ديوان الشاعر/ يحيى زكريا

علمنى حُبُّكِ..

علمنى حبك ان اصدق...

وانا لم اصدق وعدى...

منذ عصور...

علمنى...

ان الصدق طريق...

مفروش بسرور...

وان الصب...

ان يصدق...

يحيا فى النور..

وانا يا حبيبتى...

مذ رايتك....

لسانى صدق....

وقلبى بستان وزهور...

على مر العصور..

نقطة عطر ..2

من وراء السنين اعود...

ضال فى دنيا اشواقى...

يهدينى اليكى...

تضوعات من عبير انفاسك...

ينثرها الوجود...

فى دربى...

تتسابق السوسنات...

والجورى يفترش السبيل...

اخطو فوق الغمام...

القاكى....

يزهو الوجود...

علمنى حُبُّكِ..2

علمنى حبك ان اكذب ....

وانا لم اكذب يوما...

منذ عصور...

علمنى ...

ان اخفى....

صدق الاحساس...

ان اعلن للدنيا...

انى..

لست اهواكى..

كى تبقى...

صورتنا المثلى...

كى احمل...

امالا ثكلى....

علمنى..

ان اظهر..

زيف الاحساس...

كى ترضى...

كذبتنا الكبرى....

على مر العصور...

علمنى حُبُّكِ..3

علمنى حبك ان اطمع...

وانا محدود الامل...

منذ عصور...

علمنى ...

ان اطمح دوما للاكمل...

للاعلى....

علمنى...

ان العشق لا يحد...

بل يمتد...

علمنى ...

ان العاشق...

لايرضى...

الا بالاشمل...

دنياه...

يا سيدتى..

لا تعترف باى حدود...

وانا الان...

يا سيدتى...

طمعى بحبك...

ليس له حدود...

على مر العصور...

نقطة عطر ..4

من خلف السنوات اعود...

احمل من فيض الاحلام...

باقات...

من عطر وورود...

تعلن ان...

هذا العاشق...

هذا الناسك...

فى دنيا العشاق...

عشقه...

ماله حدود....

هذا العالشق...

هذا الناسك...

فى دنيا العشاق...

عشقه....

نادر الوجود...

أمال وسماح ..

الا يا امال انتى وسماح ...

امن اجل طرد اجرى ولا ارتاح...

واطوف حول المنتدى مسا وصباح...

محملا بقصائدى عامية وفصاح...

ورحت اترنح كمن ثمل من الراح...

وصرت كريشة تذروها الرياح...

وتسقط القوافى منى والكلام المباح....

ومن حولى الف ضاحك والف صاح...

وضاقت بى دنياى من بعد براح...

وخلانى تركونى ولم يدعوا ليا بفلاح....

وما واسونى وما ضمدوا جراح...

ارى نظراتكن شامتة لا تحمل اى سماح...

باهداب ساحرة قاتلة كأنها رماح...

وضحككن اخترق مسامعى واستباح...

فلادعون ربى الرزاق الفتاح....

بالا ارى احداكن يوما ترتاح...

وان تجرون فى البيت وفى الساح...

عليكن تضحك ام على وام صلاح...

وساكنى المدائن وساكنى البطاح....

وقد اصبحت افكاركن سداح مداح..

فلا تدرون من جاء او من راح...

تدوخون دوختى ومخكم قد ساح...

إقرار ..

اقر انا العاشق اعلاه...

العايش فى الحلم اياه...

يا خوفى منك يازمانى...

بعد الفرح ترجع تانى...

تسقينى من كاس الهجران....

والقانى حاضن احزانى....

ويا انكسارى وهوانى...

والقلب بالاشجان مليان...

ساعتها حعمل ايه وياه...

رباعيات ابن زكريا

وليه تسكت مادام تقدر تقولها لاء...

تعدل وضعنا المقلوب...

تعيد الصوت لكلمة حق....

يا ساكت على الظلم اه منك...

رسولنا قال لنا انك...

شيطان اخرس ...

اذا ما وقفت وقفة حق...

وعجبى...

علمنى حُبُّكِ..5

علمنى حبك ان اقنع...

وانا....

لم ارضى عن قدرى....

منذ عصور....

علمنى...

ان الحب قناعه..

وانى ...

ان فزت بقربك...

ساعه...

فلأفرح...

