ديوان الشاعر/ يحيى زكريا

احببتكِ...

احببت فيكِ....

كل السنين الماضيه...

احببت فيكِ...

كل الامال الاتيه....

احببت فيكِ...

هذا الغموض...

هذا الجمود...

احببت فيكِ ...

نظرة...

متباعده...

متدانيه....

احببت فيكِ...

ترددى....

توددى....

تسهدى....

احببت فيكِ...

غربتى المتناهيه....

احببت فيكِ....

شقوتى...

صبوتى....

لهفتى...

للامسيات الحانيه...

احببت فيكِ...

ثورتى...

سكينتى...

رحلتى...

صوب الدروب الباكيه....

احببت فيكِ...

تحررى...

تهورى....

تذمرى...

من خطوتى المتانيه...

احببت فيكِ...

تالمى...

تكتمى....

احببت فيكِ ...

كل شيئ...

انسيت فيكِ...

كل شيئ...

سوى اننى....

احببتكِ....

امد ايدى لو حقع....

القى ايديك تتمد لى....

يا خل من عهد الصفا...

وقتى معاك ياما حلى..

لما بشوفك ببتسم...

احضن زمانى الاولى...

يا نخل واقف ما انحنى....

م الحب قلبك ما خلى...

فارس وحرفك مهرتك...

يا ما ارتفع يا ما على...

انطق باسمك يا فتى...

القى الغصون تتهز لى...

مهما ابتعدنا بنلتقى...

حبك فى قلبى عز لى...

اشتاقك..

قلبا مشتاقا....

يتفجر حبا وحنان...

اشتاقك.....

انثى هادئة....

تملؤنى دفئا وامان...

اشتاقك...

انثى ثائرة...

ترفع الوية العصيان...

اشتاقك...

لحنا ان يشدو...

تتهاوى كل الالحان...

اشتاقك...

بحرا لا يهدأ...

والقلب سفينة اشجان...

تتارجح بالموج العاتى...

ويضيع طريق الربان...

اشتاقك....

دنيا ناعمة...

ترفل بظلال الريحان...

اشتاقك...

نارا تتاجج...

تشعل اعماق الوجدان...

اشتاقك...

ناقوسا يصرخ....

يوقظ اوراق النسيان...

اشتاقك...

عطفا يغمرنى...

ينسينى نهر الحرمان...

اشتاقك...

شوقا يقتلنى...

يقذفنى فوق البركان...

اشتاقك...

روحا حانية...

جورى وشقائق نعمان...

اشتاقك...

دوما لى وحدى...

فانا يا عمرى انسان

يا فتاة الحزن مهلا....

ليس كل الدهر طاح..

قد قضيت العمر قهرا....

كان دمى مستباح...

فاصطبرت جميل صبر...

عله ياتى الصباح...

واعتليت جراح نفسى...

رغم طعنات الرماح....

ان اردتى اليوم نصح...

انزعى ثوب النواح...

او تعالى للاعالى...

فالهوى درب مباح...

فى سمانا سوف نعلو...

فيها نضرب بالجناح....

لا نبالى بالسهام...

او هموما او جراح....

نملا الاكوان شدوا...

فى السهول....فى البطاح...

نحتمى بالحب دوما....

حتى نحيا فى براح....

فاطلقى عصفور قلبك...

وامنحى العمر السراح....

نملا الايام عشقا...

نجرع الاحلام راح...

ليس كل الدرب شوكا...

للهوى قصص ملاح....

فامددى للحب يدا...

واعشقى ليلا وضاح... *

وانزلى للبحر مهلا...

واتقنى فن السباح...

لا تخافى من هواء...

قد اطار بالوشاح....

واركضى فى لهو طفل...

وسط هاتيك الرياح....

ان رايتى الحزن يوما...

فاسلكى درب السماح...

ان نسينا الياس دوما..

سوف نحيا فى انشراح...

لحظة خروجى للحياه ...

ياللى اتولدت ف وسطكم...

بحمل لكم...

كلمة امان...

بذرة محبه ف ارضكم...

تطرح قوام...

حب وسلام...

ينشر عبيره فى جوكم....

يا قلوب مامنه بربنا...

جايب لكم...

من معجزات رب الوجود...

اللى مانحصى عدها...

للدنيا بحمل معجزه...

المعجزه هى انا...

مخلوق صغير انما...

كل القلوب تتهز لى...

مخلوق ضعيف لكنما...

ضعفى دا سر قوتى...

ياللى اتولدت فى وسطكم...

بصوا على كلكم...

واتاملوا .....

صنعة الهى...

ربكم...

المعجزه هى انا...

مخلوق صغير انما...

بكره رح اكبر زيكم...

جايز حكون...

انسان نبيل....

احيا وحبى ف قلبكم...

ازرع امل...

احصد كرم...

جايز كمان...

حابنى هرم...

جايز حكون...

عالم جليل...

اهدى السبيل...

للى يكون ...

ضل الطريق...

جايز حدافع عنُكم...

وبروحى احمى عرضكم...

جايز اطير وسط السما...

جايز رح اوصل للقمر...

جايز حكون...

حكيم مداوى....

او حتى شاعر...

بيقول غناوى....

لقلوب بتفرح...

لرموش بتجرح...

وبشعرى حوصف...

لحظه صفاكم...

لحظة شقاكم...

لحظة فراقكو وقربكم...

المعجزه هى انا...

مخلوق صغير انما...

بكره رح اكبر زيكم...

جايز حكون...

انسان خسيس....

يرمى وراه كل القيم...

فى الكون يعيش...

عيشة شيطان...

يفنى حياته ف عربده...

جايز حكون....

سفاح خطير....

برصاصه يحصد عمركم...

جايز حكون نشال حقير...

يسرق هناكو وسعدكم...

جابز حكون...

انسان بريئ...

مسجون بتهمه ملفقه...

جايز حكون...

انسان بسيط...

يقضى الحياه...

جهد وشقا....

جايز حكون...

انسان خجول....

يغرق فى كلمه مزوقه...

المعجزه هى انا...

مخلوق فى عمر السوسنه...

جايز اكون...

او لا اكون...

جايز اموت...

لحظة سكون...

واترك حياتكو بحلوها...

وبمرها...

واترك لكم...

حيره وظنون...

تكتر عليكو الاسئله...

كان ليه وصل....

طب ليه رحل....

وتوهوا وسط الاجوبه....

بس القلوب المؤمنه...

رح يشهدوا...

قدرة الهى وحكمته..

ياللى اتولدت ف وسطكم...

تحتاروا ليه وتتعجبوا...

دالغيب محدش يعرفه...

الا الاله المقتدر...

ياللى اتولدت ف وسطكم...

المعجزه بتقول لكم...

بصوا عليا كلكم...

واتاملوا....

صنعة الهى...

ربكم

قولى ياقناة العبريه...

قصدى يا قناة العربيه...

احكى اخبارنا وحكاوينا...

رشيها على كل الدنيا...

احكى عن مصر واهاليها...

اخبار موكوسه وعريها...

عن شغل الهشك بشك...

اللى نشرتوها فى ثانيه...

اخبارنا فى هز الوسط...

والنسوان الارتست...

والمدرسه بكره يا بيبى...

تكبر وتصير كليه....

اخبارنا فى دنيا الرقص...

ذيعوها وكل الهجص...

