| | ديوان الشاعر/ يحيى زكريا |  |
|
|
|
| كاتب الموضوع | رسالة |
|---|
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| موضوع: رد: ديوان الشاعر/ يحيى زكريا  السبت يوليو 26, 2008 12:59 am | |
| محكمه ..3
طب بس استنى ازاى...
يا محامى نص كم...
عمرى حيضيع باى باى...
وانت مش شايل هم..
جايب لى شاهد ضدى...
يا مدهول اصحى وفوق...
من هبلك ده يا افندى...
اصبحت اكيد مشنوق...
يحيى الراس الكبيره...
خلليتنى خلاص بروس لى....
يا ناس انا والله فى حيره...
والبيه واقف يرقص لى...
ثبت على التهمه...
دابدال ماتدافع عنى...
احلف والله ع الختمه...
انك ناوى تجننى....
المفتى مضالى خلاص...
يا حلاوتك عينى عليك...
دانت عندك اخلاص..
بتمنى الله يبليك...
يا محامى صحيح مغشوش...
انت فاكرنى راح اسيبك...
والله لو رحت فاشوش...
لو رحت لفين راح اجيبك...
راح اخللى عيشتك سوده...
واملاها بالعفاريت....
عفريتى حايخش الاوضه..
يتنطط لك تنطيط....
رح تبقى ضحية يحيى...
يامحامى بسبس نو...
تلقانى فى كل ناحيه...
اطلع واقول لك عو...
صدقنى يا قاضى دى مكيده...
واللى عملاها سماح....
قاعده بتضحك وسعيده...
وانا ببكى مسا وصباح...
سموحه انتى فين...
اتعاطفى معايا وردى...
فوتى حتى دقيقتين...
وارجعى تانى لتحدى...
| |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:00 am | |
| محكمه ..2
حاتجيب لى قوام اعدام...
وشك يا محامى شوم...
ابعد عن وشى قوام...
رح تبقى قتيلى اليوم...
اعدام ممضى من المفتى....
والنسر كمان موجود....
يا محامى خلع كليفتى...
دربى وياك مسدود....
كل شهودك جم ضدى....
ماتشوفوا حل ياناس....
واقف يا خواتى لوحدى....
ويا محامى محتاس...
كل زباينك اعدام...
افهمها يارب ازاى...
طب سيبنى وتاخد كام...
قبل ما اروح فى الباى باى...
يا قاضى ميزانك مال...
من اول يوم فى قضيه...
جايبين لى محامى خبال...
خارج م العباسيه...
بتقولوا خطفت سماح...
يا نيابه هاتى دليل...
خللونى اموت مرتاح...
من غير زفه وتهليل...
يا محامى اعمل حاجه...
واقف فرحان بالروب...
بتبصلى ليه بسذاجه...
هو انا واقف مقلوب...
يا ناس قولوا لسماح...
الله يخليكى تردى....
تلقوها مسا وصباح...
فى العامى جوه تحدى... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:01 am | |
| محكمه..
الله الله الله..
محكمه واتنصبت والمتهم غايب...
فوضى وهيصه والامر اصبح سايب...
والقاضى من غير ميزان جه وقعد....
والكل جاى وعايز يبقى له من يحيى نايب...
القاضى قال محكمه والمتهم نادوه...
يحيى وغاوى ادب زكريا يبقى ابوه...
التهمه خطف سماح ...
ما خطفت حد ياهووو...
هى سماح تنخطف...
دى لوحدها تخطف بلد...
واللى يفكر فى خطفها...
يا بلوة امه وابوه....
القاضى قال اخرس بقى ...
لاحسن تروح المشنقه...
عندك محامى يا متهم...
قلت ياقاضى لا ...
قال يا محكمه هاتوا المحامى هاتوه...
جابوا محامى لما شفت سحنته...
قلت اعدامى على ايد حضرته...
ياربى محامى اخر دفعته...
حايجيب لى اعدام ...
اخر تمام....
يا سماح ارجعى بسرعه..
يحيى حيعدموووووووه | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:03 am | |
| سيتينى ليه..
سبتينى ليه امشى واغيب...
ياللى بتقولى حبيب...
كان فين غرامك وقتها...
لما سبتينى غريب...
لما غالبنى صدودك...
قلت ابعد عن حدودك....
يمكن القى حياتى بعدك....
يمكن القى لى طبيب..
راجعه تانى تشكى منى...
راجعه تانى تقولى انى..
قولى انى قولى انك..
يا حبيبتى بعد منك..
اللقا اصبح نصيب..
| |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:05 am | |
| ومين قال ..
ومين قال لك مفيش فايده...
مادام الحق جوانا بنار قايده...