ولأقنع...

ولأحمد ربى...

ولأقنع قلبى....

ولأدعو دوما...

ان تبقى بقربى...

ساعه....

وساعه...

والدهر...

ربيع وزهور....

على مر العصور...

علمنى حُبُّكِ..6

علمنى حبك ان ابكى....

وانا دمع متحجر....

منذ عصور...

علمنى ...

ان الدمع....

تحنان للقلب...

وان الباكى ...

قريب من الرب ....

ان الدمع...

يريح الصب المكدود..

ان الدمع...

باب للرحمه....

يزيل البأس...

يذيب ....

تحجر النفس...

علمنى ...

ان الباكى ..

بمن ابكاه....

رحيم ودود...

ان الباكى....

حنانه ماله حدود....

وانا الان يا حبيبتى...

ابكى....

وعشقى لكى...

لن يقتله صدود...

او تمنعه حدود....

ليتنى يا حبيبتى....

قد بكيت....

منذ عصور....

علمنى حُبُّكِ..7

علمنى حبك ان اغضب....

وانا ممنوع ان اغضب...

منذ عصور...

علمنى...

ان العن زمن الصمت...

ان ارفض ان احيا مقهور....

علمنى ...

الا اخضع...

الا اخنع...

علمنى...

ان اعلن غضب الكلمه...

علمنى ...

ان اجعل حرفى...

نيران تشتعل...

فوق سطور...

علمنى حُبُّكِ..8

علمنى حبك ان اعشق...

وانا ممنوعٌ أن أعشق...

منذ دهور....

علمنى...

ان اخطو فوق نجيماتى....

ان ارسم فوق غماماتى...

قلب...

سهم....

زهور...

ان اكتب فوق خد القمر...

احلى سطور...

صفحات للعشق الباقى...

ان انثر فى وجه الشمس...

احرف اشواقى...

تصبح ظلا...

يكفى كل العشاق...

فى كل العصور...

النمله والفيل ..

النمله قالت للفيل...

عمرك فى يوم ما حتسبقنى....

ولا حتى عمرك تلحقنى...

بص لها الفيل باستغراب...

وقال لها حخللى يومك هباب...

الفيل كان نايم ونومته...

طالت مقدرش يقيم قومته..

او حتى يرفع زلومته...

بصيت له النمله بسخريه...

وقالت له يا اهبل يا هفيه...

اللى يقضى حياته نيام ...

اكل ومرعى واستسلام....

اللى بيعمل دى العمله...

عمره ما حيسبق نمله...

وعجبى..

أنا وحبى ..

الله على رقة قلبك ....

فيه الوداد والحنيه....

السعد كله وانا جنبك....

عطشان انا وانتى الميه....

حبك دا مخلوق جوايا....

من قبل يا عمرى مااشوفك....

يا كل ارضى وسمايا....

محلا كلامك وحروفك.....

انتى امال عمرى الغالى...

والحب يحيا بنظراتك...

والفرح ماشى طوالى....

فى كل سكه لخطواتك...

عمرى ما حبقى فى يوم قاسى...

دانتى هوايا ونصيبى.....

ياللى انتى حبك وناسى....

انتى دوايا و طبيبى....

جولييت حبيبة ايامى...

مدى ايديكى وتعالى.....

ارتاحى فوق صدرى ونامى...

حاخدك وحنطير فى العالى....

ما فى جراح بعد اليوم ده...

تسكن قلوبنا يا حبيبه...

اصل الحياه اجمل ورده ...

وانتى يا روح قلبى قريبه.....

يا حب افرد جناحاتك...

ضلل علينا وخبينا...

من كل جرحك واهاتك...

خدنا فى حضنك واحمينا...

ياللى انتى دينك من دينى....

ربى يصون عرش جمالك.....

ما تعودى تانى تعاندينى....

وتسوقى من تانى دلالك....

يا حب يا مالى قلوبنا....

خلليك معانا ف دنيتنا....

يا فرحنا زوق توبنا....

وارسم بايدك بسمتنا....

ياما كتير قلت لروحى....

الحب كدبه وماله وجود..

بس اما شفتك يا روحى....

اشهد بانه ماله حدود....

عاندت فيكى وعاندتى...

والحب ساكن جوانا....

لا قدرت انسى ولا قدرتى....