والجردل اللى بعتها...

ادوا له كمان ترقيه...

قولوا عن مصر كتير....

قطعوا فيها بسواطير....

مانتم ناقصين جاحدين...

واحنا ناقصين تربيه...

سيبوا اخباركو وبلاويكو...

والذل اللى معشش فيكو...

واجروا على مصر وفضايحها...

يمكن ترتاحوا بقى شويه....

طب فين اخبار بهواتكم...

اللى برشوا ف ريالاتكم...

فى اوربا وكل الدنيا....

ولا دا ممنوع يا عنيه...

فاضحنا فى كل اوربا....

اخبار ماركة هولا هوبا...

خمره وقمار ودعاره....

وتقولوا دى بقى حريه...

طب هاجموا ف يوم امريكا....

اللى فى احضانكو يا ويكا...

خدتوها بكل حنان...

لجل كراسى وعربيه....

طب ما تقولوا يا شجعان....

وتخللوا الحق يبان....

من جاب لنا هنا اميركا....

واداها شرفنا كمان....

اخباركم ليل ونهار...

اللى يحركها دولار...

وانتم طبعا خدامه...

مفقوسه اللعبه دى هيه...

لو فعلا مابتخافوش....

احكوا عن سيدكم بوش....

لا لا يا حبيبى دا سيدنا...

يا خواتى على الحنيه...

طب مصر دى هى النور...

ياللى ساكنين فى قصور...

لولاها لكنتو ف ضلمه....

بالجهل وبالتبعيه....

مصر حضاره ومناره...

دى تاريخ مكتوب بجداره....

مهما تقولوا وتعيدوا ....

رح تفضل ام الدنيا...

مصر ولادها الرجاله...

اللى ايديهم عماله...

تبنى لكو وفيكو تقدم...

فى الاخر تبقى ضحيه...

للى بيجرى ورا فلوس...

يفضح اهله ويدوس...

مايهمه غير قرشين...

طب فين هى الوطنيه...

يا بايع سيرة ناسك...

خسران لو تخسر ناسك....

مهما حتكسب خسران...

مانت خسرت القضيه...

يا ويلتى...

قد جئت ...

فى زمن مهان...

قد جئت..

فى زمن النداله...

والسفاله...

فيه ...

كل الحروف...

فوق السطور تبعثرت...

فيه ..

كل الكلمات...

فوق الشفاه تالمت...

هذا زمان الدعاره...

والتجاره...

فى العرض....

فى الارض...

هذا زمن...

فاااااااااااجر...

بالطول.....

والعرض...

هذا زمن...

ينضح...

بالجهاله...

والزباله...

كل الكلام..

مات...

كل الشفاه...

انتابها...

داء الخرس...

كل الهمم..

صارت موات...

ولى وفات...

عهد القلوب النابضه...

عهد السيوف الرافضه...

هذا عهد الامريكان...

عهد الضمائر مفلسه...

عهد الرجال متخنسه...

كلنا...

صرنا نخاف...

كلنا...

تحت اللحاف...

يا ويلتى...

قد جئت ...

فى زمن الخراف....

فى بلاط العم سام...

الاسود تخانعوا...

الاسود تخالعوا...

اعلنوا ولائهم..

قدموا قربانهم...

رقصوا اردافهم...

فوق الحبال...

كالقرود...

اغضبوا...

كل الجدود...

اضحكوا...

كل الوجود...

فى بلاط العم سام...

الاسود...

قرفصاء...

ضالعون....

فى الغناء...

بارعون...

فى البكاء...

طائرون فى الهواء...

اكروبات...

فى الصباح...

غانيات...

فى المساء....

ادبروا ...

عند الوغى...

اقبلوا....

عند البغا...

قبلوا...

نعل الحذاء...

فى بلاط العم سام...

الاسود...

عاهرات...

ياللى فى لبنان...
والعراق....
وغزه...
لجل الكلام...
يبقى له عزه....
يلزم لنا.....
كيلو كباب...
لحم ضانى....
ويا نيفه....
لحم تيس....
ولا....
معزه....
ويا كيلو جمبرى...
م البعجرى...
اللى مليان بالدسم...
لجل الامور....
جوه روسنا ...
تترسم...
ويا كبده...
ويا مخ....
لجل ماتشوفوا كلامنا...
كالمطر...
نازل يرخ...
ويا انواع السلاطه...
جنب كيلو من الالاطه....
والعباطه...
ويا حبه مكسرات...
يا مكسرااااااااات...
ويا حبة حاجات...
م اللى تهنى المعده...
لجل القعده...
تبقى تمام...
ونقول...
احلى الكلام...
ياللى فى لبنان..
والعراق...
وغزه....
لجل الكلام....
يبقى له....
مغزى....
لابد ما نتحد...
لابد ما نتوجد...
لابد ما نجتمع...
بالليل....
يااااااااليل...
جوه ملهى....
فرسان العرب....
اصل الحوار...
يا شطار....
لازم يدور...
ويا كاسات الخمور....
ويا رنات الصاجات....
وسط ضحكات الفجور...
لما نرفض...
قصدى ...
لما نرقص...
ويا فيفى...
ويا عزه...
لجل الكلام....
يبقى له....
يبقى له ايه...
..........
......
...
هزه...
امجاد يا عرب...
امجاد....
فى بلادنا...
سكارى اسياد...
ماحنا فى عصر السلام...
والوئام...
والحياه ....
اااااخر تمام....
بالسلام ...
امجادنا ترجع ...
مره تانيه....
افتح لنا...
يا متر...
اف يو بليز....
صندوق شمبانيا...
ياللى فى لبنان...
والعراق...
وغزه....
لجل الكلام...
يبقى له....
لذه...
يلزم لنا سجارتين....
بانجو مع قزازتين....
بييييييييره....
واتوصوا بالمزه

سلام عليكم با احباب طيبه...
ساحكى لجنابكم حكايه غريبه...
فبالامس نمت وشفت منام...
فقمت وقلت ياربى عجيبه...

فبالحلم شفت بدور جميله..
بوسط نجوم كشبه الخميله...
دنوت لاعرف ايه الحكايه...
قالت لى النجوم ما تبعد يا خيبه...

فقلت ولكن عندى سؤال...
ماهذا البهاء وهذا الجمال...
فقالوا عجبنا بجد لامرك...
فانك حقا بلوى ومصيبه...

فهاذى البدور هم الشعراء...
تقهقر قليلا وعد للوراء...
فقلت بدور وتكتب شعرا ؟؟..
فقالوا بلى وفى ارض طيبه...

بدور وفازوا فى مسابقه...
وهذا احتفال فروح بقه...
لانك لست من الشعراء...
بكيت وكانت حالتى كئيبه...

رفعت يدى للكريم الاحد....
يجود لى بنسل بنت وولد...
اسمى الولد جابر ابوحمزه...
واما البنيه اسميها طيبه...

مازن....

يا حرفا...

يأتينى ...

فى جوف الليل...

يحمل اطيافا....

للسحر القادم...

من ارض الغيب...

يملأ نفسى ...

بالنشوه...

ينشر....

اوراق الزهر...

فى قلب الكون...

يأخذنى...

فى جنح الليل...

يملك...

ألباب العقل...

لا أملك...

حق العوده...

تأتى معه...

كل سنين العمر المذكوره...

والمنسيه...

