ديوان الشاعر/ يحيى زكريا

الشرنقة

من بين دواير غفلتك

القوه فيك مستسلمه....

مستسكنه....

متنومه......

صحصح بقه.....

شكشك جدار الشرنقه.....

قوم ياولد..

قول يا صمد....

انطق وقول اول عدد....

تلقى الحيطان اتشرخت....

تلقى الدروب اتفتحت....

من غير سدد...

قوم ياولد....

ارمى وراك كل العفن...

اللى سقط.....

اصله سقط....

ما له عزا.....

ما له كفن.....

ماتجوز عليه....

لحظة شجن.....

ماله تراب فيه يندفن...

سقط الحشا....

تاخده الكلاب الناهشه...

******

قوم ياولد....

اطلب مدد....

قول يا صمد..

ينطق معاك تانى عدد...

نفض جبينك م الوهن...

حرك ايديك جوه الحديد...

لو ينجرح فيك الوريد....

دمك يسيل....

عزمك يزيد....

دم الحبيس ماله تمن...

لو تنزفه رح تتولد...

سر الحياه رح يتوجد....

من بين غياهب ظلمتك...

لملم سلاسل قوتك...

كسر قيودك وانطلق....

حتلاقى فجر بيتخلق...

من نوره ليلك ينفلق...

قوم يا ولد...

شد الجلد...

القصه خلصت يا وله....

تمت فصول المهزله....

يس النهايه المزهله....

لسه ف ايديك....

يا تروح عدم....

يا تكون جبل...

تبقى حسمت المساله...

******

قام الولد....

قال يا صمد....

جا له المدد...

جسمه اتفرد....

من غير ما تنطق شفته....

الدنيا قالت كلمته...

تا لت عدد....

حطم جدار الشرنقه....

رامى وراه كل المحن....

كل الحكاوى الغادره....

والماكره....

متطهره....

منها حنايا الذاكره....

ما فى الم..

ما فى ندم...

ما فى وفا...

للى هجر...

واللى غدر..

واللى اختفى...

اه يا ولد....

اه يا ولد....

لما الاله يبقى السند...

ماشى الولد....

مادد مدد ...

شمس الحقيقه ف سكته...

متنوره.....

والخطوه من نبض الغضب


متصوره.....

بركان ورافض ينكتم...

عملاق ورافض ينهزم...

مهما انطعن.....

موش رح يعود للشرنقه...

موش رح يعود للشرنقه...

يحيى زكريـــا

مثل الربيع إذ أتت...


أزهرت....

أينعت...

أنت الرفيق....

أعطنى رفقة.....

............

مثل الربيع إذ أتت....

أزهرت ....

أينعت....

أنت الأمان....

إعطنى أمنا....

.............

مثل الربيع إذ أتت....

أزهرت ....

أينعت.....

أنت الفارس....

إعطنى سيفا.....

............

مثل الربيع إذ أتت....

أزهرت....

أينعت....

أنت الساهر....

إعطنى بدرا.....

..................

مثل الربيع إذ أتت....

أزهرت....

أينعت....

أنت الحبيب....

إعطنى قبلة.....

...............

مثل الربيع إذ أتت....

أزهرت ....

أينعت....

أنت الحياه.....

إعطنى.......

...........

..........

...........

ماتت........

عم نجيب ربنا يحميه....

اخد الجايزه وفرح قلبى..

كل الدنيا بتحكى عليه...

اهو دا المصرى اهو دا العربى..

قالوا الجايزه لاحسن واحد...

قلت (الكرنك) يشهد ليه.

و(كفاح طيبه) برضك شاهد...

(شهد الملكه) دا صنع ايديه.

(دنيا الله) موجوده ف ادبه...

(والتوت والنبوت) موجود..

(ايوب ) عصره ماحدش غلبه...

ادبه بيعبر كل حدود.

لو فى ( الطريق) مره قابلته...

حتشوف سماحة المصريين..

(مصر القديمه) دى حبيبته...

و(السكريه) نن العين..

(خان الخليلى) ف كتاباته...

خللى الاجانب شهدوا له..

و(ولاد حارتنا) يا ناس باتوا...

للصبح عنده يباركوا له..

عدى وفات (بين القصرين)...

قلت استنى اسمعنى يا ذوق..

رد حبيبى وقال بالعين...

ابقى قابلنى ف (قصر الشوق).

قلت انا خايف م (الحرافيش)..

ويا (فتوات الحسينيه)..

قال فتونه دلوقت مفيش...

(عصر الحب) ظهر يا عنيه..