بالبعد نقضى على هوانا....

خايف لقلبك يتحول.....

وانا اللى دايب فى فنونك....

بشرط عليكى من الاول...

اوعى تعودى لجنونك....

يا حبيبتى يوم اوعى تخونى...

تنسى هوانا واحلامنا.....

دانتى الامان ليا ف كونى...

تحلا بقربك ايامنا.....

عمرى ما كنت فى يوم خاين....

طبع الوفا مخلوق منى ....

اخلاصى يا حبيبتى ياجناين....

حتعيشى فيها وتتهنى...

يا حزب راء و يا حزب النون....

اتلملموا ياللا تعالو...

من غبر صراع وحروب وجنون....

للحب غنوا مواله.....

عيشوا حياتكم م الاول...

الراء مع النون الحلوه....

ما تقولوا مين اللى اتكعبل....

خللوا الحياه ورده وغنوه....

بصوا لحكايتى انا وحبى....

خللوها دايماقدامكم....

بادعيلكو والله من قلبى...

الحب يسعد ايامكم...

نونتى الحبيبه اهى معايا....

بتقول كلامك صح الصح....

يا حبيبى انت يا منايا...

وردى فى ايدك يتفتح....

يا نونتى انا عايش ليكى...

دانتى النعم وانتى المنه...

لو تطلبى روحى اهديكى....

يا حوريه نازله م الجنه.....

أنا وحبى ..2

ايوه بحبك مش ناكر....

من غير ما اعاند واكابر ...

يا حبيبتى اسرانى بحبك....

وع المناهده انا مش قادر....

مهما بخبى وبدارى ....

حبى انا باين ليكى ...

يا حلم ليلى ونهارى ...

عاشق انا هايم فيكى ...

سلطان انا لكن حبك ....

علانى فوق كل السلاطين ...

كل المنى افضل جنبك ...

يا ساكنه قلبى ونن العين ...

استاذ انا و ف حبى عزيز....

قدام هواكى على فكره ....

حارجع انا حالا تلميذ ....

محتاج رعايه ومذاكره....

استاذ انا كنت يا حبى ....

دلوقتى انتى الاستاذه ....

استاذتى يا ساكنه فى قلبى....

م العند انا خدت اجازه ....

عينك صابتنى بسهامها ....

خلليتنى سلمت سلاحى .....

اه من عينيكى يا جمالها....

من سحرها بفضل صاحى ...

للصبح قاعد مستنى ...

يمكن تحنى لى بنظره ....

اه من غرامك جننى...

طير لى عقلى بالمره.....

حبى انا يا حبيبتى كبير ....

بس اوعى تانى تلاوعينى....

او تقتلينى بالتفكير...

فى البعد عنى يا نور عينى....

اوعى تخافى وتعاندى.....

دالخوف تمللى بيمنعنا....

افراحنا ليه خايفه تعدى ....

د الحب نوره بيجمعنا....

بالحب رح انور يومك....

واسعد فؤادك يا عنيه ...

يوماتى تصحى من نومك....

على احلى كلمه فى الدنيا....

يا نسمه صافيه فى دنيايا...

خللى الحياه حلوه ما بينا....

دانتى غرامى وهوايا...

يا حوريه نازله م الجنه....

يا حزب نون انا بستسلم ...

حنشق على حزب الراءات...

دالوقتى لازم نتعلم ...

الحب فوق كل الرايات....

حاترك عنادى وجنونى ....

رغم انى عارف ومسلم....

كل الراءات حيهاجمونى ....

ويقولوا خيبتك يا معلم....

حيقولوا ليه عزمك صيف...

بعد اما كان جبار وعنيد...

قلبك صبح رقه رهيف.....

شمت فينا قريب وبعيد....

حزب النونات يا فرحتهم....

انتصروا على روميو المغرور .....

الفرحه بايته فى بيوتهم...

و الكوبيات فى صوانى بتدور ...

يا حزب راء خفوا ملامكم ....

قلبى وانا مالناش حيله ....

نونتى وانا اهو قدامكم ...

والدنيا بالحب جميله....

عاشق انا نونتى الحلوه...

ما يهمنى لوم اللايمين ...

حنعيش سوا ف اجمل غنوه....

تتغنى بلسان العاشقين ....

حرب راء ونون ..

الحب مش محتاج لاماره...