ارحل معه...

احيا...

فى ليل النشوه...

يملؤنى...

بالعبق الاتى...

من عمق الماضى....

يحملنى...

بالالق السابح...

فى بحر النور....

اشهد معه...

سحر الزوراء...

بغداد...

يا دجله...

يا عرس التاريخ...

نلهو ...

فوق الجرف...

نلمس ...

وجه الماء....

بالقدمين...

نعلو ...

فوق النخل...

نلمس اسباط التمر...

فى رحلة عرس...

نحيا...

احلام الزوراء....

والجدول...

ينساب...

يا سياب...

جيلانى...

معروف انت ...

يا رصاف...

يا زاهى الاوصاف....

بغداد...

يا زمن الرشيد....

يا مجدا...

قد ولى...

نرحل ...

صوب الفيحاء....

نختر...

فى ليل الشام...

يا شام...

يا هبة الرحمن...

يا حرفا ينبض بالثوره....

يا حره...

يا صوت الاخطل...

يا سيفا...

فى ايدى...

ابناء المروان....

يا عبد الملك...

يا ملك....

وافى نذره....

خذنى معك...

نعلو....

صهوة خيل الفارس...

يا فارس...

يا حارس...

امجاد العرب...

خذنى معك...

صوب الاندلس...

نشهد...

مولد مجد....

يطرق...

ابواب الدنيا...

بالطارق...

يا طارق...

للكلم...

مفعول السحر...

يا عابر...

نحو الفجر...

يا باقر...

امواج البحر...

من غير عصا...

العصا...

يد الله...

فى الفم ...

امر الله...

فى القلب...

حب الله...

العصا...

فى يد....

موسى...

يابن نصير...

يا فاتح....

باب الخير...

ادخلنا...

قرطبه...

غرناطه...

اسمعنا...

زيدون...

خلدون...

ولاده...

يا ساده...

الحق...

ينطق...

بالعربى...

الحرف...

ينطق...

بالعربى...

الارض...

تنطق....

بالعربى...

مازن...

ينطق ...

بالعربى

ابناء يعرب ما أبدعه....

صمتكم وما اجمله...

وقت الخطوب رأيتكم...

فى موقف ما أزهله....

قد اتخذتم الصمت موقفا....

ثم أغمضمتم اعينكم عن المهزله...

اطفالكم تحت الانقاض احشائهم...

والدور عليكم فى المرات المقبله...

أين خيولكم أين سيوفكم التى...

كانت لها فى كل يوم نازله...

هل شاخت خيولكم هل صدأت سيوفكم...

هل صارت قوبكم من المعارك واجله...

تبت يدا من رأى اطفالنا قتلى...

ثم نام غير أبه للدماء السائله...

هل ماتت منكم الضمائر...

ام صارت عقيدتكم مهلهله...

يا حسرتاه على أمة وضعت...

هاماتها فى كل ارض موحله...

يا أمة اضاعتها تفاهاتها....

البيضه أم الدجاجه تلك هى المعضله...

اجدادكم جعلوا منازلهم فوق القمم..

كيف ترضون اليوم بأحقر منزله...

غرتكم الدنيا فنسيتم الاخره...

وانجذبتم لعرش ومال يالسوء المسأله...

يامن توليتم أمورنا حسبى الله فيكم...

كم اوقعتمونا فى أمور مخجله...

كانت الامجاد بين ايدينا اضعتموها...

وانغمستم فى صراعات قاتله...

اليوم تهانون من احقر الخلق...

اسرائيل طفلة الامريكان المدلله...

كنا خير أمة أخرجت للناس...

قول رب السماوات أنزله...

بيرق كان فى السماوات مرفرف....

من عليائه من يا عرب قد أنزله...

يا قادتنا اغرقتمونا فى الهموم...

والهم ان حط بقلب ما أثقله...

هذه ايامنا بفضلكم قد اوحشت...

حالنا للهوان من أوصله...

كانت بلادنا بالخيرات عامرة...

كيف صيرتموها صحارى قاحله....

ألهيتم افكارنا فى عيش وملبس...

أغرقتمونا فى ألف ألف مشكله...

حتى نتغافل عن مخزياتكم....

ذل وهوان تلك هى المحصله....

يا من غرتكم الدنيا بأهوائها...

ثم ألقت بكم فى الدروب الفاشله....

قد نخر السوس فى اعظمكم فصيركم...

أعجازا خاوية مالها من جذور واصله...

يا أمة القت رواسيها فى الماضى..

حاضركم من زعزعه من زلزله...

كانت قلوبنا بالجهاد عامرة...

من بدل القلب ياقوم من حوله...

قوتنا فى اتحادنا يا قوم فاتحدوا...

اتحاد بحسن النوايا ما أسهله...

درب التفكك ان أتى كالموت...

ان أتى امرئ يا قوم لم يمهله...

فاستقيموا لله فى غير ذى عوج...

يهديكم الله لدرب ما أعدله....

وانتصروا لدين الله أخوتى....

من لا ينصر الله فلا عز له...

الشعر حى...

لساه ما مات...

طول مافيه فى عيونا ضى...

طول ما بكره بنوره جى...

الشعر حى...

الشعر حى...

رغم كل الغفلانين...

اللى عايشين فى اللذاذه...

كل يوم واكلينها طازه...

واللى تايهين فى الإزازه...

واللى مالهم اى عازه...

الشعر حى...

الشعر حى...

جوه دارى جوه دارك...

يبعت الاقمار فى ليلى...

شمسه موجوده بنهارك..

فى غناوى الطيبين...

فى شكاوى المظلومين...

الشعر حى...

والشهاده هى حرفك...

اللى جه يوصف مشاعرك...

شعرنا هو الفرح..

شعرنا هو الانين...

فى السلام هو النسيم...

فى الحروب يصبح جحيم...

سهم فى عيون اللئيم...

بسمه فى عيون الصغار...

غنوه فى قلوب الكبار...

شعرنا عمره مامات...

شعرنا فى قلوبنا حى...

الشعر حى....

الشعر حى....

جوه قلبى ...

جوه قلبك...

ايدى تكتب...

والكلام موصول بنبضك...

قبلى عاش ...

لسه ياما يحيا بعدك...

ضمى حرفى ويا حرفك...

شعرنا يصبح جسور...

يملا كل الدنيا نور...

يبقى فرحه للغلابه...

يبقى غنوه ع الربابه...

يبقى طعنه للديابه...

شعرنا لساه بيدبح...

شعرنا لساه بيجرح...

ياللى رايح ...

ياللى جاى...

شعرنا عمره مامات...

حتى لو طال السكات...

حتلاقيه ينطق يا خى...

الشعر حى...

جابوك...

من تحت الانقاض...

لما رايتك يا ملك...

قلبى انقبض....

والدمع فاض...

اه يا ملك ...

ما اجملك..

ياقلبى اه....

ما احزنك...

اه يا ملك...

عقلى رفض...

انت اللى تدفع التمن..

مقتول واخوك...

جنبك قتيل..

القلب دامى ...

والدمع سيل..

مين اللى قالك تتولد...

فى دا الزمن...

مين اللى قال لك تتوجد ...

جوه المحن...

يا الف ااااه...

يا حبة القلب تحت التراب...

يا الفا ااااه....

يا فرحة العمر اللى غاب...

يالف اااه...