لما قابلته حكى اى حكايه...

طلعت (ثرثره فوق النيل)..

عشنا فى (بدايه ونهايه)...

مع (رادوبيس) و ف (قلب الليل)..

الناس فى بلدى مسروره...

ماشيه بتحضن بعضيها..

ماهى مصر صبحت مشهوره...

وعمنا منور فيها..

عم نجيب محفوظ يا ولاد...

شرف كل المصريين..

هل الفرح علينا وزاد...

ربى يصونه قولوا امين..

يحيى زكريـــا

(1)


مراتى ست كريمه بشكل..

وكرمها دايما فوق راسى..

تحب بيتها مليان اكل....

وتحب برضك افلاسى...

اللحمه ملو التلاجه...

وبرضو تجرى تجيب لحمه..

محتاجه او مش محتاجه.

لازم تشارك فى الازمه..

لو حد فال فيه ازمة زيت..

تصحى قوام الفجريه...

بعد العشا ترجع لى البيت...

مشطبه ع الجمعيه..

والزيت فى بيتنا ياناس بالكوم..

ماتقولش مستودع تموين..

تحت الكنب وفى اوضة النوم..

ع المكتبه كراتين كراتين...

الناس تقول ياللا ندبر.

.ومراتى عقدتها الاسراف...

بسببها حالى بيتدحدر..

وموش حنلقى العيش الحاف...

بتحبنى مديون على طول...

وان جيت فى مره وقلت مفيش..

الاقيها تزغر لى وتقول..

يا يحيى ماتبطل تحويش...

يحيى زكريـــا

2)

مراتى جت وقالت لى ف يوم...


يا يحيى ودينى السيمه....



رديت وقلت يا عيب الشوم....



دى بهدله وقلة قيمه....



السينما ديه هم وغم ....



مايخشهاش غير المجنون....



وان كنتى غاويه فوران دم...



اتفرجى ع التليفزيون...



حتشوفى ايه جوه السينمه...



قصه ممله وفيلم سخيف...



ارواحنا تطلع فى الزحمه...



ويقولوا عطلان التكييف...



قالت لى فى الراديو وصفوها..



قالوا انها ام التفانين...



قلت لها لامها ولا بوها...



متصدقيش دا كلام مجانين...



قالت كلامك مش معقول...



ماهو انت شاعر بتا لف....



لو حتفضل كده على طول...



رح تبقى رجعى ومتخلف...



من يومها متشعلل فى حريقه...



ازاى راحقدر اجازيها...



عمال افكر فى طريقه...



اعاقبها بيها واربيها..



عقلى وصلنى لحيله...



فكره جميله وحل عطيم...



حعزمها ع السينما الليله...



دى السيما اصلاح وتقويم.

يحيى زكريـــا

(1)



انت..فى هذا التيه.... وحدك...



تعزف.... لحن البؤس... بالدمع....


وتروى....اشجار الحنظل...



تاكل ....من طرح المر...


انت...مخنوق بالحرف....



مسكون من كل الاحياء والاموات....



تمضى صوب اللاعوده....



ترحل.... كل مره....



الف مره.. صوب المجهول...



انتمن اى الاجناس .....



لا تدرى....



لا تغضب....فالكل لايدرى...



وجهك يحمل حجم الماساه....


عملاق انت...فى حجم الكون...



لا تغضب.....



(2)



عصفور انت....



فى حزن رائع....



يرقص فوق النار..


(3)


قنديل انت...



فى دهر سرمد....



فى درب مظلم....



تضوى..تامل..تحلم بالفجر...



بالصبح....



بالشمس....



فى درب مظلم....



قنديل يضوى...



فى درب مظلم...



يد تضوى...فى درب مظلم...



راس تضوى...فى درب مظلم....



قلب يضوى...فى د رب مظلم...



رجل تضوى...اخر الدرب...



فجر شقشق...



صبح اطبق....



شمس تشرق...



اخر الدرب...



قنديل يرقد...فى كف....



طفل يضحك...



(4)



انت...



نمرود فى الارض...



تقتل....تحرق...تنفى...



تزرع....اشجار الرعب...



وتلعن ...حتى الله...



جاء الحد...



تخرج ...مثل الفار...



من كهف الخوف....



تمشى...فى قيد...



تنكص...مثل الكلب...



هل تدرى الان...

من اين تأتي الشمس... ؟



(5)



عشقى انت....



حبك ياتى ، يهتك سترى



يعلن انى....



فى دنيا العشق....



مازلت.....احبو.....



(6)


شيطان انت....


