقي لو تقدر

(2)

أنا كنت مخلص ليك طب إنت صنت هـواك ؟
قطـَّعـت حــبل الــــود ، وعــايـزني أترجـــاك
وافضـل في ليل السـهد ، عايش على ذكراك
آه م العتـاب واللـوم ، هايفيـدوا إيه ويــاك ؟

رباعيات .. القطر بيصفر (2)

(3)

كان حلمي على أدي بس الحبيب غـدار
خان بالخداع وعدي والقلب بات منهار
يا سنين فراق عدي مرك سقاني مــرار
هافضل هنا لوحدي ، أنشد هواه أشعار

(4)

الدنيـــا مرجــيحـــة ، عمـَّــال تمــــرجـحنا
تضحك في يوم لينا ، وف لحظة تجرحـنا
وما بين أمل وسراب واقفين في مطرحنا
آه م القـــدر غــلاب ، يــا ربي ســـامحنا

رباعيات .. القطر بيصفر (3)

(5)

خدني لهناك لبعــيد عن مرمى أحــلامي
خدعتني دنيا الشوق وخانتني أوهــامي
يا قطر لا تهـدي ، مبقاش أمــل عــندي
وابكي يا دمع العين على ماضي أيامي

(6)

بهرب من المقسوم وانا عارفة موش هاقدر
والعــين جفـــاها النــــوم ، والقـلب متحـــير
محتاجـــة قلب ف يــوم ، يشاركني أحزاني
شايلة الهمـوم بالكـوم ، واهو بختي ومقـدر

رباعيات .. القطر بيصفر (4)

(7)

تعـبت م المـواعيـــد ، وحبــيبي منَّـــاني
خـان وعـــده ليلة عيد ولجرحي خـلاني
لدمـوعي والتسهيد ، واهو قلبي بيعـاني
يـا قطــر خدني بعــيد عن دنيا أحــزاني

خطــاوي اللـيل

بقلم

آمال محمود كحيل

خطــاوي اللـيل
وصـرخة يأس هـزتني
وصوت مواويل
ودمعة حزن سالت من
عيون القلب طفت للأمل قناديل
وفقت ف لحظة
من حلمي اللي شردني ف
سكك نائية
لقيتني رجـعت من تاني
لا برأمـان ، ولا مـــأوى
في صحرا العمر والأيام
بالف وادوووور
كما الســاقية
وآه يا خطوة ليه دايمًا
تعـانديني ، وتشـــقيني
وليه للماضي ودروبــه
تمللي يا خطوة تنفيني
أكمل قصة ما اخترتش
في يوم أكتب لها نهاية ؟؟
دا كان حبل الأمل موصول
لقلبي بضيِّ نجمايـة
لكن كل النجوم غارت
في ليل أحزان مالوش آخر
وتــــاه في الســكة
ألـف دليـــل
ولسه النبض بيكابر ؟
واقولك إيه ؟
يا قلب عليل
نزف دمه ، وموش قادر
يداوي آلامــه بالنســـيان
ولا يفـارق ، ولا يغـــادر
خلاص أرجوك
دانا الموجــوع
وموش هاقبـل أبات عاشق
أهادي الورد وأحصد شوك
وجرحي في الضلوع غـاير
وليه أفضل سجين الشــوق
وخـوفي لبكــرة نتفـــارق
خلاص مليت من الأوهام
وضـاق القلب م الأحـزان
وآن الوقـــت نتعـــانــــق
هاودع غربتي ويــاه
وهاتصالح مع الأيام
وموش هاندم ، ولو ثانيــة
على الماضي وع اللي كان
ما مات جوايـــا من بــدري
هواه لحظة غدر بي وخان

لا تنتظــــر
بقلم
آمال محمود كحيل

أنا لن أعود إليك إني في ســفر
أنا قد تركـت لديك كل قصائدي
وحصاد سنوات العمر
والذكرياتِ ولوعةٍ أبد الدهر
مزقت كل دفاتري
وحرقت أشعاري وقطعت الصور
لم يبق في الوجدان من حبي أثر
لا تنتظر
أنا لن أبيع كرامتي
يومًا فقلبي الآن
أصبح من حجر
حقاً نسيتك فابتعد
إني كرهتكَ لن تنالَ سوى الضجر
إني اكتفيت من العذاب
فلا دموعٌ أو سهر
أنا لن أفر من النصيب ولا القدر
أنا قد مللت سنين صبري
والهوي ما عاد حلمي
مات حبك في فؤادي واندثر
لا تنتظر
لا تنتظر