والف اتفووووه على الكلاب...

اه يا زمن ..

عايب عليك...

تحرق زهور السوسنه..

واحنا سكوت...

يا موت...

ياللى خدت روحى منى...

ليه سايبنى...

طب كنت خدتنى انا...

اه يا ملك...

دمعى بينزل جوه قلبى نار...

فين الفرار...

من صوره ابنى...

بين ايدين اللحادين...

فى اى شرع ...

فى اى دين...

يقتلوك...

اه يا ملك...

حقضى سنين عمرى اللى باقيه...

ابكى عليك...

فى اليوم...

الف يوم...

اه يا ملك...

كان نفسى ابوسك من جبينك...

ولا امسح لك ايدينك...

راحت معاك الامنيات...

اللى جاى ...

واللى فات..

راحت معاك..

كلمة يا بابا...

يا عمر بابا..

طب ليه اعيش...

وانت اللى كنت عزوتى...

وانت اللى كنت شايلك للزمن...

وف شدتى...

لما اشيب...

تبقى عصايتى والسند...

تبقى الوفاء اللى اتوأد...

تبقى الحنان اللى اتفقد...

طب ليه اعيش...

بعدك ماليش...

الا الهموم...

اه يا ملك...

يا قلب بابا اللى انشطر..

يا قلب ماما اللى انفطر...

وقت الخطر..

جريت عليك...

تفديك يا قلبى بعمرها...

راحت معاك...

ااااااااااااااااااااااه...

يا ذل حالى بعدكم...

مالى احتمال..

اه يا ملك...

انت الشهيد...

ياصبر قوللى اعمل ايه...

لو لسه فى العمر المزيد...

حرجع واطاطى للى خان؟؟؟؟

واللى هان...

دم ابنى يوم عليه...

وف ايديه...

دم ابنى اللى انسكب..

يصرخ فى وشه ويلعنه...

اه يا ملك..

م اللى انكتب...

اه يا ملك ...

ما بقى عندى كلام...

ياللى بتقولوا سلام..

دم ابنى عمره ما حيروح هدر...

كل ذره من كيانى...

صوت بينادى...

اعلنيها يا بلادى...

انتقام...

انتقام....

انتقام...

يا دمعتى امانه...

ما تطفى نارى يوم...

يا جفونى امانه...

احرمى عيونى اى نوم...

يا كل ندل نام...

ادعى تنام ما تقوم..

يا مسلمين...

ما ينفع لكم صلاه ولا صوم..

دم ابنى ينده لكم...

قوموا يا قوم...

حاربوا بوش ابولهب...

كوندا حمالة الحطب..

حاربوا سلالة القرود...

اليهود..

باديكم انتوا يا مسلمين...

رح يصبحوا م الغابرين...

خاسئين...

خاسئين...

خاسئين...

يا مصر رغم البهدله...

والعكننه...

عاشقك أنا...

واعشق ترابك والنبى ..

عشقك مرادى ومطلبى ...

يام الرجال المشهورين ...

بالجدعنه ...

لما بكون ...

فى عز ضيقى ...

واشعر بإنى حتخنق ...

والقانى موش شايف طريقى ....

والدم منى بيتحرق...

اطلع على روض الفرج...

ألقى الفرج...

لماامشى حبه جنب نيلك...

احكى له همى ....

واشتكى لك...

عينى تشوف ...

بياع دره...

رجل عجوز...

واقف بهوى فحمته ...

بسمته...

لحظه ما فارقت سحنته...

يا عجوز ...

إدينى كوز ...

القاه بيضحك...

مزعلش منى واداها بوز...

من فين يا جد...

سوهاج يا وِلْدْ ....

من ييجى ستين سنه...

جينا هنا...

ويا ابويا الله يرحمه...

عمك رجب...

كان فى المعمار...

واما تَعَب...

والزمن جار...

مالقيش غير الشط...

ساب كل الدنيا...

إهنانا وحط...

فى الأول جاب ...

كوزين دره....

كلناهم هو وانا...

يا وِلْدْ ما تقول بالهنا...

بعديها صارت شغلته ...

بياع دره....

والعبد لله ورث ...

من والده حبه لشغلته...

شوى الدره...

طيب يا جِدْ...

امتى تعاود...

مانيش معاود...

الكوز بربع ..

خلليك مهاود...

يضحك فى وشى ...

الكوز بنص..

دا كان زمان الكوز بقرش...

دلوقت يابنى معادش قرش....

والقرش كان....

كالحوت وقرش...

القرش كنه عشرين جنيه...

بالذمه قل لى...

لحلوح جنابك...

ع يجيب لك ايه...

ان كنت فاضى...

اقعد قصادى...

احكى لجنابك..

تسعين حكايه...

والسهره تحلى ...

جنبك يا نيل...

ويا الحكاوى..

وسط الغناوى...

والشاى صعيدى...

سيدى يا سيدى...

ع الفحم يابا..

ويا الغلابه...

جنبك يا نيل...

بنت بضفيره...

الوش باسم...

الجسم ناحل..

الاسم هانم...

السن عشره...

لكن كبيره...

بتبيعى ايه...

ردت بخفه...

طب مانت شايف...

فى ايدى ايه...

ياللا يا سيدى...

سفتحنى سفتح...

الهى تربح...

يارب تنجح...

أنجح فى ايه...

فى اى حاجه ...

فى كل حاجه...

ربى مايحكم عليك بحاجه...

لا تجوع فى ليله...

او تيجى ليله...

ابنك يا سيدى...

يصبح عليل....

ياللا اشترى...

كيس المناديل ...

الله عليكم يا طيبين ....

فى الفقر حتى مبسوطين...

بس احكى ايه...

ولا اكتب ايه...

سفروت معدى...

قدامى هَدّى...

بالبسمه حلوه..

تمسح يا بيه...

يا مصر رغم البهدله...

والعكننه ...

عاشقك أنا..

لو مره تمشى ...

فى الدرب الاحمر...

يا مصر دايما...

كان دربك احمر...

حتى علمنا...

فيه تلت احمر...

واحلف بربى ...

ماشفت أحمر...

من شخص جاحد...

او شخص حاقد...

ييجى يقوللى ..

ايه يعنى مصر...

أدخل فى مره المغربلين...

أو خش زور سيدنا الحسين...

اتوضى واركع ...

ركعتين...

انظر وشوف من غير كلام...

وسط الالوف تحيا بسلام...

سيدنا الحسين...

يابن الامام...

يا مصر فيكى ...

ام الغلام...

والطاهره زينب...

ست ام هاشم...

يام العواجز...

كل اللى جالك...

بالحب ناجز...

يا مصر حبك...

امن وسكينه...

ستى نفيسه...

ستى سكينه...

جنب الامام...

ليثى وشافعى ...

يارب منك...

ضرى ونفعى...

سيد يا بدوى...

قائد وفارس...

عباس يا مرسى...

للشط حارس...

يخطفنى شوقى...

عمرى ما أنسى ...

سيدى الدسوقى...

يا قلبى غاوى...

تسمع حكاوى...

سيدى القناوى...

يا مصر دايما...

فى العالى شانك..

ياللى التاريخ عمره ماشانك...

والله ابيع عمرى عشانك...

واتمنى اشوفك فى الهنا...

يا مصر رغم البهدله...

والعكننه...

عاشقك أنا....