عربيد....ياتى... من

ابراج الموت....



دخان اسود يخنق ، يطغى



يسكت...كل الالسن....



كونت...يعشق مص الدم...



مطرود....من روح الله....



ملعون...من كل الخلق....



حتى نفسك...



ياتى يوم...نرشق...ذاك السيف



فى صدر الكونت...



ياتى يوم.. يا كونت....



................


................


...............



ما كنت....

قالت..


هذه قصيده حواريه بين اثنان عاشقان...

سنرمز للفتاه باللون الازرق وللفتى باللون الاحمر

*****

ادميت عيونك بالسهر........ناجيت بسهرى عيناكى....

ناجيت عيونى ام البدر........لا اعرف بدرا الاكى....

افنيت سنينك فى الصبر..... بالامل اعيش لألقاكى...

بالامل تضيع وبالقهر....... يهدينى ضياء لسناكى....

يضنيك العشق ولا هزر..... فد نلت شهادة مضناكى....

تنساب دموعك كالنهر...... تنساب بحورا لرضاكى....

اسقيك المر بكاساتى..... اسقيتى شهدا لفتاكى...

ترتحل العمر بلا سفر......مشدود دوما لمداكى...

مسبوق خطوك بالضر.... تسبقنى الروح لنجواكى...

مهزوم انت ولا نصر.... النصر وقوعى باسراكى....

القيت بقلبك فى بئر......كى ينظر دوما لسماكى...

قتلاى بلا عد كثر....قد زادوا الواحد قتلاكى.....

اقتلك برمشى وبالسحر..... قد مت شهيدا لهواكى....

ما زلت تناطح فى الصخر..... كى اجعل قلبى سكناكى

قد هانت نفسك والعمر....ما هانت يوما لسواكى....

ينساك الناس ولا ذكر....ذكراى تعيش بذكراكى....

الحب عذاب لا مفر....اجعله جنة دنياكى...

لا اقبل كذبا او غدر.... قلبى وحياتى بيمناكى...

قلبك بستان للزهر.... افرشه يزين مسراكى...

من اين يواتيك الشعر..... كلمات تهمس شفتاكى...

اهواك الان بلا حذر.... من مهدى يا عمرى اهواكى.

نبأنى قارئ الكف...

بأنى سوف القاكى...

وأن العشق زائرنى ...

وناهينى وأمرنى...

وأنك نصفى الحانى ...

على نصفى واحزانى ...

وأنى حين القاكى ...

تغرد كل اطيارى ...

وتزهو كل ازهارى ...

وأن الكون يتسع ...

وكل الغيم ينقشع ...

بدربى حين القاكى ...

*******

نبأنى قارئ الكف ...

بأن الحب مقدور ...

وقلب الصب مقهور ...

وأنى حين القاكى ...

أطيع النهى والعمر ...

أبيع الأمن والعمر ...

أسافر فى رجاءاتى ...

وتهزمنى صراعاتى ...

وأنى حين القاكى ...

أعانق ليل اشواكى ....

بقلب صابر باكى ...

بطول العمر ارتحل ...

كسيح الخطو منخذل ....

شريد ضائع الدرب ...

كسير متعب القلب ...

وأنى حين القاكى ...

رياح الخوف تقتلنى ...

وصوت بيانى يخذلنى ...

فكيف اقول اهواكى ....

انا والليل واغنيه....

كل كلمة حب حلوه قلتهالى....

وتتمايل مراكبنا...

بنسمة ليل منديه...

وتتلاقى شفايفنا...

وتتعانق فى وقت سكون...

وطفنا الكون...

باحلامنا...

ونجمه من السما نزلت...

تبوس الشط قدامنا...

بليلة عرس ورديه...

وجنيًه...

بموج النيل...

تداعبنا....

تمرجحنا...

على الميه...

ونعلى فوق مقاديرنا..

بلحظة صدق..

وقدرنا...

نكون غيرنا...

واشوفك نازله م الجنه...

حوريه وجت تجاسنى....

واحسك نور يلامسنى...

ويلبسنى...

يصبحنى....

اسير عشقك يا حوريه...



انا والليل واغنيه....

كل همسة شوق بشوق سمعتهالى...

وكان همسى ...

وكان همسك...

بدنيا الحي منظومنا....

وزاد يومنا....

غنانا فى صحونا ونومنا...

بشوق الهمس نتشوق....

ونرسم بكره ونزوق....

واشوف حلمى فى احلامك....

واشوف املى امانيكى...

تدارينى بنن العين....