يا رب بارك في منتدانا
كلمات
آمال محمود كحيل

هنا كان لقانــا في منتدانا
طيبة دا بيتي وله مكـانـة
الشيما فيه أجمـــل جميلة
وطيبة بنت أصول وعِيلة
ووفـاء دي غالية
أخـتي وشـــقيقتي
وولاء رقــيقــــة ، وزي بنتي
والحلوة سلوى زهرة قرنفــل
وسماح شـقية وردودها تهبل
ورقيـة روحها أجمل ما فيهـا
وحبيبتي هالـة ( الله عليها )
وعبيـر يا محلى طلة عـينيها
والحـاجة ريما هادية ورزينة
وشحرورتنا دي كلامها سـكر
وســهر جميلة ، وقمر مصور
وردة ف خميلة أشعارها تسكر
من بعد غيبـــة ، الكــل نـوَّر
أمــا الحبيبــة
فسـمسومتنا
غـابت ولكن هيـه ف قلوبنـا
يا رب بــارك ، في منتـــدانا
مين قال (آمين) يقبل دعانا

هاييجي اليوم
بقلم
آمال محمود كحيل

حـاولت عشان أقربلك
أغـيَّر كــل شيء فيَّــه
ملامح صورتي في مرايتي
حقيقة ذاتي في عينيه
وكان وصلك
ماهوش غايتي
لكن إنك ولو ثانية
تحس بحيرتي ، تفهمني
وكان كـافي
تسكنني ف براح قلبك
مكـان دافي
أتاريني نسـيت إني
مجرد ذكرى منسية
خيوط ماضي
كتـاب فاضي
محيت كل الكلام منه
وخلفت الندم ليَّه
وكان أفضـل من الأول
ما اخبطشي على بابك
وأتأمل
أكون من أغلى أحبابك
فسـامحني أنا اســتاهل
وليك عندي
هاعيش في الدنيا دي لوحدي
وافصل حلمي على قدي
تكون ليه ماهوش حقي
عشـــان قلبــك
ماهوش ملكي
ولا عمره
في يوم هايكون
ومن غـير حزن
ومن غـير لــوم
هأداري دموعي في عينيه
وموش هابكي
وصدقني
هاييجي اليــوم
وتعرف مين كان المظلوم
ومين فينا اللي حب بجـــد

أحلام الطيور
بقلم
آمال محمود كحيل

لعلني حلمت بالكثير
بالقرب والأفراح والسرور
بلحظة اللقاء بعدما
طال الفتور
لكنني أدركت أنك لست لي
وأنني مجرد امرأة
عاشت على الفتات والقشور
وحسبت حبك لي يدوم
وظننت قلبك لن يحور
لكنها الحقيقة المجردة
(( تذوي المشاعر مثلما
تذوي الزهور))
وها أنا في غرفتي
وحدي أسائل ما المصير ؟
فهل أقول لك الوداع
وأختفي بين السطور ؟
أواه يا دمعات حزن خلفت
نهرُا من الأحزان في
قلبي الكسير
أواه يا قلبًا تشبع بالأسى
ضمد جراحك
وانس أحلام الطيور

ما من رجوع
بقلم
آمال محمود كحيل

لا تبك يا قلبي ولا تبـدِ المـــلل
أو تشك حظك للأنام بل احتمـل
كفكف دموعكَ
لن تنالَ سوى الألـم
والصـبر قد
يشفي الجـراح فتندمل
هذي شموعكَ
كيف أطفأت الشموع ؟
هذي حياتك قـد مضت
ما من رجوع
هذي سنون العمر ولت فاتئد
واغمض عيونك واطـو همكَ
في الضلوع

أقدارنا هي كالهدايا
هل ترد يد القـدر ؟؟
وقلوبنا مثل المرايا
في لحظة قد تنكسر
هل نشتكي الأيام أم
نشكو القدر؟
عذرًا فلن تجدي الدموعُ
ولن يلين لها الحجر
الحب ولى
لم يعـد غير الظـلالْ
والـروح قـد
غـرقـت ببحــر من خــيالْ
والشاطئ المعهود أمسى
موحشًا
وعيون قلبي لم تعدْ
تـرجــــو الوصـــال

قصرًا من الأوهام قد شيدتهُ
بدمي ، ودمــعي
بالمحبــة صنتُه
أوَ كان ذنبي أنني صدقتـُهُ ؟
أم كان حلمًا قد مضى
وبكيتــُه ؟
كيف اختفى في لحظــةٍ
كيف انتهى ؟
وفقــدت معــه كل مـا
قد كنتــُـهُ ؟!
ماذا إذن بعد الحقيقة فلتفق !
هذا شعاع الشمسِ قد
شق الأفــق
فالفظ همومك ها هنا
لا تلتفت
كل الذي قد كان
بالأمس احترق
!