قولى بحبك...

وارسمى...

طلعتك فوق خد القمر...

إهدى الوجود...

باقة ورود...

متبسمه...

خللينى ألمح ....

رغم البعاد..

بسمتك...

فوق الشفايف...

لما الكلام...

من غير كلام...

يتنطق...

والعين تشوف...

رقص الحروف...

فوق ارتعاشة شفتك...

خللينى اشوف...

رغم البعاد...

حُمْرِة خجل...

فوق وجنتك...

لما اللَّمَى..

ندَّى شفايفك...

سلسبيل..

يا صاحبة الحس الجميل...

يا صاحبة القلب النبيل...

خللينى اميل..

لما النسيم...

يحمل لروحى...

كلمتك...

القلب حاسس رعشتك...

والعين بتلمح...

لهفتك...

بتخافى ليه...

ما دمنا فى دنيا الهوى...

كالطير بنسبح فى الهوا...

فاردين جناحات الامان...

للبعيد...

للقريب...

لما نفوت....

وقت العصارى والمغيب...

حاملين نسايم...

حب عاش...

أيامه فى ارض الصفا...

سقيينه من بحر الوفا...

بندُور على كل الاحبه...

حَبَّه... حَبَّه...

اللى قلوبهم مهما عانت...

م البعاد...

برضو شبَّه...

واللى فى وقت الجراح...

نلقاها مليانه براح...

لم تنهزم...

قدام مد البحور....

اللى ع القلوب تجور...

لم تنهزم...

نلقاها بتمد الجسور...

للنور...

ما عمرها...

جوه الظلام...

تستخبى...

بتخافى ليه...

واحنا اللى زارعين...

حضن الحياه...

بسمة أمل...

تطرح على كل العباد...

طَرْح الوداد...

رغم البعاد...

شايلك أنا...

بين المشاعر...

ياللى علمتى الفؤاد...

إزاى بحبك...

يبقى شاعر...

رغم البعاد...

القلب لو ينطق يقول...

محلاكى بالحسن البديع...

يا فارده ع الكون فصول...

موصوله من عمر الربيع....

اهواكى يا بدر البدور...

يا نور...

ساهر فى ليل العاشقين...

يبدر سناكى...

مهما الخطاوى رح تطول...

ما عمر حبك يوم يقل...

ولا أَمِلْ...

أوييجى يوم ...

حبك...

م الروح يِزول...

أهواك...

يحملها للقلب الأثير...

أهواكى...

ارسلها فوق خد العبير...

يتلاقوا فى وسط الدروب...

يمتزجوا فى وقت العروب...

يمحوا البعاد...

والقاكى قدامى صباح...

فارد ضياه...

وابقى يادوب...

عاشق ومادد ليكى إيد...

يا أحلى عيد...

غايته ومراده فى الحياه...

تبقى معاه...

يبقى معاكى...

قولى بحبك...

رمضانٌ أقبَلَ إخوانى...
بالخيرِ يعُمُّ الاكوانِ....
فَلنسعَى فى كلِّ فلاحٍ...
كى نكسبَ حبِّ الرحمنِ..

اقبَلَ رمضانُ ابو الكَرَمِ...
يأتينا دوماً بالنعَمِ...
واليَومَ سَأعزِمَكُم عندى...
فى بَيتى الكَائِنَ بالهَرَمِ...

مائدَتى تَحلو برَمَضانِ...
بالأهلِ وكُلِّ الخِلاَّنِ...
إنطَلَقَ المدفَعُ فلنَصغَى...
ولنَأكُلُ من بَعدِ أذَانِ...

تَمرٌ مَنقوعٌ بحَليبِ...
سُنَتُنا أرساها حبيبِ...
سَنُسمٍّى ونُصَلى عَلَيهِ...
ياربى سميعٌ ومجيبِ...

اليومَ حَفَطركُمْ عِندى..
كى نأكُلُ كِشكاً مع دِندِى...
وحَمَاماً مَحْشُو بِفِريكٍ...
أرسَلهُ لى خالى بَشَندى...

أيضا مكرونه بَشَاميللى...
أعشِقُها وأكُلُها تَمَللى...
ع السُفرهْ تلَعْلَعْ يا خواتى...
وتخللى عقلى تَرَلَلِّى..

مَحشُوه بِلَحمٍ مَفرُومِ...
مَحطُوطِ بقَدْرٍ معلومِ..
بين طَبَقَاتِ المكرونه...
يَرقُدُ كَالدُرٍ المَننظُومِ...

والأُرزُ يا إخوانى مُعِمَّرْ...
إن مَرَّ أمَامى أتَسَمَّرْ...
مَحلاهُ على الوِشِّ القشطَهْ...
والقَعْرُ لذيذٌ وَ مُحَمَّرْ....

عَ السُفرهْ دقِّيَّةِ باميَهْ...
مِنْ صُنعِ قَرينَتُنا ساميهْ...
مطبوخه باللحمِ الضَّانى...
مخلوطَه بِقُرونٍ حَاميَهْ...

ذوقوا يا إخوَانى الملوخيهْ...
خَضراءُ على البطنِ طَرِيَّهْ...
مطبوخه على لحم أرَانب...
أه منها الأكله دا هيَّهْ...

والبطٍ على السُفره تَبَطْبَطْ...
بطٌ بَلَدِىٌ مِتزَغَّطْ...
إن كنتَ عَليلاً خُذْ وِرْكَاً...
تَشفَى فى الحالِ وتِتْنَطَطْ...

وَالوِزٌ يا مَحلاهُ الوِزُّ...
ذَكَّرَنى بِأيَّامِ العِزُّ...
مَشوِىٌ بالفُرنِ أَيا سادَهْ...
فى الأكلِ جَميلٌ ويَلِذُّ...

والمَحشِى مُحَبَّبُ للقَلبِ...
الكُوسَهْ مَعَ وَرَقِ العِنَبِ...
يَرقُدُ وَسَطَهُما بِتِنجانٌ...
أهوَاهُ المَحشِى بِلا سَبَبِ...

والسَّمَكُ المَشوِى مَعَ المَقْلِى...
مَا أحلَى الطَّعمِ مَعَ الشَّكلِ...
بُورِى مَعَ بُلطِى وَمُرجَانٌ...
أذهَلَنى وَأطَارَ العَقْلِ....

والحِلوُ أحبَّائى كُنَافَهْ...
مِن صُنعِ كَريمَتُنا لَطَافَهْ...
محشُوَّه بِبُندُقْ وَ بِلَوْزٍ...
سَتَقولوا عَنهَا دى خُرَافَهْ...

موجودٌ عَ السفرهْ قَطَايفْ...
كالشهدِ عَلى كُل شَفَايف...
نأكُلُهَا هَنِيئاً ومَريئاً...
من أى تَوَابِع مش خايف...

من بعد الأكل أحبائى...
شكرى لله ودعائى...
نتوضأ لنصلى المغرب..
من قبل قدومٍ لعشاءِ....

من أجل عزومه أحبائى...
قد بعتُ هدومى وأشيائى...
وسؤالى الان لحضراتكم...
من أين سأطعم ابنائى...

لا أملك بنكاً أو مصرفْ...
لا أعرفُ كيف سأتصرفْ...
من أجل عزومتكم ديَّهْ...
ماشى موش دارى وبخطرفْ...

