طالبة النجدة ..رقية**

يا فتاح يا عليم يا رزاق يا كريم


بقى دي اللي بتقول هساعدك وهرش ميه من الصبح واولع البخور وافيش الهوامش؟!!!

جيالي بعريضة شكوى سبع امتار ونص

بادىء زي بدء لازم تعرفي يا روقة ان المنتدى دا مجاني

يعني نبوس ايدينا وش وضهر ونشكر اصحاب الموقع اننا موجودين ومجتمعين هنا

ثانيا انا ما اعرفش اي حاجة في اي حاجة وكله ماشي ببركة دعاء الوالدين

واحمدي ربنا على ستايل واحد وقولي ربنا يدمها نعمة ويحفظها من الزوال

وحكاية الرمز اللي بيجي في الاول دي بتحصل برضو معايا

ولوحدها بتتعدل بس انتي َسمي

وانا معاكي ان التنسيق صعب شويتين مش شوية ومافيش صناديق تانية ولا كراتين

كله بحسابه يعني اللي عاوز يدلع نفسه يدلع اصحاب الموقع ويدفع لهم

وانتي عارفاني جِلدة ومش ناوية ادفع ولا سحتوت

لو انتي ناوية تتبرعيلي مافيش مانع

اما ادراج الصور فدي بقى مالكيش حق فيها

لانها بتطلع في مكانها واظن انها كبستك المرة دي

نصيحة مني استحملي اي عيوب لانها بتتصلح وحدها

الجماعة بتوع الدعم الفني جزاهم الله خير بيمروا من هنا بصفة دورية

وبيصلحوا العيوب من نفسهم

انتي تكتبي شكوتك وانا اصبرك عليها لحد اما حد يشوف الشكوى ويصلحها

أي خدمات أخرى ؟

آديني حليتلك كل مشاكلك في لمح البصر

انتي بس أؤمري يا وزة

على فكرة يا روقة انتي اما تحطي الرمز او الصورة في آخر الجملة

و تظهرلك في اولها... سيبيهازي ما هيا... لانك اما حتضيفي الرد بترجع

في مكانها الاصلي في آخر الجملة وحدها

شوفتي السحر ؟

رقية كتب:

طيبة كتب:

على فكرة يا روقة انتي اما تحطي الرمز او الصورة في آخر الجملة



و تظهرلك في اولها... سيبيهازي ما هيا... لانك اما حتضيفي الرد بترجع



في مكانها الاصلي في آخر الجملة وحدها



شوفتي السحر ؟

thank you habibty

هو المنتدي مجاني والله طيب مش تقولي وانا اللي ظلمت شنطتك وقلت دي مليانة فلوس وكدا

طيب ربنا يصبرنا بقي علي المجاني واحنا عشانك يا قمر نعمل اي شيئ

واحنا في ديك الساعه ولا في كتاكيتها حتي

علشانك انتي انكوي بالنار و القح جتتي

ههههههههههههههه

مش دا اللي عاوزة تقوليهولي يا وزة ؟

كل اللي انا خايفة منه انك تفتكري ان شنطتي مليانة فلوس

لازم ابخر نفسي

قال فلوس قال

دا انا عمري ما شوفت الجنيه شكله ايه

ما معكيش جنيه ؟

ولا أمشي خفيف خفيف ؟