لاعمر الظلم فينا يبات..
ولو بات...
على روسنا...
جحافل انكشاريه...
وسيف فوق روسنا متسلط...
قلوبنا انتحاريه...
وبايعه دنية الباطل...
وما تماطل فى قولة حق..
ووقت الجد تلقيها...
بقوة رب باريها...
فى وش الظلم وبتصرخ...
وتلعن كل من يسكت...
تقول يا حق جه يومك...
سكتنا كتير...
يا عدل فز من نومك...
وقول لكل ظالم لاء... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:06 am | |
| رباعيات ابن زكريا 2
يا شاكى غدر الزمن عمر الزمن ماغدر...
لا عمره حاش الريح ولا مره حاش المطر...
افتح للحب قلبك وانظر بعينك شوف...
تلقى الامانى الوف تتمنى لمحة نظر...
وعجبى... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:08 am | |
| رباعيات ابن زكريا..3
بسال يا قلبى سؤال خلليك يا قلبى صريح...
امبارح كنت عال فرح وهنا وتفاريح...
ايه غير الاحوال طب ليه صبحت جريح..
جاوبنى قلبى وقال دخلت دنيا الهوى...
(بردون) بدون تصريح....
وعجبى ... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:10 am | |
| حرب راء ونون 5
فين سحرك ده يا نور عينى....
طب هاتى بقى وورينى....
حنشوف سحرك وفنونك....
ولا سحرى وتفانينى...
عينى بتشوف بشطاره....
موش محتاجه لنضاره...
بس انتى ياروحى عينيكى...
ما بقتش تشوف بجداره.....
يا حبيبتى ولا مليون...
يقدروا على اسر هارون...
مهما حتعملى يا حياتى...
مش حاخضع مهما يكون....
روميو ما يخش اقفاص....
يا حبيبتى كفايه خلاص....
انتى اللى دخلتى لقفصى...
مالكيش يا حياتى مناص....
يا حياتى كلمه اخيره....
من غير تفكير ولا حيره....
حطيها حلقه ف ودنك....
فى عنيكى باينه الغيره | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:11 am | |
| حرب راء ونون ...6
لا نركع مين يا عينيا...
لا اصحى وفوقى شويه...
رجاله صحيح وبنعشق...
لكن رجولتنا اهيه...
مش ممكن ابدا نركع...
مش ممكن ابدا نولع...
واللى رح يولع قلبك...
هالا هاللا وسع وسع...
يحيى ما يبعش كلام..
ولا يعيش فى الاوهام...
وانتى ومجنونه عشقك...
اللى دايبين احلام...
ياللا يا احمد ويايا...
نعملها مبارزه حكايه.....
ونخللى نونات النسوه...
يتقهروا ورا وورايا | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:13 am | |
| حرب راء ونون...7
هارون عايش وماماتشى...
جوايا اهه مابخافشى.....
وانتى يا حبيبتى اسيرتى...
من اسرى ازاى رح تمشى...
هارون من عهد قديم...
كان عنده حل عظيم...
حطك انتى ونوناتك...
فى اقفاص سماها حريم....
جدى وانا زيه عنيد...
من غير اقفاص وحديد...
حتجينى لوحدك طايعه...
تعترفى بعصر رشيد...
استسلمى ياللا احسن لك...
واعترفى قوام اكرم لك..
مالكيش عيشه من غيرى...
ولوحدى مالك امرك... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:15 am | |
| حرب راء ونون..8
انا عمرى ما باخد وادى...
انتى اعلنتى تحدى....
وان كنتى خلاص سلمتى...
انا ممكن الين واهدى...
لو انتو بتوع مزيكا...
انا برضو يحيى الويكا...
بس انتى ياعينى عليكى...
طالعه الان م الفبريكه...
يعنى محتاجه دراسه....
طب قومى هاتى الكراسه...
تلميذه وانا استاذك....
ماهى مش محتاجه فراسه...
حديكى دروس فى الحب...
ما هو باين قلبك طب...
بتقولى مدرس ايه....
دكتور وتخصص قلب...
تعبانه وقلبك حب....
والحاله كرب فى كرب...
اعترفى وقرى يا روحى...
انك مش قد الحرب... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا السبت يوليو 26, 2008 1:20 am | |
| حرب راء ونون ..9
يا محمد انا حذرتك..
من بدرى اهه ونورتك...
خليك ويانا اوعى تسيبنا..
او ييجى يوم وتغضبنا...
راجل خليك مع رجاله...
رح تبقى طبيعيه الحاله...
اما لو تسمع ستات...
صدقنى فى الغلب تبات...
حيخلوك زى المجنون...
ويخلوك تسرح بلمون...
