اسامه علي
عضو
عدد الرسائل : 34
تاريخ التسجيل : 17/07/2008
 | موضوع: يا عروس البحر لأبيض  الإثنين يوليو 21, 2008 1:29 am | |
| يا عروس البحر لأبيض
كلمات : أسامة علي
بأعشقك يا إسكندريه
يا عروس البحر يا أجمل صبيه
عشقي ليك في القلب غِيَّه
من زمان وأنا صُغَيَّر
كنتي حلمي لَمَّا أكبر
من زمان بأحلم بأرضك
وبرمالها المرمريه
من زمان حبك ماليني
وكان اليك دايما حنيني
من حكاوي أبويا لِيَّه
أصل أبويا عاش في أرضك
فيكي ياما سنين كتيره
شاف في أهلك
شاف في ناسك
أحلى جيره
كان يقوللي
ياما شفت كتير بلاد
بس زي إسكندريه
عيني ما شافت جمالها
بكر دايما وبعفافها
في النهار أو حتى ليلها
ليل فرح
ونهار مرح
في الكرم مافي مثالها
حتى نيس أو الريفيرا
إنتي أحلا تاريخ وسيرة
وياما صديتي يا غالية
جيوش كتيره
ياما حطمتي الطغاه
اللي جَيِّنْلِكْ غزاه
أصل طول عمرك كبيره
يا عروس البحر لأبيض
اللي للعشاق بتوعد
بالليالي الأسطوريه
كل ركن فيكي جَنَّه
واللي شافك قال وغَنَّا
بأعشقك يا تمر حِنَّه
كل لياليكي هَنِيَّه
آه يا عيني على جمالها
زنقة الستات بحالها
وبحري حلوه
ولا في العجمي يا عيني
ولا قعده وسط منتزتك أنولها
وأما أروح العطارين
كل ناسها طيبين
سيدي بشر وغبريال
كليوباترا
سان إستيفانو
والأنفوشي آخر جمال
خفة الدم اللي فيها
رقه الأحساس ماليها
بحرك ال مليان حنين
ملهمه للعاشقين
مَيَّه صافيه
قعده دافيه
والهوا فيكي عليل
صحة فيها بألف عافيه
مهوى قلب المغرمين
وسط ليلك تحلا أوقات الطرب
أرضك الغاليه عجب
حتى لو مهموم حزين
في ثواني يروح من النفس الغضب
وإنتي غاليه
وفـ مقامك فوق وعاليه
وإسمعي مني الكلام
مني ليك مليون سلام
والتحية
يا عروس البحرلأبيض
يا دهب يا اسكندريه
أختي الغالية طبطب أهديك هذه القصيدة التي كتبتها لأحب بلاد مصر إلى قلبي
عدل سابقا من قبل اسامه علي في الإثنين يوليو 21, 2008 10:02 pm عدل 1 مرات | |
|
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: يا عروس البحر لأبيض الإثنين يوليو 21, 2008 11:11 am | |
|
100 مليون ميرسي على الاهداء الرائع أخي الرائع اسامة
كلمات ولا أروع في حب اسكندرية انا نفسي بنت البلد ما اعرفش اوصفها ولا اوصف مكانتها في قلبي بالجمال دا دا انت حافظ اسكندرية حتة حتة خلاص حنديلك الجنسية ..ومين أحق منك بالجنسية الاسكندرانية بعد كل الحب والكلام الحلو دا كله عنها ؟!! تسلم ايدك ومداد قلمك ولك كل التحية والتقدير ومني ومن كل أهل اسكندرية بهديلك باقة ورد 
| |
|
اسامه علي
عضو
عدد الرسائل : 34
تاريخ التسجيل : 17/07/2008
| | موضوع: رد: يا عروس البحر لأبيض الإثنين يوليو 21, 2008 10:10 pm | |
| - طيبة كتب:
-
100 مليون ميرسي على الاهداء الرائع أخي الرائع اسامة