الحب باين فى عنيكى...

طب ليه تقاوحى يا سماره...

ما تفوقى الله يهديكى.....

دايما بشوط كورتى فى الجون....

وانتى اللى مرماكى اتهدد....

مهما تدارى دموع فى جفون....

جواكى حبى انا متاكد.....

الحب عمره ماكان نكته....

الحب عهد مابين قلبين....

بتقولى فكرنى وامتى.....

طب ما انتى فاكره يا نن العين....

انطونيو اه وانتى سعيده....

رايدانى من بين المليون....

رغم المناهده يا عنيده...

بتقولى انى قلبى حنون....

بالفعل انا اجمل سلطان...

سلطان على كل السلاطين...

معروف قوى وف كل مكان......

مشهور بسلطان العاشقين.....

عارف بان كتير وقليل....

دابوا ف هواكى وداقوا الويل....

لكن انا حبى يا جميل.....

سهر عيونك طول الليل....

ماحد حيفوز بالنظره.....

شايلاها انتى علشانى....

طب ليه تكابرى على فكره....

محتاجه انتى لحنانى.....

انتى لا رافضه ولا حاجه.....

بس المكابره واخداكى.....

بالعكس انتى المحتاجه...

تتمنى اظهر فى مداكى.....

رح تخضعى يوم وتلينى...

فتاك انا او مش فتاك....

اخرتها برضو حتجينى.....

وتقولى يا عمرى بهواك...

متعنطزه بتقولى ياويلك...

فاكرانى اكون عبره لغيرى...

يا حبيبتى لا حيلك حيلك....

ما يتحبس ابدا طيرى....

لو انتى ليلى وانا مجنون...

حعقل بقى وعنك حبعد...

ولا دليله وانا شمشون...

اخرتها هديب المعبد....

يا حزب نون ياللا استسلم....

الحرب بينا ليه قايمه....

عينك يا حزب بتتكلم....

بتقول انا دايبه وهايمه...

يا حبيبتى سيبك م الاوهام...

حربك قصادى دى غريبه...

مهما حترمينى بسهام....

طاشت سهامك يا حبيبه...

حرب راء ونون ..2

عارف بانى فلنتينو...

السكر اللى مفيش غيره...

كل النونات دول رايدينو...

يتمنوا خطوه على سيره ...

روميو انا وانطونيو كمان....

والدون جوان المتصيت...

لعبى بقلوبكم لعب جنان...

خلا النونات ماشيه تعيط...

زى الرشيد انا طول عمرى

كل النونات لعبه ف ايدى...

انعم واحرم وبامرى...

وانتى فى غرامى بتزيدى...

شوفى الرشيدى دا تلميذى....

لو كان معانا فى زمانا...

ييجى و يقول لى يا عزيزى...

ابدا دروسك علمنا....

دكتور انا و انتى الشاهده...

حلال عقد لو بتريدى...

تيجى برقه وموده...

وتقولى عالج تنهيدى....

نظرة عيونك قاتلانى...

خلليتنى مش شايفه طريقى....

امسح بايدك احزانى....

شوف حبى ليك حب حقيقى....

ساعتها يمكن اتعطف.....

وانسى غرورك يا صبيه....

واضحك فى وشك واتلطف...

واديكى رشة حنيه....

ياليلى طول عمرك ليلى....

لاكن انا مش مجنونك...

عاملالى تقلانه وهايله...

والغيره باينه فى عيونك....

يا حبيبتى طول عمرك ليلى...

اشعارى بس تحليكى....

عايزه ملاوعه ومحايله...

حامشى ولا حسال فيكى...

فى قصر اسبيكى وفيللا....

مغروره وكمان طماعه...

اصحى بقى وفوقى يا حلوه

احلام سيادتك خداعه....

المال صبح كل حياتك....

طب ليه بقى عامله اذاعه

اثبات كيانك او ذاتك....

يا حبيبتى فوقى دى اشاعه...

فى الوش عاملالى تقيله...

والقلب والع من حبى...

بانت دموعك يا دليله...

مهما تدارى وتخبى....

من كل قلبك وشعورك...

بتقولى انت فى وريدى...

طب ليه تزيدى فى غرورك...

دانتى رساله فى بريدى....

حرب راء ونون 3

نونات يا ناس هجموا بزيطه....