فكرت فى حل يا إخواتى...
رح أجر ولادى ومراتى...
وأعسكر فى بيوت حضراتكم...
من بكره لرمضان الأتى....

ازيكم يا جماعة ..
أنا فى المطبخ 24 ساعه...
عشان اقدم لكم اكله هنيه..
طريقه عمايلها
منى ليكم هديه..
ودلوقت نبدا المقامه الطبيخيه
فى الاكلات اللى هيه ...
تقديم يحيى بن زكريا
انا حقدم لكم اليوم..
فى تانى ايام شهر الصوم...
محشى ورق عنب وبتنجان وكوسه...
الاكله اللى بتخللى الناس
من حبها ملحوسه..
ومعاها كشك الماظيه..
اكلة الباشوات يا افنديه...
وكمان فراخ فيليه..
من ام الكيلو باربعتاشر جنيه..
وكمان سلاطه خضرا...
كل مكوناتها ناضره...
والحلو قمر الدين...
عشان عينيكو الحلوين..
الاول نبدأ باالمقادير
اصلها ياحبايبى حتبقى كتير...
كيلو ورق عنب..
اخضر وطازه وعجب...
كيلو بتنجان...
ابيض وشكله جنان...
م الكوسه برضو كيلو..
وياللا بقى شيلوا...
نص كيلو بصل...
من غير زعل..
للتسبيكه والسلاطه يا عسل...
زيت وقوطه وشبت وبقدونس..
من عند الخضرى الحاج يونس...
كزبره وفيجيتار...
اللى بخللى الفراخ حراقه نار....
ودلوقتى اقول لكم على الطريقه ...
بطريقه سهله ودقيقه...
ورق العنب تنضفوه...
وبميه سخنه تسلقوه...
ونحط علي الورقه شويه رز ونلفها...
وفى حله نضيفه نرصها...
ونكون قورنا الكوسه والبتنجان...
عشان نحشيهم هم كمان...
ونحطهم على البوتاجاز...
ونسقيهم من شوربه الفراخ يا عزاز ...
ولما يستووا يا اصدقاء...
نرصهم بشكل جميل فى الاطباق...
ودلوقت نتكلم على الكشك الماظيه...
وطريقته سهله جدا اهيه..
نجيب شويه رز مع شويه شوربه...
ونقلبهم على النار حبه حبه...
ولما يستوى نحط الحليب...
مع النشاء ويا التقليب...
وبعدين نعمل تقليه
ونخلليها تطش...
عشان نرشرها من فوق ع الوش...
لما نحطه فى الصحون...
بيبقى فتنه للعيون...
ودلوقت نعمل فراخ بانيه..
افهمى يا هانم وافهم يا بيه...
صدور الدجاج من الجلد نضفوها...
وببصله حلوه ادعكوها..
وتدهنوها بيض وفيجيتار...
ونكون محضرين الطاسه ع النار...
فى الطاسه تحمروها...
ولما تتحمر تشيلوها...
وترصوها فى سرفيس كبير...
ومن تحتها تفرشوا جرجير...
ودلوقت نعمل السلاطه...
اللى بتبقى على السفره اخر الاطه..
الخس جاهز متحضر...
سرفيسنا بيه راح متخضر...
من فوقه قطع الطماطم..
لما تشوفها تروح قاطم..
احمر أو أصفر يا جزرنا..
مع السلاطه لاجل نظرنا...
وشرايح خضار لو حطيت...
حترش عليهم حبة زيت..
مع حبة خل ولا لمونه...
من فوق القوطه المجنونه....
ودلوقتى نعمل قمر الدين...
نحللى بيه ويا الحلوين..
نمقطع القمر الدين فى ميه ونغليه...
ونحط السكر والنشا ونقلب فيه...
ولما يستوى نحطه فى اطباق صغيره...
مستطيله أو مدوره...
ونرش على الوش مكسرات وزبيب...
وما تنساش تهدى طبق للحبيب...
واكله هنيه ...
فى رمضان بالبركه تكفى ميه..
بس احنا نخلص عملنا لله...
عشان الخير كله نلقاه
وكل سنه وانتم طيبين...
يا كل الناس الحلوين...

مسحراتى ...
عمال اسحَّر..
امشى ليلاتى..
ع الطبل أنقَّر...
انده اسامى...
نجوى وسامى..
مش كمبيوتر..
او عقلى دفتر..

يا نايم اصحى..
داشهر فرحه..
إزرع تلاقى..
الشجره طارحه.

صلى وصوم...
زكِّى وقوم...
بالليل وصلى..
فرْحَك يدوم..

بنده عليكو...
ربى يراضيكو..
يا أهل بلدى...
قلبى عليكو...

حنقول كلام...
حلو وتمام..
ياللى قلوبكو..
تهوى الصيام...

عامى ونحوى...
بيقولوا وحوى...
ياولاد بلدنا...
تعالوا نحوى...

دا شهر رحمه...
مش شهر تخمه...
نملا بطونَّا ....
بفراخ ولحمه...

إِحْسِن صيامك...
واحسِن كلامك...
فى الاخره تلقى...
جنِّة مَقامك...

إسعِد جيرانك...
وزَّع حنانك...
وبذكر ربك...
رَطَّب لسانك...

إَرعَى اليتيم...
ربك عليم...
إِدَّاك ماقصَّرْ...
خلليك كريم...

جينا وقعدنا...
تحتك يا مدنه...
الشمس غابت...
أَذِّن يا سيدنا...

بعد الصيام..
اوعى تنام...
ع المسجد اجرى...
صلِّى القيام...

بعد القيام...
من غير كلام...
روح زُور قرايبك...
وانسى الخصام...

بعد السحور...
قران ونور...
ساعة تجلِّى ....
خيرها بحور...

شهر العباده...
خيره زياده...
قابلوه بفرحه..
ياللا يا ساده...

مسحراتى ...
واسمى يحيى...
امشى ليلاتى ...
فى كل ناحيه..
زكريا والدى...
كل اللى عندى...
قلبى وحبى...
مفروش فى دربى...
بدعى لربى...
ناسى وقرايبى..
اللى فى غُربه..
واللى فى كُربه...
يارب دايما...
بالحب نحيا...

مِنْ بَعدِ ما قدمتُ فطورٍ...

للقومِ ببيتى المعمورِ...

قالوا لن نرحل يا خفيف...

فَلْتَجهَز حَالا بسحورِ..

قَدْ كان الْوَعدُ بإفطارْ...

يا قومى من غير شجارْ...

أَوفَينا من فضل الله...

إطعامَ الصاحبِ والجارْ...

قالوا من بيتكِ لن نرحلْ...

سَحَّرنا هو الحَلُّ الأمثلْ...

صَدَّقنا وألاَّ قد نبقى...

نَستقبلُ رمضانَ المُقبِلْ...

أَعجَبَنَا طَعَامُكَ يا ظَريفْ...

محترفٌ أَنت وحرِّيف...

مَحْلاهُ الاكلِ بداركُمو....

يا حليوه يا بودم خفيفْ ...

أَهلاً بضيُوف الرحمنْ...

الرَّبُّ الرازقُ مَنَّانْ...

فَلْتَبقوا عِندى لِسُحُورٍ...

للكَرَمُ ببيتى عُنوانْ...

لا أقدِرُ أَبَداً أّتّأَخَّرْ...