وجوه الروح بداريكى....

وكان همسى...

وكان همسك...

رضا عمرى....

هوا سنينك...

وكان شوقنا ومعشوقنا...

كما دينى....

كما دينك....

يهل الحب فى جبينى...

يشع بنوره فى جبينك...

وفى يمينك ...

تنام ايدى...

وبتعيدى....

سنين من عمرى مطويه...



انا والليل واغنيه.....

والامان والعطف والقلب الحنين...

عرفت الحب وياكى...

وكان عمرى بيتغرب...

لقيت نفسى فى لقياكى...

وفجر امانى بيقرب...

وشفت الدنيا دى جنه....

وخوف روحى بيتسرب...

يا سابحه ف نفسى مين غيرك...

يقوينى....

يا ساكنه القلب مين غيرك...

حيأوينى...

دنا عاشق....

ورنة شوق ....

بتحيينى...

يا قلب حنون...

بوسط التيه...

ينادينى....

يا شارد فى بلاد ضلمه...

وهم الدنيا صار همك...

تعالى نجتمع لمه....

حنان قلبى ...

انا يضمك...

يا طفل يتيم...

بليل قاسى...

وبتقاسى...

انا حضنك...

تعالى تهدهدك روحى....

تعالى تلملمك عينى...

فى حضنك تنتهى جروحى...

برب الناس بترقينى...

وبين حبك...

وبين عطفك...

الاقى الجنه فى يمينى....

تورينى...

صحارى العمر مرويه...

انا والليل واغنيه...

يا حبيبتى لما اشوفك...




مش حقول انى بحبك...




مش حقول لك ...




إن حبك...




جوه دمى...




موش رح اسمح للعيون...




ترمى دمعه ع الخدود...




موش حقدم لك ورود...




مش حقول لك...




ان حبك...




احلى حاجه فى الوجود...




مش حقول انى فى بعدك....




عشت دنيا دوختنى...




والموانى لفلفتنى...




والمداين توهتنى....




مش حقول صورتك فى قلبى...




ولا رسمك فى الضلوع....




ولا ايدك صحن فضه....




فيه اطايب م الموده...




مهما امد ايديا وأكل...




كل مره ...




الف مره...




ليه بجوع...




مش حقول....




حبك بدايتى....




ولا عينك بحر صافى...




بحر فيه الحب وافى....




ولا صدرك حضن دافى....




موش حقول انك مرايتى...




اللى فيها بشوف حقيقتى...




مش حقول لك يا حبيبتى...




لما قلبى فى صدرى ينبض...




يبقى ضخ الدم منك...




لو على فى الكون ندايا....




موش بنادى غير عنيكى ....




لو سرحت وفكرى تاه ....




فكرى ما يتوه الا فيكى...




لو بكيت فى الليل لوحدى...




ببكى من خوفى عليكى....




مش حقول لك يا حبيبتى...




لما اشوفك...




نفسى اشوفك...




كل ثانيه...




وابتسامه من شفايفك ...




تسوى عندى الف دنيا...




مش حزوق فى المعانى...




مش حخللى الشعر يوصف..




رقتك بكلام اغانى...




مش حخللى القلب يحلف...




إن حبك...




كل ذره فى كيانى...




يا حبيبتى لما اشوقك...




مش حضمك...




مش حبوسك...




بس حاجى اقعد قبالك...




وارمى همى فوق كتافك....




وانسى خوفى بين كفوفك...




كلمه واحده حتقوليها...




القى صوتك ...




يملا نفسى بالامان...




والتقينى دبت فيكى...




روحى تنسى..




كل معنى للزمان...




والمكان ...




كلمه واحده حتقوليها...




يا ضنايا....




وقتها حغرق فى حضنك...




وقتها حاهمس واقول لك....




أااااااااااه....




والله وحشانى يا امى

جوه المدينه....

ابوا ب كتير...

ابواب كتير متفتحه...

ابواب كتير متقفله...

ابواب كتير متزوقه...

ابواب كتير متشققه...

ابواب كتير متحنطه....

فوقها رسوم متشخبطه...

ابواب عليها البؤس بان...

ابواب عليها صولجان..

ابواب عليها ديدبان...

والعقل تاه....

والعقل تاه بين لبيبان...

******

مطلوب دليل....

له فى المدينه ...

باع طويل....

يرسم لنا ...

مليون بيان...

يشرح لنا ...

ايه اللى مكتوب ...

ع الحيطان...

العقل خايف...

يوم يتوه...

زى اللى تاهوا...

فى الزحام..