كلمات ولا أروع في حب اسكندرية انا نفسي بنت البلد ما اعرفش اوصفها ولا اوصف مكانتها في قلبي بالجمال دا دا انت حافظ اسكندرية حتة حتة خلاص حنديلك الجنسية ..ومين أحق منك بالجنسية الاسكندرانية بعد كل الحب والكلام الحلو دا كله عنها ؟!! تسلم ايدك ومداد قلمك ولك كل التحية والتقدير ومني ومن كل أهل اسكندرية بهديلك باقة ورد
شكرا يا طبطب على كلامك الجميل وعلى الورد من إيد ما نعدمها يارب
أما عن الجنسية الأسكندرانية فدا شئ يشرفني فعلا فجنسية تلك المدينة الساحره
منتهى أملي مع إني أعتبر من حامليها
فهل تعلمي أن أختي فاطمة ( أم ضياء) وأخي الذي يليها في المولد وهم أكبر مني بخمس
وأربع سنوات من مواليد الأسكندريه حيث كان يقيم أبي فيها ويعمل بها إلى أن إنتقل منها
إلى القاهرة فولدت أنا بالقاهرة بحدائق القبة فكان الوالد ربنا يعطيه الصحة عامل زي إبن بطوطه هههههههههه
رحال وبعدين هنكتب في مين إذا كنا مش هنكتب للأسكندريه
وكفاية إنك منها يا طبطب هههههههههههههه
| |
|
طيبة
عضو برونزي
عدد الرسائل : 1180
الموقع : بيت طيبة
تاريخ التسجيل : 10/05/2008
| | موضوع: رد: يا عروس البحر لأبيض الإثنين يوليو 21, 2008 11:22 pm | |
| - اسامه علي كتب:
- طيبة كتب:
-
100 مليون ميرسي على الاهداء الرائع أخي الرائع اسامة
كلمات ولا أروع في حب اسكندرية انا نفسي بنت البلد ما اعرفش اوصفها ولا اوصف مكانتها في قلبي بالجمال دا دا انت حافظ اسكندرية حتة حتة خلاص حنديلك الجنسية ..ومين أحق منك بالجنسية الاسكندرانية بعد كل الحب والكلام الحلو دا كله عنها ؟!! تسلم ايدك ومداد قلمك ولك كل التحية والتقدير ومني ومن كل أهل اسكندرية بهديلك باقة ورد
شكرا يا طبطب على كلامك الجميل وعلى الورد من إيد ما نعدمها يارب
أما عن الجنسية الأسكندرانية فدا شئ يشرفني فعلا فجنسية تلك المدينة الساحره
منتهى أملي مع إني أعتبر من حامليها
فهل تعلمي أن أختي فاطمة ( أم ضياء) وأخي الذي يليها في المولد وهم أكبر مني بخمس
وأربع سنوات من مواليد الأسكندريه حيث كان يقيم أبي فيها ويعمل بها إلى أن إنتقل منها
إلى القاهرة فولدت أنا بالقاهرة بحدائق القبة فكان الوالد ربنا يعطيه الصحة عامل زي إبن بطوطه هههههههههه
رحال وبعدين هنكتب في مين إذا كنا مش هنكتب للأسكندريه
وكفاية إنك منها يا طبطب هههههههههههههه
دا بس من ذوقك يا أس أس ربنا يحفظك
يعني انت فرقت معاك شهور وكان ممكن تبقى اسكندراني المولد
معليش بقى أمرك لله بدل مع أم ضياء الجنسية أكيد مش هتكسف اخوها
واذا ما وافقتش حشتريلك واحدة ما تقلقش
| |
|
وفاء محمود كحيل
عضو
عدد الرسائل : 20
تاريخ التسجيل : 03/08/2008
| | موضوع: رد: يا عروس البحر لأبيض الأحد أغسطس 03, 2008 9:50 pm | |
| ما شاء الله
كلمات جميلة
لا حرمنا الله هذا الألق
دام إبداع أعمالك رمزا لكل ما هو راقي وجميل
وفقك الله شاعرنا القدير أسامة علي | |
|