حيخلوا حياتك شيكا بيكا...
والاخر باى باى يا سى ويكا.. | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:14 am | |
| حرب راء ونون ..10
استنى يا ابن المحروس...
لا تخش يا خويا ولا تدوس....
رح ترجع مخك ملحوس...
لو ويانا يا اهلا بيك...
نفضل جنبك وحنحميك...
رغم انى حاسس محسوس...
ان انت يا حلو جاسوس...
ال ايه مع حوا يا نور عينى...
طب طلع سيفك ورينى...
لو تفضل ماشى ورا سماح...
حتلاقى مخك طق وساح...
خليك مع الراءات تفلح وتعيش...
لو رحت للنونات هأو ماتلاقيش | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:16 am | |
| حرب راء ونون ..11
مش يحيى ياروحى اللى يحاسب...
او حد يقف ويقول حاسب...
مشاريب انا دايما مادفعشى...
يا حبيبتى اصلى ما بقعشى...
وان كنتى يا روحى شربتيها...
تبقى انتى اللى تحاسبى عليها...
وان كنتى فلسانه حبيبتى ...
طب ليه يا حياتى كده لعبتى..
اتنازلى ياللا وانا احاسب...
بعدين نتلاقى ونتحاسب...
ولا امشى واسيبك على سهوه...
تشتغلى جرسون فى القهوه... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:17 am | |
| حرب راء ونون ..12
مجنونة عشق اهلا بيكى...
من بدرى وانا مستنيكى...
اركب وياكى العربيه...
نتفسح حبه يا عنيه...
وكلاكس يزمربب بيب بيب...
يحيى عمره ما ييجى خطيب...
انتى و صاحبتك كده م الاول...
يحيى عمره ما حيتكعبل...
بيب بيب يحيى..
بيب بيب يحيى...
| |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:18 am | |
| حرب راء ونون ..13
شرفتى يا توأم روحى...
وانستى والله يا روحى...
احنا يا ستى الخشنين...
الشماريخ الجامدين...
اللى زعلنا حبيبتك..
سوحه ست الناعمين...
رحت وغيرت هدومى....
ومصحصح قوى من نومى...
ان كنتى ناويه تحدى....
اتشمرى باللا وقومى....
دا تحدى بالاشعار....
محبوب بشقار ونقار...
لكن احيانا يحيى...
بيولع فيها النار...
مافى نونه وقفت ضدى....
او خشت مره تحدى...
الا تسلم وتقوللى...
معلش يا يحيى افندى....
ان كنتى جاهزه تعالى...
واتفضلى ياللا قبالى....
حنعد لحد تلاته...
حربنا تبدأ طوالى... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:19 am | |
| حرب راء ونون ..14
طب ليه يا مو صياح...
صابحه عاملالى صياح...
ما قدرتى عليا تحدى....
قلتى اسرسع وارتاح....
من يومى دبحت القطه....
حطيت لك فى الشاى شطه....
واما شربتيه يا حياتى....
غنيت لك حطه يا بطه....
عمرى مش حدبح فرخه..
مش حدبح ابدا وزه....
بس افهم غرضك ايه....
ناويه على انفولوانزه...
من يومى وانا امور...
واضحك على ميت مامور....
طيب يا حبيبتى ولكن..
عمرى ما حكون طرطور....
طول عمرى عال العال...
من فضل الله مستور...
حسال يا حبيبتى سؤال...
من فينا بقى مقهور.... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:21 am | |
| أنتِ..
كيف البعاد...
لن اقتدر...
والقلب منى...
لن يصتبر...
انتى الربيع...
انتى الشجر...
انتى العبير...
انتى المطر...
فلابقى فى وجه الرياح...
عله ياتى الصباح...
عله يحنو القدر... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:23 am | |
| حرب راء ونون..15
ازاى نكره ياسى اشرف...
بالعكس دا احنا نحن...
غير كده نبقى بنخرف....
مهما حنقول ونزن...
طب نعمل ايه لو مشيوا..
وسابونى انا وانت نرن...
رح نقعد بوزى فى بوزك...
يا خفيف يا جميل السن...
احنا بس بنتناقر...
لكن فى الجد نكن...
دى مساجله مع حواء...
محتاجه مهاره وفن...
بالكلمه الحلوه الراقيه..
حانخللى الجن يجن...
رح نضحك احنا وهمه...
وحنبقى عسل على سمن...
**********
مين غير ضرب وكره وسكاكين..
او مين رح يضرب مين..
هات لى ايمن وتعالى...
تاخدوا درس يا حلوين...
دى مساجله بريئه يا عم...
محتاجه لخفة دم...
مش واحد جايب سكينه...