جــــرح
بقلم
آمال محمود كحيل

أداوي قــلبي بإيــــــه ؟
وازاي جراحه تطيـب ؟
والمــاضي أبكي عليــه
ولا أقــول دا نصــيب ؟
كان يــوم أنيس الروح
كان ليــَّه أغلى حــبيب
عـلم فــــؤادي النـــوح
قوللي اعمل إيه
يا طبيب ؟
أطوي اللي كان وانساه
وانا قلبي ملك إيديــه ؟
والآه تنـــــــادي الآه
والشــكوى منه إليـه
وان قلت إنسي هواه
هاتداوي قلبي بإيه ؟

مجرد نسخة من صورة
بقلم
آمال محمود كحيل

دوايــــة حـــبر مكســــورة
وأوراق بيضـــا منتـــــورة
وحــلم بعيـد ، وقلب عنيـد
وعشِّــة حـــب مهجـــــورة
وغصَّـة وفرحة مش هتعود
وذكـــرى بقلبي محفــــورة
ومــوجـــة بعتــرت أحـــلام
في سكة عمري ، ونسـيتها
وأحـــلام تانية من خـــوفي
في نن عنيَّــــه ، خبيتهــــا
لكن عيني غلبهـــا الدمـــع
وقـلت ف نفــسي معــذورة
وليــه أكـــدب عـلى روحي
واداري اللهفـــة والحـــيرة
رجعت أرسم خطوط حمــرا
بلـــون دمي
بلون حـزني
وفقت ف لحظــة ، ولقيتني
مجرد نســـخة من صــورة
مجرد نســـخة من صــورة

دلوقتي حسيت بالندم
بقلم
آمال محمود كحيل

الحلم زي الزرع ِ محتاج
يرتوي
لاجلن ما يطــرح ،
ورد ويفوح العبير
وانت اللي كنت تمللي وحدك
منزوي
دارت سواقي الهجر بيك
وقسيت كتير
وبقيت ما بين حيرة وشكوك
خايف قــوي
تايه حزين ، مهموم أسير
رافض تكــمل رحلتك
عـاجز تسير ورا خطــوتك
طبعًـا أكيد ودا موش بعيـد
راح تنتهي يــــوم قصـــتك
وهاتكتب الفصـــل الأخـير
بدمــوع فراق
جاي ليه تلوم
وانت اللي خليت صبري ضاق
ومـــا بـين ســــطورك
كان بيصرخ الاشتياق
وداريتـه ليه جواك عشان
تشبع غـرور متملكك ؟؟؟
يا قسـوتك فين لهفـتك ..
أيام ما كان قلبـك وفي ؟
أيـام ما كان نبضك عفي
يا جناح كسـير
عاجـــز يطـــير
فوق في السما
مين كتفك ؟؟ مين لجـمك ؟؟
مين جرعك كاس الهـوان ؟
مين سَكِّتك ،[/size]
ووأد في قلبك نبضتك ؟
حلم اتهزم قبل الأوان ؟
ولا القــدر ولا الزمــان
سرق الأمل من دنيتك ؟
كـان اللي كــان
واخترت تقتل ،
فرحتي ف لحظة عناد
فضل الســؤال
وجوابه حير مهجتك
رغــم البعـــاد
ليه القلوب
متشوقة للحظة لقـــا ؟
ليه الإيدين
[size=25]متشعلقة بحبل الأمل ؟
ليـه العيـــون متعشـــمة
يوم يتولد نبض الحيــاة
قلبي اتــوأد فيه الحـنين
ميت ألف آه
ميت ألف آه
عدت سنين جاي تشكي ليه
صهد الأنين ؟
دلوقتي شاعر بالندم ؟
جــاي تبكي ليــه
وانت الضــنين ؟
سالت دموعك من ألم ؟
طب قوللي مين
فينـا اللي في الحـب انظـــلم ؟
قلبك جريـــح ؟ زيي أنا
حلمك طريح ؟ فيه إيه جديد ؟
حسيت بمعنى الانهــزام ؟
أرجوك خلاص بطل مـلام
ما بقاش يفيد كتر الكـلام
آدي سكتك ...
حدد معالم وجهـتك
وارحــل بعيــد
اِرسم لنفسك أي صورة تجسـدك
ما بقيتش فعلاً قادرة إني أفهمك
إعزف لوحدك غنوتك
تاني من جــديد
راح اللي راح ياما فيه جراح
عمالة تنزف في الدروب
أمرك غريب ليه خطوتك
متوغلة لأبعد مدى ؟
ماشية ولكن للأسف
من غير هدف
وحصدت إيه غير المرار ؟
كان الهــروب هوه القــرار
وف وسط أشلاء الدمار
داست خطاك ..
فوق جثة الحلم البريء
وعلى الطــريق
كانت هناك لو تفتـكـر
أوراق شجر متبعترة
فوق الرصيف
كات لعبتك متكسرة
يا هل ترى
يا هل ترى حســـيت بشيء ؟؟
حسيت بخوف أو حتى ضيق ؟
أرجوك تشوف
نور الحقيقة المبهرة
لو شمعتك عجزت في ليل ...
قلبك تضيء
ويا ألف آه من دمعتك
من نبض مات جوه العروق
إزاي تلوم وأنا الغـريق ؟؟؟
بحرك غميق مالهوش أمان
زي الزمان
بتقول بريء ؟ والغدر بان
والود هان ؟
والموج جرف طوق النجاة
والشوق رحل
ضاع الأمل ، مات الحنان
إيه محتمـل ؟
اللي اتقطع يـــوم يتوصل ؟
أرجوك بلاش تطرق بيبان
ماضي اتقفل
فات الأوان
فات الأوان
فات الأوان