بالكَرَمِ كثيرً ما أَفْخَرْ...

من فضل اللهِ أُسَحِّرُكُمْ...

هيا أّحِبَّائى نَتَسَحَّرْ....

فُولً بالزِبدَةِ إن أّمكَنْ...

فى كُلِّ سحورٍ يَتَمَكَّنْ...

أَهوَاهُ وَ يَخطَفُ أّلبَابى...

والقَلبُ بِحُبِّ يَتَجَنَنْ...

فُولٌ مَعَ زَيْتِ الزيتونِ..

فى الصَحنِ كَدُرٍ مكنونِ..

حباتُهُ مَاسٍ فى أَلَقٍ...

ع البَطْنٍ لطِيفٌ وحَنونِ...

فُولٌ بالحَارِ يا مَحلاهُ...

لا يمكن أَبَداً أَنسَاهُ...

إِنْ تَعْصِرُ فصَّينِ لَمونٍ...

من أَوِّل لُقمه سَتَهواهُ...

والجُبنُ كَمان اسْتانبوللى...

أَعشَقُهُ و أّقول يَا حلوللى...

مَصنُوعً من خَير بلادى...

مَوجُودً ع السُّفره تَمللِّى..

زيتونً أَسوَدُ مَحلاهُ...

قلبى يَتَرَاقصُ ويَّاهُ...

بالشُوكَهْ أَرَدتُ الامْسَاكِ...

بهدلنى ودوخنى وَرَاهُ...

زيتُونً أَخضَرُ ومُمَلَّحْ...

مَنْ يَأكُلُ خَمْساً قَد أّفلَحْ...

مِتخَلِلْ مع فِلفِل حَامى...

مِن واحدَه أُوَلوِلْ وَأُوَحْوِحْ...

لا يخلُو سُحُورٍ أَسيادى...

مِن ذَاكَ المَدعُوِّ زبادى...

قد كانَ مُسَلطَنْ فى الماضى ...

أَعشَقُهُ وزُوجْتى وَ أَولادى...

من بعد الأكل يا إخوانى...

نبدأُ بتلاوَةِ قرآنى...

نستمتعُ فى وقتِ السَحَرِ...

بالصَّفوِ يَعُمً الاكوانِ...

ثم لِنَسْتَمتِعَ بالفَجرٍ...

حَمداً للهِ مَعَ الشُكْرِ...

وَلْنَدعو اللهَ بإخلاصٍ...

يُسعِدُنَا فى لَيلَةِ قَدْرٍ...

هَا قَد فَطَّرنَا وَ سَحَّرنَا...

من فَضلِ اللهِ ما قَصَّرنَا...

فلنَنظُر أَىُّ أَحِبَّائى...

فى بَيتِهِ سَوفَ يُسٍّحِرُنَا..

يا برتقال أحمر وجديد...

احنا فى وقفه وبكره العيد....

بكره الكل حيبقى سعيد....

لما الايد...

تتمد لإيد...

نلقى الفرح...

ماشى معانا بدرب العيد....

ياللى قريب...

ياللى بعيد...

إفتح قلبك للخلاَّن...

إوعى تخللى دمعة عينك...

تاخدك ابدا للأحزان...

مد ايديك دايما بالخير..

خللى ف قلبك حب الغير...

إدِّى عيديه لطفل يتيم....

أُجبر خاطره بكلمة حب...

بس تكون طالعه من القلب...

تلقى الرب...

نوَّر دربك...

نوَّر قلبك...

خللى فؤادك بستان ورد...

مليان ود...

يوم العيد...

هنِّى جيران...

هنِّى صحابك...

تلقى الخير...

واقف على بابك...

ياولاد بلدى ف يوم العيد...

ياللا نسامح كلنا بعض...

خللى الفرحه تعم الارض...

ياللا نخللى الخير فى قلوبنا...

سُنَّه وفَرضْ...

ورده بايدى بقدمهالكم...

وادعى إلهى يروق بالكم...

يسعد حالكم...

جاى أعيد ع الاحباب....

رح تلقونى قدام بابكم...

يوم العيد...

يا برتقال احمر وجديد...

خللى حياتنا دايما عيد...

من كَعكِ العيدِ يَا إخْواتى...

ارتفعت فعلا أَنَّاتى...

إِتَّحّدت ضدى الازماتِ...

كَعْكٌ وهدومٌ ومراتى....

فامرأتى لازم تَتَفشخَرْ...

دوما تتهافت ع الأفخَرْ....

م الكعكِ تُسوِّى اصنافٌ....

عَقلُها بالحِكْمَةِ لا يَذْخَرْ....

إِن قُلتُ همومى تَتَكربَسْ....

الكعكُ وأَنتى والمَلْبَسْ...

ألقَاها ردَّتْ بِبِرودٍ....

يا يحيى بطَّل تَتَفلحَسْ....

مَن قال بأَنِّى أَتَفَلحَسْ....

يا ذاتَ العقلِ المُتَجَبِّسْ....

أَفعَالُكِ دوماً حمقاءُ....

مَن غَيرى فيها يَتَدَبَّسْ...

إِنِّى أُشهدَكُمْ أَحبابى....

كى تضعوا حداً لعذابى...

أرجوكُم شوفوا مأساتى...

زوجتُنَا ناويه على خَرَابى....

الكَعكُ المَحشُو بالمَلبَنْ...

فى صُنعِه دوماً تَتَفَنَّنْ...

مرصوصٌ فى عَشْرِ صاجاتٍ....

رُحماكَ إلَهى سَأَتَجَنَّن.....

كَعكٌ مَحشُوٌ باللُّوزِ......

الكَعكَه بداخلها جُوزْ...

لمَّا أَن جاءَ من الفُرنِ....

قَد رَقَصَتْ مثلَ الأراجُوزْ....

كَعكٌ محشُوٌ بالفستُقْ...

ياربى عَقلى سَيَتفتَّقْ...

تكلفةٌ قد تَخربُ بيتى...

مين بَس بحالى يَتَرَفَّقْ....

أرجوكَ يا سَيِّد بتى فورْ...

أَن تَرحَمَ جَيبى المغدُورْ...

واعْذُر ثَوْراتى وهِياجى...

قد صرتُ ببَيتى مقهور...

يا مَنْ يدعوكى غُرَيِّبَةِ....

دوماً لجيوبى مُخَرِّبَةِ....

سُكَّر ودقيقٌ مَعَ سَمنٍ....

ما أّتعَسُ تلك التجربةِ...

أَنواعُ القُرَصِ وبسكوتْ....

زوجتُنا تَعشَقُها موتْ...

فامْرَأَتى تُبَعْزِقُ أَموالى...

لا تقوللِّى سَبْعٌ أَو حوتْ....

يَا أُمَّ حُسَامٍ بالرَّاحَهْ...

مِن فِعْلِكِ عَينى نَوَّاحَه...

كَعْكٌ مع لِبْسٌ وعيديه....

سَوَّحْتى جَنَابى بِصَراحَهْ....

أَيَا قَدَرى...

يَا بَسْمَةَ النَوَّارِ ...

يَا رَشْرَشاتِ عِطْرٍ...

مِن تَضَوُّعات الزَّهرِ...

يَا رَبيعَ الفِرْدَوسِ...

يَا هَالَةَ القَمَرِ....