والتانى قلبها غم...
عمال اعلم فيكم...
عمرى ضيعته عليكم...
خلليكوا خفاف الدم...
تلقوا حوا فى ايديكم...
اللى عملته فى سنين..
فى تعامل مع حلوين...
جيتوا انتو بشوطه واحده...
طيرتوه فى دقيقتين...
دانتو تلاميذ خايبين...
والله مانتم فالحين...
مفيكوش غير بس لسان...
من بكره انتم مرفودين.. | | |
| |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:24 am | |
| أبحث عنكِ
انظر حولى....
المح طيفك...
يسكن كل زوايا الكون...
اغمض عينى....
كى لا ابصر...
اسمع صوتك بالاعماق...
يهتف ...
يصرخ...
انت الجانى...
انت اللاعب بالاشواق..
دمعة عينك...
تحرق ذاتى...
تعلن ...
ان اليوم قصاص...
لم اعتاد العيش بدونك...
اشعر انى ...
طفل ضائع....
يركض....
يلهث...
خلف سراب...
افقد فيكِ حنان الام...
اسال عنكِ وجوه القوم...
ياتى الرد...
غير مجاب....
اشعر ان العمر يراق....
رسمك...
يسكن...
عمق النفس...
كنتِ الدار...
كنتِ الماوى....
حضن دافء...
حين اعود...
لن تنسينى...
لن انساكِ....
لن ترتحلى...
اقسم انى ...
لن افقدك....
اقسم انى ...
اركب مهرى...
كل صباح...
كل مساء...
اقطع كل فيافى الدنيا...
بحثا عنكِ...
يا حواء... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:25 am | |
| للحب عود...
للحب عود...
خللى قلبك يسبقك....
يرسم قلوب متلونه...
فوقها زهور...
خللى حبك يدفعك...
تلقاه يطير بيك فى السما...
ويعدى بيك كل البحور...
حدد بنفسك موقعك...
فى الحب غوص...
خلليك جسور...
لا تهاب رياح...
او موج يفور....
خللى عينيك متصوبه...
ناحية حبيب....
اياك يضيع...
ولا يغيب...
واما تلاقيه...
اسقيه حنانك ...
اسعده...
ضمه لقلبك...
هدهده....
وانسى معاه...
بؤس الحياه...
وقول يا حب...
اسقينا حب...
تلقاه يجود...
للحب عود...
| |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:26 am | |
| شهريار ..
لا أعبأ ان كنتى أميره...
بجزيره....
أو كنتى ابنة بستانى...
بضفيره....
لا أعبأ بحكايا العشق...
قليلة كانت...
أم كثيره....
لا أعبأ بكم الاسرار...
تافهة كانت ...
أم خطيره...
ماسورة أنتى...
ياسيدتى...
مشدودة أنتى ...
لقيود عشقى...
مربوطة انتى...
باركان عرشى....
لن ترتحلى...
عن مملكتى...
يا أميرة الحسن ...
قد اصبحتى...
فى دنيا شهريار...
شهرزاد...
العاشقه...
الأسيره... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:27 am | |
| حرب راء ونون 17
عمرنا ما حنبقى فى ورطه...
كترى يا حبيبتى الشطه...
فى الكشرى او فى الفول...
رح تبقى زى القشطه...
يا حبيبتى يا حلوه يارقه...
كل عزالى فى الشقه..
بس انتى ياحلوه هدومك..
اتلمت جوه الشنطه...
ياللا يا حبيبتى سلامه...
روحى على بابا و ماما...
وابقى يا حبيبتى ساعتها...
قولى ده كلامه اونطه...
| |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:28 am | |
| إقرار ..2
اقر انا الصاحب اعلاه....
المفروس من صاحبه اياه...
انى بدور على صاحب....
صاحب حقيقى يتصاحب....
فى الشده قلبه بيواسى...
فى الفرح جنبى وموش ناسى....
اللى فى جيبه ياناس ليا....
اللى فى جيبى له هديه...
وان يوم مفيش عندى وعنده....
نسرح سوا ونقول للااااه... | |
|
| | |
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: ديوان الشاعر/ يحيى زكريا الثلاثاء يوليو 29, 2008 9:29 am | |
| إقرار ..3
اقر انا المجنون اعلاه...
المزنوق فى البلد اياه...
بعشق حقيقى خلق الله...
عمرى ما فكرت ابقى زعيم...
عمرى ما شلت ف يوم مليم...
بس الحب ف قلبى عظيم...
فى الصبح عايش ملاكى...
فى الضهر اوزع املاكى....
فى العصربمشى واقول للاااااه... | |
|
| | |
| | ديوان الشاعر/ يحيى زكريا | |
|