******

مطلوب دليل...

فارس همام...

ياخد بايدنا...

فى الظلام...



******

مطلوب صديق...

يفتح لنا ...

مليون طريق...

مايخافش بحر...

شرورغريق...

فى لحظة الياس الكبير...

والكون بيغرق....

فى الالام...


******

فى لحظة الياس الكبير...

بان الامل...

من بين حطام النفس...

قام...

فارد دراعه فى السما...

فارس وراكب ...

ع الفرس...

الحق سيفه وكلمته....

الصدق قوته وهدمته...

حامل عصا...

فوف انها لمن عصى...

تقدر كمان...

تفتح بيبان...

اسمى انا ...

الشاطر حسن...

عايش وباقى ...

ع الزمن...

بيبان كتير....

حفتح لكم...

بس اللى مطلوب...

منكم...

تتعلموا...

من كل باب...

رح نفتحه...

لابد منه...

تفهموا...

الحق ايه....

و الصدق فين....

والعدل ايه...

والرحمه فين....

الهدمه ايه....

واللقمه فين..

ابواب كتير ...

متقفله...

رح تنفتح...

بسم الاله...

حفتح لكم...

للعدل باب...

بسم الاله...

حفتح لكم ...

للعدل باب..

جوه المدينه...

طيوف وطيوف...

ببالى تطوف...

تحاورنى...

تناورنى...

وتخطف ضحكتى منى ...

والقى الحزن ساكنى...

ما بعرف ليه....

وامتى وايه...

وكان وكان...

وايه يا زمان...

جرى منى...

يخللى الناس..

بتألمنى...

وبتاجر باحزانى...

واسال ليه...

الاقى الصمت فى ودانى...

يزيد يـأسى...

ويا نفسى..

داياما نعيش..

ويا ما نشوف...

طيوف وطيوف..



طيوف وطيوف...

ببالنا تطوف...

تفرحنا ...

وتسعدنا...

وعن احزاننا تبعدنا...

وتاخدنا برحلة شوق...

ونعلا لفوق...

لفوق ولفوق...

ونلمس نجمه سهرانه...

ونحيا لحظه نشوانه...

وتنسانا مقاديرنا...

وتسكرنا..

حلاوة فرحة اللقيا...

ونتمنى..

ما منها نفوق...

نلف الكون..

نطوف ونشوف ..

طيوف وطيوف...


طيوف وطيوف...

ببالى تطوف...

شخوص جايه من الماضى...

ما بقبلها...

وقلبى ليه ما قابلها..

و ما راضى...

بشوف حتى ملامحها...

وما عارف..

يقاضيها..

يصالحها...

يعاديها...

يسامحها...

طيوف شايله...

رياح الخوف...

ويا ما نشوف...

طيوف وطيوف...


طيوف وطيوف...

ببالى تطوف...

وشوش باهته..

لا ليها لون...

ولا ريحه..

ومش بتبان تقاطيعها...

بقاطعها...

وما بعرف..

كتير حتى ..

مواضيعها...

بتصدق ولا كدابه..

عدوه ولا حبابه...

صريحه ولا بتمثل...

بكل قناع بتتمثل..

ومنها الوف...

طيوف وطيوف...



طيوف وطيوف...

ببالى تطوف..

بتملا نفوسنا بالخيرات...

وتزرع فى حنايا الروح...

منين ماتروح...

كتير بسمات...

ونتمنى.

بليله تفوت...

ولو تسند اياديها...

على حيطنا..

ونتمنى فى ليله تبات...

بحوش بيتنا...


بفرشتنا...

تحس الخير فى خطوتها..

وسكتها..

ملانه بالامل والنور...

وملو القلب صورتها...

وملو الشوف..

ويا ما نشوف...

طيوف وطيوف...

استاذنا زقلط بسلامته....

بين يوم وليله صبح فنان...

فى السوق ملعلع يا حلاوته...

الحانه اهه على كل لسان....

مره يغنى يقول كوابيس...

مره يغنى يقول قلقان...

جايب وراه فرقة جواميس...

اما الكورال فرقة خرفان...

نهق كتير قوى ع الصحبه...

وياما جعر ع الخلان...

ال قلبه فقع فى الغربه...

ماهو اصله كان شغال فران..

كام جانى يفهمنى...

بانه بقى فنان موسيقار...

كلامه فعلا جننى...

كان نفسى اطخه بالف عيار...

اخر كلامى للاخوان....

اهل الطرب اهل التفانين...

الفن ليه اصبح عدمان...

واللى سمح بالعك دا مين....