يَا رُوحَاً أَهَلَّتْ...

فى سَنَاهَا...

كَمْ تَنَاجَى العُشَّاقُ...

كَمْ سَهِروا...

يَا غُصْنَ بَانٍ...

يَا مَنْبَعِ الالْهَامِ ...

وَالشِّعرِ....

مِنْ خَمْرِ العَقِيقِ...

فى شَفَتَيكى...

كَمْ ثَمِلَ النُدَامَى...

كَمْ بِلا كَأسٍ...

قَدْ سَكِروا...

كُلُّ السِّهامِ...

مِن نَظَرَاتِ عَينَيكى...

كَمْ أَطَاحَتْ فى الخَلائِقِ....

فَانْهَزَمَ الغَازُونَ...

وانْدَحَروا...

مِنْ حُمْرَةِ الخَدِّ...

كَمْ غَارَتْ شَقَائِقُ النُّعْمَانِ...

والجُورِى مِنْ نَاعِمِ المَلْمَسِ...

قَدِ انْتَحَروا...

والشَّعْرِ...

كَالْطَيرِ الطَّليقِ بِلا خَفَرٍ...

كَانْسِيَابِ الحَريرِ...

أَمْواجٌ مِنَ النِسَائِمِ...

وَالعِطْرِ...

إِنْ وَهَبْتُكِ الرُوحِ...

وَالعَيْنَانِ...

مَا وَفَّتِ الرُوحُ...

وَالعَيْنَانِ...

بَعْضَاً.مِنَ القَدْرِ...

يَا رَوْعَةَ الإحْسَاسِ...

يَا قِمَّةَ الإبْدَاعِ...

وَالسِّحْرِ...

جُودِى عَلَى النَّفْسِ بِطَلَّةٍ...

فَالقَلْبُ قَدْ أَضْنَاهُ الحِرْمَانِ...

والقَهْرِ....

السلك شائك...

سادد دروب...

وانت يا دوب...

راجع...

وقت الغروب...

واقف وروحك فى الطابور...

مستنى دور....

بتدور...

بتدور الدنيا بيك...

متزغلله...

قدام عينيك...

كل المسالك...

وانت واقف تنتظر...

ينفتح لك أى باب...

منه تفوت...

تدخل برجلك للحياه...

ولا تموت...

ينفتح لك أى بيت...

ولاتعود...

مطرح ماجيت...

جوه منك...

الف حاجه اتغيرت...

الف حاجه اتكسرت..

بتقول ياريت...

فى يوم ما رحت...

بتقول ياريت....

ما كنت جيت...

يا كل عمرى اللى عَبَرْ...

فيك العِبَرْ...

بس مين رح يسمعك...

ولا مين رح ينظرك...

السلك شائك...

وانت واقف فى الطابور...

تنتظر ....

لحظة عبور...

الخوف ماليك...

رعشة ايديك....

وقعت منك ورق...

إسمك وسنك...

دولتك...

جنسك ودينك...

هيئتك...

وطِّيت تلملم ...

جتتك...

مانت بقيت ...

حبة ورق...

مانت ارتضيت...

تبقى رقم...

تبقى حروف ...

مليانه خوف...

مانت ارتضيت...

تبقى ألم....

تبقى صوره...

جوه دفتر...

فوق ورق...

مانت ارتضيت ...

تبقى عدم....

لجلن تجيب...

حبة ورق...

مانت ارتضيت...

عن طمى نيلك...

تتعزل...

من ميه تانيه...

تشرب وتوبك...

يتغسل...

مانت ارتضيت...

تهرب بعيد...

فاكر فى يوم...

حتعود سعيد...

السلك شائك....

عينك بتنظر ع النخيل...

نفسك فى تمره تبل ريق...

يا عليل...

نفسك فى نور يضوى الطريق...

محتاج دليل...

وانت اللى كنت فى ليل ماضيك...

الف بدر...

الف بدر والف نجمه ...

بين ايديك...

دلوقت ليه...

ليلك طويل...

فارش فى دربك عتمته...

نبتة قلق...

الخوف بدأ....

تطرح فى قلبك بذرته....

أااااه يا ولد...

بلمح فى عينك ...

مِيتْ سؤال...

يا هلترى يا قوم...

رح نلتقى باللوم...

ولا بفرحة شوق...

مكتوم...

من كام ألف يوم...

حتقابلوا عودة حلمكم...

اللى فى يوم ...

عنكم شرد...

أاااه يا ولد....

الحلم كان...

تبقى السند...

الحلم كان...

نكبر سوا...

نحلم سوا...

الحلم ليه...

بينَّا انشطر...

درب الرحيل اللى انتصر...

عينك بتسرح...

ع الشجر...

عاوز خبر...

يا هلترى مستنظرك...

فرحة رجوع...

ولا طريق...

مفروش دموع...

متقفله ...

فيه السكك...

وانت واقف تنتظر...

جوه الطابور...

والسلك شائك...

بلا شطآن قد صرنا ...

يعربد عشقنا فينا ...

فلا الامواج ترحمنا ...

ولا النجمات تهدينا...

وأمسى حلمنا رمدا...

يسافر فى مآقينا...

وسما يجرى فى دمنا ...

ويسرى فى أغانينا...

مقادير رضيناها...

فما عادت تراضينا...

فان نأباها نحترق ...

وان نحياها تضنينا...

وسار غرامنا لدا...

فيهلكنا ويشقينا...

سرابا خلفه طرنا ...

لعل الحب يسقينا...

فما ارتاحت لنا مهج ...

ولا دارت سواقينا ...

وما أبقى لنا أمل...

ولا عاشت أمانينا...

عشقنا الحب زهرات...

فما اخضرت صحارينا...

وعشنا الحب قطرات...

فما نديت روابينا ...

زمان الحب لا ترجع...

لتسكن فى موانينا...

تحاول جذب زورقنا...

وتخدعنا وتغرينا...

فلم تغدو لنا سكنا...

ولن نغدو كماضينا...

يا برعم...

هذا قدرك ...

تحمل فى قلبك ألما...

تحمل جُرحا...

تحمل كل هموم الكون...

تعشق نزف الالم...

تنسى شقشقة العصافير...

تنسى لهو الصغار...

تركض خلف الجرح الصارخ

دوما فى الامصار....

با أيها البرعم الفارد اشرعة الرفض...

ليل نهار...

صمتاً...

قد آلمنى صوت صراخك...

فاصمت...

صوتك يؤذينى...

صبح مساء...

يلعن فيا الجبن الدائم باستمرار...

يلعن فيا هذا الداء...

ملعون ايها الكبرياء...

ملعونة رجولتنا...

ملعونة مبادئنا...

ملعون هذا الحرف الراقد...

فى احضان قصائدنا العصماء...

لم نفلح الا فى الغزل...

لم نقوى الا فى الهزل....

يا صوت الرفض النائم فينا...

فلتنهض ...

فلتصرخ...

فلتنفض عنك الاعياء...

أو فلتلفظ كل الانفاس...

ولتتركنا فى ليل الصمت الخائف....

نرقص رقص الحمل المذبوح...

ننزف من قلب الكرامه ...

كل الدماء...

اتركنا نلهث خلف سرابات الوهم...

ركض الاغبياء...

إن سألوا عنا فى مقبل الايام...

فاعلمهم أنَّا...

كنا جبناء...