كيف بكل هدوء ؟
بقلم
آمال محمود كحيل

كيف بكل هدوء
تثقب جلدي أشواككَ ،
تفتح جرحي
لتسيل دمائي بحرًا
يروي ظمأك ؟
تلقي أحجارك في الماء
وتجهض أحلامي العذراء
وتكتب فوق الرمـل ِ .. ،
حروف نهاية قصتنــــا
وتقول وداعًا للماضي
وتغادر هاتيك الأشياء ؟
كيف بكل بساطة
[b]تطلــب مني ..
[b]أن أتظاهر بالنسيان ِ
وأن أتماسك ؟
أن ألعق ملح الأحزان ِ ،
وأن أتجرع علقم كأسك ؟
أن أتجاهل صوت ضميري
نبض فؤادي
قلبي الظامئ ، تضحك وأنا
ينهشني ناب الأحزان ؟
سهل جدًا
أن أتصور حجم الكارثة
لأرفض وأنا أبكي أن أفقدكَ
وأن أخسرَ أغلى ما أملك
سهل جدًا
أن تتركني أهذي باسمك
أتحرق شوقاً لعيونك فمتى تفهم
ومتى تدرك .. ،
أنك قدري ، أني قدرك ؟
ومتى تعلم أني امرأة
تأبى العوم مع التيار
يا لجنونك كيف بكل بساطة
تغلق بابك ؟
تتظاهر أنك لا تأبهُ ،
وأنا أدري أنك تكذب ؟
هيا الفظني من دائرتك
دعني أسقط لا لن أضعف
أو أستسلم
رغم يقيني أني حقاً
ألف أحبك

لا تلتفت نحو الوراء
بقلم
آمال محمود كحيل

لا لم يعد
في القلب متسعٌ
لطعنات الألم
فارحل إذن
وبلا وداع ٍ أو سلام
قد مات في صدري الغرامُ
ولم يزل أثر الندم
لا تلتفت نحو الوراءِ
فلا رجوع
جمَّدتَ في عينيَّ
قطرات الدموع
وخنقتَ في شفتيَّ
بسمات الربيع
لا تخش أني ذات يوم ٍ
قد أضيع
فأنا التي
من قبلُ أطفأت الشموع
وأنا التي
أوصد تُ باب الذكريات
لا لم يعد في القلب ِ
أية أمنيات
لم يبق مني
غير بعض من رفات
سكن الوجيب بخافقي
خمد اللهيب
والحب من زمن تداعى
في انهزام
وتبخرت من خافقي
سحب الدخان
ما كان كان فلا عتابٌ
أو ملام
لا لا تقل ما لا يقالُ
ولا تلم
هذا الزمان

ما عدت أحلم باللقاء
شعر
آمال محمود كحيل

لا لن أعود إليكَ فالماضي انتهى
وذوت على
شفتيَّ همسات الصبابة والهوى
أوما ترى ؟ أوما ترى ؟
فدفاتر الذكرى استحالت فارغة
والقلب أعيته الملالة والظنون
وهواجس البعد اللعين
خيط من الأحلام مزقه الأنين
يا أيها الرجل المسافرُ
تمتطى ظهر المنى
لا لن تكف عن اتهاميَ بالجنون
وأنا هنا في قيد أحــزاني سجين
ما عدت أحلم باللقاء فلن يكـون
لا لن يكون
لا لن يكون