محلا هجومكم يا نوناتى...

اتحدوا وعملوا تربيطه....

فاكرنى حهرب يا خواتى...

داخلين هجوم حابس حابس...

طب ياللا يا نوناتى تعالو...

رح تبقوا أسرى للفارس...

والفارس يعمل ما بدالو....

عاملين رياسه وقياده....

طب ياللا ورونى يا نونات....

فارس انا وكلى اراده....

مكتسحا كل الغزوات...

صاحى وفايق من يومى...

واثق من نفسى ومتاكد...

سلطان قوى ملو هدومى...

فى الساحه واقف مستأسد...

لو انتوا طيور مهما عليتم...

بالنبله حوقع اقواكم....

او كنتوا نونات مهما قويتم...

بالنظره حوقع احلاكم....

يا حوا معاركك ويايا...

من قبل ما تبدأ محسومه....

اخرتها رح تجرى ورايا....

وتقولى سامحنى انا مظلومه...

عزالى شافونى هيمانه...

زنوا فى ودانى وعصونى...

دلوقت انا راجعه ندمانه...

ارجوك تسامحنى يا عيونى...

ميت شهرزاد انا حبقالك...

ياللى انت حبك وناسى...

حاحكى انا واسعد حالك...

يا شهريارى وتاج راسى...

يا نون النسوه انا مش ممكن...

رح تأسر قلبى النونات...

الراء دى راجل متمكن...

حتى لو هربوا الراءات...

قدامكم فى الساحه لوحدى....

بضحك من قلبى على حروبكم...

القوس والسهم اهو ف يدى....

متسدد دايما لقلوبكم...

يا حوا اعترفى اكرملك...

ما خسرتى حربك من بدرى....

لما حطيتك فى حرملك...

حبيتى وطبيتى فى اسرى....

يا حوا لو تبقى رقيقه...

حتعيشى فى ضلى محروسه...

لو قلت حاسيبك فى دقيقه...

القاكى باكيه ومفروسه...

لو نصرك هو الحدوته...

يا حبيبتى على طول احكيها....

يمكن دى العقد المكبوته...

اللى مش قادره تحليها.

حرب راء ونون 4

طب اهدى شويه يا اموره ....

واستنى اما القط لك صوره....

وانتى بتكابرى وتقاوحى....

وتعيشى ف دور المنصوره....

كالنسر انا طاير فى العالى....

ايش جابك جنبى يا عصفوره....

معركتك اوعى تخشيها....

حتعودى منها مقهوره....

من نظره قصورك وقلاعك....

رح تصبح فاضيه ومهجوره....

مسكينه ومعاكى نوناتك...

دايما جناحاتكم مكسوره....

من اول حوا لدلوقتى....

نفسكوا تتهنوا بشبوره...

يا حبيبتى انتى ونوناتك...

رح تقعوا بنظره زغيوره....

حتجونى سبايا يا صبايا....

وقلوبكو دماها مهدوره...

وتمروا قصادى وانا قاعد....

متسلطن جوه المقصوره....

اللى قدامى حتتمايل....

وتقول انا حلوه وغندوره...

واللى تتمايل بجدايل....

وتقول والله انا شطوره...

واللى رح ترقص وتغنى....

وتقول انا اجمل شحروره....

سلطان انا شامخ فى هوايا...

وانتى فى قيودك مأسوره....

الكلمه بعينك قلتيها....

وبنظره جميله ومسحوره...

طب ليه بتكابرى وتعاندى...

وانا صورتى ف قلبك محفوره....

مش يحيى 2

مش يحيى اللى حيجرى وراكى....

ويقول لك واقع فى جمالك....

او يركع فى بلاط مملكتك...

يترجى ودادك ووصالك....

ولاَّ يتذلل لسموك....

ولاَّ يتعلق فى حبالك....

ده برنس باخلاقه وفارس...

مش ممكن يرضى بافعالك...

مغروره وغرورك باين...

والكبر فى طبعك وخصالك....

لو قلتى بحبك من قلبك....

من قلبى كنت حقولهالك...

يا طالعه بنفسك للعالى....

نفسى مش ممكن توطى لك...

جاهله فى الحب وبتطاوعى....

كبرك والنفس الاماره....

بتسابقى غرورك وعنادك....

والفارس يحيى بقداره...

واثق من قلبه ومن حبه...

وانتى اللى خسرتى بجداره....

وحشتينى..2

ومين غيرى...

يكون فارس...

يكون حارس...

على حلمك....

دنا حلمك...

تعالى نعيش...

فصول الحلم ونواصل...

وايه حاصل...

اذا عشنا ...

حكاية عمرنا احنا...

وليه نسمح...

وليه نسمع....

كلام وظنون...

تجرحنا....

دنا عايشك...

بحلم جميل...

وبين اجفانى بلقاكى...

وعايشانى....

بلحظة عشق وصريح....

بلا تلميح..

ولا تجريح...

انا حلمك...

بشوفك من بين البدور حلمى....

ليالى الحلم عايشانا...

وسايبانا...

نعيش الحلم بالكامل....

عشان بكره...

تفكرنا...

سنين العمر بالذكرى...

تقول عنك..

وكانت ورده ببستانها...

تقول عنى...

وكان عاشق...

وعاش العمر يحلمها....

وبين حلمى ...

وبين حلمك...

بييجى الصبح متعطر..

تلاقينى فى حلم عنيد...

بلاقيكى يا حلمى بعيد...

وبنده لك...

وحشتينى...

فكره..

ماتسيبى بكره لبكره ...

عيشى الحب النهارده...

الحزن لو تنسيه...

كل الجراح تبرا...

يا خايفه م الايام...

ايه اللى راح يجرى...

ما كفايه نوح والام...

ودموع على ذكرى....

حلمك قصاد العين ....

محتاج يا دوب نظره...

تفرح طيور الحب...

ترتاح من الهجره...

ياعايشه يومك خوف...

بكره حييجى اكيد...

ما تمنعه فكره..

تليفون..

لا تقولوا موبينيل اوفودافون ...

شوفوا فاتورة تليفونى...

حتقولوا الله يكون فى العون...

وتعرفوا سر جنونى...

محبوبتى قالت يا حبيبى...

الصبح من اول ما تقوم...

ابقى اتصل بى يا نصيبى ...

عشان تصحينى من النوم...

صدقتها مانااصلى غشيم...

جبت المصايب لودانى...

من رغيها رحمن يا رحيم..

حرمت اعشق من تانى...

الصبح ترغى ويايا...

الضهر ييجى ما تسكتشى

العصر تحكى لى حكايه...

بعد العشا ما بتخلصشى...

الشغل منه رفدونى ...

وادينى صايع يا اخواتى...

لو ساندويتش حتدونى...

رح تنقذوا كل حياتى....

فكره جميله يا محلاها...

حديها عنوان الدوار....

اتصرفوا انتو معاها....

وابقوا احجزوها ليل ونهار...

قولولها جياكى رساله...

خليكى قاعده استنيها...

ماهى اصلها سايقه هباله...

وانا اللى متشحور فيها...

يا بوسطجيه ليه الشكوى...

دانتو حالتكم عال العال...

غيركم بيبكى ولا يقوى..

فى يوم يغير دى الاحوال

علمنى حُبُّكِ..8

علمنى حبك ان احيا....

وانا موؤود منذ عصور....

علمنى....

ان اغفر للعالم...

كل خطاياه....

ان انظر صوب الفجر المقبل...

ضاحكة شفتاه....

ان ارقص....

تحت شعاع الشمس...

ان ارفض...

كل دروب الياس...

ان ادرك...

انك عشق...

مكتوب لى...

ان القاه....

منذ عصور....

أنين ...

رعيت الامانى لخل جفانى....

وجُدْتُ بروحى لحب بخيل....

تبسم يوما وابكانى دهرا...

وبت بجرح وعود نحيل....

رضيت بحظى وحظى ابانى...

وما من حنون اليه ا ميل...

وحملت وحدى جبال الهموم....

وما للامان بعينى دليل....

اذا رمت حبا بليت بغدر....

اذا رمت عيش فعيشى ذليل...

لزمت الوفاء فاودى بعمرى...

واصبحت رمزا لمعنى هزيل...

صبرنا ياقلبى عساه سيحنو....

ترانا نشدنا هوى مستحيل....

كفانا يا قلبى انهزاما وضعفا...

امل تنحى وصبر عليل....

كفانى فانى تيقنت انى...

ضللت الحبيب وعز الخليل...